Euskal Kulturaren Urtekaria
Jon Alonsoren artikulua ipuin bat dela. Hori esan du [Koldo Ordozgoitik]. Jende guztia hura iritzi-artikulu bat zelakoan, Euskadi Sarietako hainbat gauza salatzen zituen artikulua hain zuzen, baina bai zera! ipuin bat omen. Ipuin bat, hau da, kontakizun entretenigarri, denbora pasarako egoki, nahiko hutsal eta, batez ere, faltsu bat. Ordea, pentsatu nahiko nuke Eusko Jaurlaritzako Kultura Sailean lan egitera iristen den norbaitek ez duela horrelako ikuspuntu zaharkitu eta topikoa ipuinen inguruan. Eta orduan imajinatzen dut Ordozgoiti jaunak beste zerbait esan nahi duela esaldi horrekin. (Eremulauak.com 07-02-13)
© 2009 ARGIA.com
