Piztu Ezazu Argia 970x90

UGT

Osakidetzak 3.000 lanpostu desagerrarazi dituela salatu dute besteak beste sindikatuek

Ostegunean Osakidetzaren zerbitzuen egoerak "okerrera egin duela" salatzeko manifestazioa egingo dute Bilbon, 18:00etan Bihotz Sakratutik abiatuta. ELA, LAB, Satse, EMS, CCOO, UGE eta ESK sindikatuek adierazi dute datozen hilabeteetan mobilizazio gehiago deituko dituztela.

Langile bat hil da Zumarragako Arcelor Mittal multinazionalean

Astearte arratsaldean hil zen 34 urteko langile urretxuarra, Arcelor Mittal multinazionalak Zumarragan duen lantegian, orga jasotzaile batek harrapatuta.

Mercedes-Benz: auto gehiago… baina zeren kontura?

Enpresa alemaniarrak ofizialki aurkeztu du Gasteizko lantegian egingo duen Vito auto berria. Hamar urterako lana segurtatuko duela dio. Baina negoziazio prozesu luze baten ondoren, nola aldatu dira langileen lan baldintzak?

EAEko eskola garraioko greba bertan behera, akordioa lortu ostean

Eskola garraioko sindikatuek akordioa lortu dute enpresa kontzesionarioekin. Espainiako lan erreforma aplikatzearen kontra, lan baldintzak “blindatzen” dituela adierazi dute sindikatuek, ”langileen baldintza mesedegarrienak” babestuta.

EAEko eskola garraioko eta patioko begiraleak greban

Greba abiatuko dute EAEko eskoletako garraioko eta patio begiraleek astelehenarekin, hitzarmen kolektiboaren defentsan. Konponbiderik topatu ezean, hilaren 27an greba mugagabeari ekingo diote.

Espainiako lan erreforma ez aplikatzeko zirrikitua 100.000 langilerentzat

Bizkaiko arte grafiko arloko langileek orain arteko lan hitzarmenari eutsi ahalko diote, iraungi den arren, Bilboko Gizarte epaitegiak hala erabakita. Epaiak aurrekaria sortu du. Orain, 100.000 langilek eskatu dezakete haien hitzarmenak ez baliogabetzea.

Hitzarmenen amaiera eta Espainiako Lan Erreformaren bestelako gaitzak

Hego Euskal Herrian igandean lan hitzarmen kolektibo gabe gera litezke 320.000 langile inguru. Egoera berriak ekar lezake lan hitzarmenak PPk 2012an bultzatutako Lan Erreformaren menpe geratzea.

Gipuzkoako metalgintza, lan hitzarmenik gabe

Metaleko lan hitzarmen sektorialaren negoziazioak adostasunik gabe amaitu dira. Gipuzkoako Lan hitzarmena mantentzeko aukera guztiak galdu dira, hitzarmena igandean indargabetzen baita.

Konbenioak amaitzean sortuko den “aukera” baliatzeko deia luzatu du Adegik

Gipuzkoako konbenio asko uztailaren 7an bukatuko dira eta sortuko den “aukera” berrirako prest egon daitezela eskatu die enpresei Adegi Gipuzkoako patronalak. Langileen ordezkariekin akordioak bilatzean euren “marra gorriak” ezartzeko deia luzatu du.

Volkswagenen lana banatzeko proposamena, “enplegu odolustearen" aurrean

Iruñeko VW lantegian nagusi den UGT sindikatuak lana banatzeko proposamena egin dio enpresa batzordeari. Bere esanetan, 200 lanpostu berri sor daitezke, “milaka familiarentzat egoera jasanezina delako”. Dena den, langileek egungo lanorduekin jarraitzea aukeratu ahal izango lukete.
UGT

Damaso Casadok EAEko UGTko idazkari orokor izateari utziko dio

11 urtez EAEn UGTko idazkari nagusi izan ondoren, Damaso Casadok kargua utziko du maiatzaren 24an egingo den sindikatuaren kongresuan.

Milaka lagun bildu dituzte greba eguneko manifestazioek

Murrizketen aurka Europako 23 estatutan egindako mobilizazioetan milioika lagunek parte hartu zuten atzo. Hego Euskal Herrian agerian geratu da sindikatuen arteko batasun eza; hala ere, milaka lagun bildu zituzten hiriburuetan egindako manifestazioek. Nafarroan izan du jarraipen zabalena greba orokorrak. CCOO eta UGT sindikatuek emandako datuen arabera, industriaren sektoreak babestu du bereziki protesta eguna, baita eraikuntzarenak eta garraioarenak ere.

Europako hainbat estatuk mobilizazio eguna dute gaurkoa

Portugal, Frantzia, Espainia, Grezia, Italia, Txipre, Malta eta Belgikak Europako Sindikatuen Konfederazioak (CES) deituriko greba babestu dute lan erreformei erantzuna emateko.

Eragin handiena industrian eta eraikuntzan izan du grebak

Sindikatuek emandako datuen arabera, Greba Orokorra eraikuntzan eta industrian izaten ari da eragin handiena, metalgintzan batez ere (%50-60koa Araban, Bizkaian eta Gipuzkoan). EAEko datuei dagokienez, jarraipena %50koa izan da Bilboko Metroan; %55ekoa Sidenorren; %100ekoa Loiuko aireportuaren aparkalekuan; %100koa Zamakonan eta Santurtziko eta Pasaiko portuetan; eta %40ekoa Correosen. Nafarroan grebaren jarraipena zabalagoa izan da. CCOO eta UGTk emandako datuen arabera, %70ekoa izan da.

Bihar "haserrea" kalera ateratzeko eskatu dute CCOO eta UGT sindikatuek

CCOO eta UGT sindikatuek greba orokorrera deitu dute biharko Espainiako Estatuan. Hego Euskal Herrian, aurtengo hirugarren greba orokorra izango da eta "haserrea" kalera ateratzeko eskatu die herritarrei Damaso Casado UGT-Euskadiko idazkari nagusiak. Lan erreforma, berrordaintzea osasun zerbitzuan, murrizketak edota amnistia fiskala aipatu dituzte greba egiteko arrazoien artean, eta "kontsumoaren greba" egiteko eskatu du Jose Maria Molinero Nafarroako CCOOko idazkari nagusiak.

Murrizketen aurkako greba orokorra deitu dute Europar Batasuneko sindikatuek

Europar Batasuneko sindikatuek Europa osoan egiten ari diren erreforma "zorrotzen" aurkako greba deialdia egin dute datorren azaroaren 14rako. “Europak ekonomian hartzen dituen erabaki zorrotzei indartsu aurre egitea” dute helburu.

UGTk eta CCOOk deituta, murrizketen aurkako manifestazioak izango dira gaur

Donostian, Bilbon, Gasteizen, Iruñean eta Tuteran izango dira murrizketen aurka CCOO eta UGT sindikatuek deitutako manifestazioak. Herrialdea suntsitu nahi dute, eragotzi egin behar dugu, gehiago gara lelopean egingo dira.

Murrizketen aurkako mobilizazioak gaurtik aurrera, eta greba orokorra airean

Espainiako Gobernua hartzen ari den neurrien aurka protestatzeko, sindikatu eta eragile sozialak mobilizazioak deitzen hasi dira. Gaur izango dira lehenengoak, 11:00etan, Hego Euskal Herriko Enplegu Zerbitzuaren egoitzetan. Bihar eta etzi ere izango dira mobilizazioak eta irailetik aurrera greba orokorra deitzeko asmoa iragarri dute CCOOk eta UGTk.

Forondako 122 langile kaleratzeak aireportua "ixtea" ekarriko duela ohartarazi dute

Espainiako Aireportuak eta Aireko Nabigazioa (AENA) entitate publikoak Forondako (Araba) aireportuko langileen %87 kaleratzeko asmoa du, 140 langileetatik 122. Langileek ohartarazi dute aireportua itxi behar izatea ekarriko lukeela horrek, eta langile komitea greba hasi ala ez eztabaidatzen ari da.

Celsa enpresako langileen artean zatiketa eragin du zuzendaritzaren planak

Celsa Atlantic enpresak –Laminaciones Arregui zenak– 352 langile ditu Gasteizko eta Urbinako fabriketan. Zuzendaritzak 91 langile kaleratzea eta beste guztiei lanaldia igo eta soldatak %20 jaistea proposatu zuen duela bizpahiru hilabete, eta langileek atzo bozkatu zuten bideragarritasun plan hori. 92 langilek onartu dute plana, bozketan parte hartu zuten 98 langileetako gehienek. Aldiz, 200 bat langilek planaren aurka protesta egin zuten atzo Gasteizko fabrikaren atarian.

Meatzaritzaren murrizketen aurkako greba orokorra egiten ari dira Leonen

Leongo 24 udalerrik egin dute gaur bat Espainiako Gobernuak iragarritako murrizketen aurkako greba orokorrarekin. Meatze-jarduera duten eremuetan daude udalerriok. Mobilizazioak ia egunero izan dira duela hilabete gatazka piztu zenetik, eta liskar ugari izan da langileen eta poliziaren artean.

CCOOk eta UGTk ere greba orokorra deitu dute martxoaren 29rako

CCOO eta UGT sindikatuek ere greba orokorrerako deia egin dute Espainiako Estatuan martxoaren 29rako, Hego Euskal Herriko sindikatu abertzaleek deitutako egun bererako. Euskal Herriko CNT sindikatuak ere bat egin du greba orokorrerako deialdiarekin.

UGTk eta CCOOk ez dute baieztatu martxoaren 29an grebara deituko dutenik

CCOO eta UGT sindikatuek greba orokorra deituko dutela Espainiako Estatuan martxoaren 29an, Hego Euskal Herriko sindikatu abertzaleek deitutako egun berean, hainbat hedabidek adierazi dutenez. Aldiz, sindikatuek ez dute halakorik baieztatu.

UGTk eta CCOOk tentuz jokatu nahi dute greba orokor baten aurrean

Zuhurtziaz jokatzeko deia egin duten arren, UGT eta CCOO sindikatuek zeharka begiratzen diote sindikatu abertzaleek martxoaren 29rako Espainiako Gobernuaren lan erreformaren aurka deitutako greba orokorrari. Atzo Hego Euskal Herriko hiriburuetan –eta Espainiako Estatuko beste hainbat hiritan– egindako manifestazio jendetsuetan greba deitzeko komenentziaz aritu ziren sindikatuetako ordezkariak eta militanteak.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys