Azken asteetan Leioako campuseko ikasleek egin dituzten protestak direla eta, Bizkaiko Foru Aldundiak Bizkaibusen prezioa jaistea aztertuko du. Bilboko metroaren antzeko ‘gazte txartela’ ezarri lezakete, El Correok argitaratu duenez.
Ikasleak aste osoan ari dira mobilizatzen Bizkaibusen prezioak eta Leioako Campusera iristeko garraioaren prekarietatea salatzeko. Gaur, ‘Bizkaibus ez ordaindu’ lemapean, autobusetan sartzean ordaintzeari uko egiteko deia egin dute.
EHUko Gobernu Kontseiluak adierazi du funts ekonomiko bat sortu nahi duela bere aurrekontu planaren barruan. Krisiaren eraginez ikasleek matrikula ordaindu ezin duten kasuetan, bertatik ordaindu eta gastuak estali ahal izango dira.
Xabier Aierdi eta Enrique Antolin EHUko irakasleak absolbitu ditu Bilboko zigor-arloko epaitegiko lehen aretoak. Frantziara deportatutako bi ikasleri klaseak emateagatik epaitu dituzte, prebarikazio administratiboa leporatuta.
EHUko Donostiako Arkitektura Eskolako ikasleek "Greba sorkorra" egingo dute gaurtik hilaren 15era bitartean. "Ikasle euskaldunen hizkuntza eskubideak errespetatu eta euskara emantzipatuki garatzeko" eskatu dute, zabaldutako prentsa-oharrean (pdf) irakur daitekeenez.
Enrique Antolin eta Xabier Aierdi EHUko irakasleen kontrako epaiketa hasi da gaur goizean Bilboko Epaitegian. Bi euskal deportaturi unibertsitatean ikasten uzteagatik epaituko dituzte, prebarikazio delituaz akusatuta. Lankide ugariren babesa jaso dute epaitegiaren kanpoaldean, Iñaki Goirizelaia errektoreak eta Juan Ignacio Perez Iglesias errektore ohiak tartean.
Biarritz Big festibala 2013ko uztailaren 18tik 21era ospatuko da bosgarrenez. Aguilera estadioan banatuko diren hiru toki desberdinetan izango dute lekua 40 artistak, haien artean Neil Young abeslari kanadarrak.
EHUko errektore kargurako aukeratu dute bigarrenez Iñaki Goirizelaia botoen %55arekin. Parte-hartze baxua izan da errektoretzarako hauteskundeen ezaugarri nagusia, bereziki ikasleen artean: 4.566 lagunek bozkatu dute eta 51.643 pertsonak zeukaten horretarako eskubidea. Goirizelaiak Euskadi Irratiari adierazi dionez, “azterketa sakona” egingo dute ikasleen portaera horren inguruan.
1980ko hamarkadaren amaieran eta 90ekoaren hasieran, EHUko ehunka irakasle jardun ziren borrokan kontratu mota berri baten alde. 1992ko martxoaren 30ean, unibertsitateak eskainitako kontratua sinatzeari uko egin zioten horietako bederatzik. Gaur egun, hiruk jarraitzen dute EHUtik kanpo, eta bik, Antton Azkargortak eta Jose Luis Herrerok, Leioako campuseko paisaiaren zati bihurtu den pankartari eusten diote oraindik. Beraiekin hitz egin dugu, aipatutako dataren hogeigarren urteurrena betetzear den honetan.
