Espainiako Estatuak ezarri duen LOMCE legearen aurka agertu dira Ikasle Abertzaleak eta Eskola Eskola Publikoa Gaur Bihar plataforma. Besteak beste, erlijioak hartuko duen garrantzia, eta lege elitista, espainolista eta sexista dela salatu dute.
Ignacio Wert Espainiako Hezkuntza ministroak gaur aurkeztu du hezkuntza erreforma (LOMCE legea). Hezkuntza arloko eragile ugarik kritikatu du lege polemikoa.
Gaur ostirala eraman behar zuten LOMCE legea Espainiako Ministro-Kontseilura, hezkuntza erreforma polemikoari buruzko eztabaida parlamentuan abiatzeko. Azkenean atzeratu egin dute eguna, baina gaiaz aritu nintzen atzo irakasle birekin eta kezkatuta zeuden, Cristina Uriarte Eusko Jaurlaritzako...
Estatu Kontseiluak hezkuntza ministro Jose Ignacio Wertek aurkeztutako erreforma zuzentzeko eskatu du. Hizkuntza arloan egingo dituen aldaketak ez ditu ontzat eman, autonomien eskumenak urratzen dituelakoan. Kontsultarako organoa denez, esandakoa ez da loteslea, baina Gobernuaren planteamenduaren babes falta erakutsi du.
Cristrina Uriarte Eusko Jaurlaritzako Hezkuntza sailburuak atzerakoitzat jo du Espainiako Gobernuaren Hezkuntza Kalitatea Hobetzeko Lege Organikoa (LOMCE), bai arlo pedagogikoan, bai eskuduntzen arloan. Baina PPren gehiengo absolutua kontuan izanda, legea bertan behera uzteko eskatu beharrean, aldaketak lortzeko elkarrizketa lehenetsiko duela esan zuen atzo Eusko Legebiltzarreko Hezkuntza Batzordean.
Eduki homogeneo eta zentralistetan oinarritutako curriculum espainiarra, ikasle “txarra” lehenbailehen antzeman eta alboratzen duen ibilbidea, ezagutza memoristiko eta akademikoa hobesten eta gaitasunak alboratzen dituen eredu ekonomizista. 180 graduko bira, murrizketez eta euskararen kalterako neurriz hornituta. Horra, PPren gehiengo absolutuak ahalbidetuta, Espainiako Estatuan ezarri nahi duten hezkuntza sistema.
Umeen hezkuntza gurasoon ardura da, lehenik. Nola hezi nahi ditugun erabakitzeko eskubidea izango dugu, bada, gurasoek, ezta?
Gehitxo delegatzen dugu bizitza, orokorrean, eta hezkuntza ere pakete horretan doa. Delegatutakoan, besteen lanari esker umeek jasotzen duten hezkuntza egoki baloratzen...
Ministroa arduratuta dago, Hego Euskal Herriko gaztetxoek gaztelania ikasiko ez duten beldurrez, edo euskara gehiegi ikasiko duten ikaraz.
Espainiako Gobernuak ezarri nahi duen Hezkuntza Kalitatea Hobetzeko Legearen (LOMCE) aurka larunbatean manifestazioa egingo da Hego Euskal Herriko hiriburuetan, ELA, LAB eta EILAS sindikatuek deituta. Erantzuna ahalik eta zabalena eta tinkoena izan dadin, siglarik eta banderarik gabeko manifestazioa izango dela adierazi dute. Ikasle Abertzaleak eta Sortzen Ikasbatuaz eragileek ere bat egin dute mobilizazioekin.
Adostasun ezak, finantzazio arazoek eta eskumen gatazkek Espainiako Gobernuaren hezkuntz erreforma arriskuan jartzen dute, J. A. Aunión kazetariak El País-en nabarmendu duenez. Autonomia Erkidego ugari azaldu da Werten erreformaren aurka, baita PPren esku dauden zenbait ere.
José Ignacio Wert Espainiako Hezkuntza ministroak LOMCE proiektua itxita dagoela eta Kongresura eramatea besterik ez dela falta berretsi du, Cristina Uriarte Eusko Jaurlaritzako Hezkuntza eta Kultura sailburuak Radio Euskadin adierazi duenez.
Cristina Uriarte Eusko Jaurlaritzako Hezkuntza, Hizkuntza Politika eta Kultura sailburuak dioenez, Jose Ignacio Wert Espainiako Gobernuko Hezkuntza ministroak abian jarri nahi duen erreformak Jaurlaritzaren eskumenak urratzen ditu, eta ez du euskararen koofizialtasuna bermatzen. Asteartean egin zituen adierazpenok ETBko Azpimarra saioan. Datorren astelehenean bilduko da Uriarte Wertekin, adostasun batera heltzeko asmoz.
Espainiako Hezkuntza ministroaren LOMCE proiektua "inposatzailea, zentralizatzailea, uniformatzailea, espainolizatzailea, atzerakoia, doktrinatzailea, segregatzailea eta elitista" dela salatu dute ELA, LAB eta EILAS sindikatuek. Hartara, haren kontrako mobilizazioa deitu dute datorren martxoaren 2rako.
Cristina Uriarte Eusko Jaurlaritzako Hizkuntza, Kultura eta Hezkuntza kontseilariak Werten erreformarekiko desadostasuna azaldu du: “Gure neurriak hartu behar ditugu hezkuntza sisteman aurrera egiteko, eta ez atzera”.
Espianiako Hezkuntza sailak berriro aurkeztuko die gaur erkidegoei hezkuntza erreformaren zirriborroa, baina aldaketarik egin gabe. Proposamenaren arabera gaztelania hizkuntza nagusi bilakatuko litzateke eta hizkuntza koofizialak hautazkoak izango lirateke.
Werten erreformaren aurkako sinadura bilketa hasi du Oriol Franch bartzelonarrak Change.org plataformaren bitartez eta 145.000 baino gehiago lortu dituzte bi asteetan. Villaweb agerkari digitalak adierazi du Franchek asteazken honetan eramango diola manifestua Espainiako hezkuntza ministroari.
SUTAN sumatu dugu Kataluniako gizartea Alderdi Popularrak, Wert ministroa buru, aurkeztu berri duen hezkuntza erreformarekin. Haserrea nabaritu da Euskal Herrian. Bada desberdintasunik bata eta bestearen artean. Katalanen gehiengo handiak bere-berea sentitzen duen hizkuntza eta hezkuntza...
Euskararen Gizarte Erakundearen Kontseiluaz gain, hezkuntza alorreko eta sindikatuetako ordezkariak ere prentsaren aurrera agertu ziren atzo Jose Ignacio Wert Espainiako Hezkuntza ministroak egin nahi duen erreformari erantzuna emateko. Bilbon egin zuten prentsaurrekoa eta bertan adierazi zuten, erreformak euskarari “eraso larria” egiten badio ere, aurretik egindako apustuarekin jarraituko dutela.
EAJko legebiltzarkideen botoek emandako gehiengo sinplearekin Iñigo Urkullu lehendakari izendatu du Eusko Legebiltzarrak.
Som Escola plataforma katalanak deituta, manifestazioa egin zuten atzo Bartzelonan eta Kataluniako beste hainbat herritan, Espainiako Hezkuntza ministro José Ignacio Wert-ek aurrera eraman nahi duen erreformaren aurka protestatzeko. Som Escolak elkarretaratzean aurkeztutako eta Vilaweb gunean argitaratutako manifestuaren puntu nagusiak hona ekarri ditugu, laburtuta:
FAES think tank-ak antolatutako hitzaldia da, 2010eko uztailaren 11n. “Espainiako gizartea erreforma-agendaren aurrean” titulua dauka José Ignacio Wertek prestatu duen gaiak. Artean ez da Espainiako Hezkuntza, Kultura eta Kirol ministro. Bi urte geroago bai, eta hezkuntza erreforma ezarri nahiko du; erreformaren zutabeak hitzaldi hartan jasota zeuden: demokrazia gutxitzea, autonomia erkidegoei boterea kentzea, autoritatea indartzea…
José Ignacio Wert Espainiako Hezkuntza ministroak atzo aurkeztu zuen hezkuntza erreformari erantzun diote Euskal Herriko eta Kataluniako eragile sozial, politiko eta sindikalek. Wertek prozesua atzeratu du, soilik PPk boterea duen erkidegoak daudelako ados erreformarekin.
EHUko errektore kargurako aukeratu dute bigarrenez Iñaki Goirizelaia botoen %55arekin. Parte-hartze baxua izan da errektoretzarako hauteskundeen ezaugarri nagusia, bereziki ikasleen artean: 4.566 lagunek bozkatu dute eta 51.643 pertsonak zeukaten horretarako eskubidea. Goirizelaiak Euskadi Irratiari adierazi dionez, “azterketa sakona” egingo dute ikasleen portaera horren inguruan.
José Ignacio Wert Espainiako Kultura eta Hezkuntza ministroak gaur aurkeztuko du hezkuntzan egin nahi duen erreforma egitasmoa. Hizkuntza koofiziala duten erkidegoetan gaztelania eta erkidegoko hizkuntza “proportzio orekatuan” eskaintzea da Werten helburua. Horrek euskarazko eskola-orduak murriztea ekar lezake.
Jose Ignacio Wert Espainiako Hezkuntza ministroak proposatu du ikasleek hiru errebalida egin behar izatea. Alegia, ziklo bakoitza amaitzean, azterketa bat gainditu beharko dute aurrera egin ahal izateko: 12 urterekin –Lehen Hezkuntza amaitutakoan– egin beharko dute lehenengo azterketa, 16 urterekin –Derrigorrezko Bigarren Hezkuntza amaitzean– bigarrena eta 18rekin –Batxilergoaren titulua lortzeko– hirugarrena. Isabel Celaá Jaurlaritzako Hezkuntza sailburuak erreforma "zaharkitu eta baztertzailea" dela esan du, eta berdintasun sozialari "eraso" egiten diola.
Jose Ignacio Wert Espainiako Hezkuntza, Kultura eta Kirol ministroak atzo iragarritako aldaketa nagusietako bi batxilergoko eta Lanbide Heziketako urte kopuruei dagozkienak dira alde batetik, eta Heziketa Zibiko eta Konstituzionala izeneko ikasgaia sortu izana bestetik.
