2000. urtean bigarren Intifada hasi eta gutxira izan zen tiroketa baten erdian hildako haur baten irudiak zabaldu zituen France 2 telebista kateak. Orain, Israelgo gobernu batzorde batek adierazi du haiek ez zutela hil gerora ikur bilakatu zen Mohamed Al-Dura.
Stephen Hawking fisikariak boikot akademikoa egingo dio Israeli, bertako presidente Shimon Peresen omenez egingo den ospakizunera joateko gonbidapena ukatuz. Gutun baten bidez eman du erabakiaren berri, Israelek palestinarrei emandako tratua gaitzetsi asmoz, The Guardianek argitaratu duenez.
Israelgo Parlamentuak 96 ordura luzatu du atxilotuek epailea ikusi aurreko aldia. Israelgo zerbitzu sekretuen galdeketa departamentuko buru Shin Betek erabakia justifikatu du, esanez “susmagarria galdeketatik ateratzeak ikerketa guztiz kaltetu” dezakeela.
Zisjordaniako lehen hiri planifikatua da Rawabi, azken xehetasuneraino diseinatua. Palestinako estatuaren lehen hazitzat jotzen dute aldekoek eta kolonia itxurako nukleo isolatutzat aurkakoek. Rawabiren bilakaerak Palestinako itxura alda lezake.
Astearte gauean 64 urteko Maysara Abu Hamdiyeh preso palestinarra Israelgo kartzela batean hil zela jakin zen. Presoak eztarriko minbizia zuen eta bizi osorako kartzela zigorra ezarri zioten, huts egin zuen atentatu batekin lotuta. Hamdiye Palestinako Aginte Nazionaleko kide zen eta 2002tik zegoen preso.
Barack Obamak adierazi du AEBek lan egingo dutela Israelek eta Palestinak estatu bana izatearen alde. Zisjordanian egin dute bilera presidente amerikarrak eta Mahmoud Abbasek, Autoritate Palestinarraren buruak. Obamaren arabera, bi herrialdeen arteko negoziaketarekin soilik lor daiteke alde guztiak aseko dituen akordioa.
Giza eskubideen aldeko eta ezkerreko hainbat talde eta elkartek deituta, martxoaren 16an manifestazioa egingo dute Baionako presondegiaren muruen inguruetan, goizeko 11etan hasita. Frantziak azken 29 urteotan preso daukan Georges Ibrahim Abdallah militante libanotarraren askatzea eskatuko dute.
Urtero 12 eta 17 urte bitarteko 700 palestinar inguru atxilotzen ditu Israelek. Horrela azaldu du Unicef-ek plazaratutako txostenak. Erakundeak atxilotutako umeek jasotzen duten tratua aztertu du, eta jarduera "krudelak" topatu dituzte.
Arafat Jaradat izeneko 30 urteko palestinarra hil da Israelen eskuetan zegoela. Autopsia egin diotenean, Maan agentziak zabaldu duenez, sei hezur zituen hautsita: lepoan, bizkarrean, besoetan eta hanketako batean. Tortura basatien ondorioz hil da Jaradat.
Palestinarenari buruzko bi luzemetrai daude izendatuak Oscarretako dokumentalik onenaren sarirako: 5 Broken Cameras eta The Gatekeepers. Bi filmeek, ordea, gatazkaren txanponaren bi aldeak islatzen dituzte. Lehenak, Zisjordaniako Bil’in herriko biztanleek israeldar armadari eginiko erresistentzia jorratzen du. Bigarrena, aldiz, Israelgo barne-segurtasun agentziako zuzendari ohien testigantzetan oinarritzen da gatazkaren argazkia osatzeko.
Israelek palestinar herria zapaltzen duela adierazi du ANCk eta bat egin du Boycot, Divestment and Sanctions (BDS) plataformarekin.
Frantzia, Britainia Handia, Suedia, Danimarka eta Espainiako gobernuek bilera egiteko deia luzatu diete enbaxadore israeldarrei. Zisjordania eta Jerusalem ekialdeko asentamenduetan 3.000 etxebizitza berri eraiki nahi ditu Israelgo Gobernuak, eta politika horrekiko protesta moduan deitu dituzte bilerak europar agintariek. Espainiako Gobernuaren kasuan, dena den, Kanpo Arazoetako Ministerioa asentamendu-politikaren aurka azaldu den bitartean, Jorge Fernandez Diaz Barne ministroak adierazpen bateratua sinatu du Israelekin, terrorismoaren aurkako borrokaren karietara.
Nazio Batuen Erakundeak (NBE) Palestina estatu begirale gisa onartu izana ospatzeko, milaka lagunek heroi moduan hartu dute Mahmud Abbas presidentea, AEBetatik bueltan. Bien bitartean, NBEren erabakiari entzungor eginez, Israeleko lehen ministro Benjamin Netanyahuk adierazi du asentamendu berriak eraikiko dituztela. "NBEren erabakia sionismoaren aurkako erasoa da", esan du.
Mahmud Abbas Palestinako Aginte Nazionaleko (PAN) presidenteak Palestina estatu behatzaile gisa onartzea eskatu du Nazio Batuen Erakundean (NBE). Batzarrak 15:00etan erabakiko du onartuko duten ala ez. PAN alderdia itxaropentsu azaldu da, 193 kideetatik 115ek babestuko dutelakoan.
2004an hil zen urtetan Palestinako buruzagia izandako Yasser Arafat. Zortzi urte geroago, heriotzaren arrazoia zalantzan jarri dute pozoitu ote zuten zurrumurrua zabaldu denetik. Frantziar eta suitzar adituak gaur hasi dira gorpua aztertzen, komunikabideen presentziarik gabe. Zaila izango da, arrazoia polonioa izanik ere, arrastoak zortzi urte eta gero aurkitzea.
Israelek suziri bidezko erasoak bertan behera uzteko eskatu dio Palestinari. Gainera, mehatxua areagotu du: datozen 36 orduetan Hamasek erasoak gelditzen ez baditu, oldarraldia handituko duela jakinarazi du Israelgo ekonomia ministroak. RTk jakinarazi duenez, beste 15 pertsona inguru hil dituzte bonbek gaur goizaldean.
Bart gauean eginiko erasoetan beste hiru palestinar hil dira eta Israelek Gaza erasotzen jarraitzen du. Goizaldean, 45 minutuan 85 misil jaurti dituzte Russia Todayk dioenez. Israelek beste 16.000 erreserbista deitu ditu Gazako operazioa aurrera ateratzeko.
Israelek Gazan aire erasoak hasi ditu eta autoritate palestinarren arabera hamabost pertsona hil dituzte eta 100 pertsona baino gehiago zauritu. Goizaldean israeldarrek eginiko erasoetan beste hiru hildako izan dira. Israelgo Defentsa ministeriotik adierazi dutenez eraso hauek Palestinako indarrek misilak jaurti izanaren erantzun gisa etorri dira.
Palestinak estatu izaera hartu nahi du Nazio Batuen Erakundean (NBE). Boto eskubiderik lortuko ez duen arren, gainerako eskubide guztiak eskuratu nahi ditu Palestina Askatzeko Erakundeak (PAE). 1974ean NBEak herri palestinarraren ordezkari gisa onartu zuen PAE. Eskaeraren data gaur zehaztuko dute Kairon egingo den bilera batean. Al-Fatah alderdi palestinarrak adierazi du beranduenez azaroaren 29an egingo duela eta itxaropentsu azaldu da.
Martxan da Jassir Arafat buruzagi palestinarraren autopsia egiteko prozesua. Atzo Suitzako forentse talde bat izan zen Palestinako liderraren mausoleoan errekonozimendu bisita egiten. Rafiq Tirawik, Arafaten heriotza ikertzeko batzordeko kideak esan duenez, autopsia egiteko hedabideak ahalik eta urrunen edukitzen saiatuko dira. Oraindik ez dute zehaztu noiz hasiko diren autopsia egiten.
Yisraela Goldblum Funtsak eskatuta, Dialog erakundeak inkesta egin du Israelgo judutarren artean. Guztira 503 lagun elkarrizketatu ditu eta emaitzen arabera, gehienek palestinarrenganako apartheid erregimena babestuko lukete, Estatuak formalki Zisjordania anexionatuko balu. Halaber, herritar arabiarren aurkako diskriminazioaren alde dago inkestatuen gehiengoa.
2010eko maiatzaren 31n, Israelgo soldaduek eraso egin zioten Gazara laguntza humanitarioa ematera zihoan Askatasunaren Ontzidiari. Mavi Marmara ontzian zihoazen bederatzi lagun hil zituen Israelek operazio hartan. Hildako hiru lagunen senideek iragarri dute bost milioi dolarreko (3,8 milioi euro) kalte-ordaina eskatuko diotela Israeli.
Zisjordaniako palestinarren etxeen suntsiketak ez du inoiz etenik izan baina azken urteotan azkartu eta ugaldu egin dela salatu du Oxfam gobernuz kanpoko erakundeak. Londresen egoitza duen elkarte honek nazioarteko erakundeei Tel Aviveko gobernuaren gainean presioa egiteko deia zabaldu zien, judutarren koloniak bertan behera utzi eta palestinarren etxeen eraiste masiboa geldiarazteko.
Gaur goizaldean Israelgo Armadak beste eraso bat egin du Gazako Zerrendaren eta Rafah hiriko bidegurutzearen aurka, eta hiru lagun zauritu dira (horietako bi haurrak dira) Haaretz Israelgo egunkariak azaldu duenez. Israelgo Armadak baieztatu du bere operazioa igande goizean Gazako Zerrendatik egindako kohete jaurtiketen erantzuna izan dela.
Frantziako Justiziak Jassir Arafaten heriotza ikertuko du bere alargunak pasa den uztailean salaketa aurkeztu ondoren.Al Jazeerak argitaratuko ikerketa baten arabera buruzagi palestinarra pozoituta hil zela pentsatzeko frogak daude. Nanterreko Epaitegiko Fiskaltzak hasiko du heriotzaren ikerketa.
Rachel Corrie Palestinaren aldeko ekintzailearen heriotza "istripu tamalgarria" izan zela eta Israelgo Estatua eta armada ez direla errudun esan du Haifako (Israel) Auzitegi Gorenak, ekintzailearen familiak ezarritako demanda zibilari erantzunez. Corrie Israelgo armadako hondeatzaile batek azpian harrapatuta hil zen 2003an, 24 urterekin, palestinarren etxeak eraits ez zitzaten aurrean belauniko zegoela.
Gazara doan Estelle Askatasunaren ontzidia Donostian lehorreratuko da astelehenean eta asteartean (hilak 26 eta 27), eta asteartean eta asteazkenean (hilak 28 eta 29), berriz, Bermeon. Flotaren helburua aurten ere Palestinari babesa ematea eta ur palestinarren blokeoa salatzea da.
Israelgo polizia eskuak lotuta dituen gizon palestinar bati hainbat aldiz deskarga elektrikoak ematen ikus daiteke YouTubera abuztuaren 22an igotako bideoan. Jerusalem ekialdeko auzo okupatu bateko parke batean kokatu dute ekintza webgune palestinarrek. Inguruetan jendea ikus daiteke ikusitakoarekin harrituta.
Hainbat israeldarren artean gazte palestinar talde bat jipoitu zuten ostiralean Jerusalemgo Sion plazan. Palestinar batek larri zaurituta ospitalean jarraitzen du. Poliziak jakinarazi duenez erasoaren unean bertan zeuden lekukoek ez zioten lagundu lurrean zegoen gazteari. Momentuz ustezko erasotzaileak diren bost gazte atxilotu dituzte.
Egipton 16 polizia hil eta zazpi zauritu dira auto bonba baten ondorioz. Egipto eta Gaza arteko mugan izan da erasoa, Egiptoko segurtasun indarrek eta Israelgo militarrek emandako informazioaren arabera. Egiptoko telebistak aditzera eman duenez, islamistak izan dira erasotzaileak. Ondorioz Rafahko (Palestina) pasagunea itxi du Egiptok, palestinarrek oinarrizko jakiak erosteko erabiltzen zutena.
Gaian sakontzeko
Elkartasun mugimenduak
Multimedia
Jerusalenek bizi duen gatazkaren gaineko ikuspuntu berri bat eskainiko du Hondamendiaren atzetik dokumentalean. Komunitate bateko istorio gizatiarrak: bere etxean bizitzen jarraitzeko borrokan dagoen komunitatea da palestinarra.
Erreportaia: Oskar Epelde eta Kerman Goikouria
Zuzendaria:...
Rafeef Ziadah-k, palestinar jatorriko kanadiar inprobisatzaile eta aktibistak, Gazako gazteriari eskainitako olerki hunkigarria.
Irailaren 22an Mahmoud Abbasek Nazio Batuen Erakundearen aurrean egindako eskaerak ez du momentuz erantzun ofizialik. Egungo Zisjordania eta Gazak Estatu bilakatzeko nahikoa babes lortuko balu ere zaila du AEBen betoa saihestea. Halere, Palestinako diplomaziaren mugimendu horrek hautsak harrotu...
Kontrol militarren gineak okupatu, indusmakinak geldiarazi, militarren atzetik joan hirian etxeak okupatzen dituztenean, palestinarren eta armadaren arteko liskarretan tartean jarri babesik gabe.. Nazioarteko Elkartasun Mugimenduaren ekintzaileak Palestinako biztanleekin bat egiten dute munduko...
[27 min, 2006]
Okupazio israeldarrak hamaika hesi ezartzen dizkio herri palestinarrari. Hesi horiek, aldi berean, sarraskia ezkutatzen saiatzen dira. Bideo didaktiko honen bitartez, Komite Internazionalistak taldeak antolaturiko elkartasun brigadak zirrikitu bat ireki nahi du hesi horietan....
Biladi Hadi -Biladi-k nire lurra edo nire herria esan nahi du arabieraz-, musikari, pailazo, idazle, kazetari eta kultur munduko beste zenbait eragilez osaturiko brigada kulturala izan da. Hain zuzen ere, arlo horietan guztietan Palestinari elkartasuna adierazteko asmoz jaiotako proiektua da.
Palestinako lurretan dauden judutar koloniak dira momentu hontan gatazkaren bi aldeen arteko arazo nagusia. Israeldarrek koloniak eraikitzen jarraitzearen alde egiten dute eta palestinarrek argi diote: elkarrizketarik ez koloniak bertan behera geratu arte. Kolonoen kopurua milio erdira heldu da...
George Orwellek Asiari begiratzeko oraindik baliagarria den modu bat definitu zuen. "To shoot an elephant" Gazako Zerrendan egondako lekuko bati buruzko kontakizuna da. 2008ko abenduaren 27tik aurrera "Cast lead" (Berun urtua) izeneko operazioak elefanteak tirokatzen eman...
Nasser Ghawik eta bere familiak sei hilabete daramatzate kalean, euren etxearen aurrean jarritako kanpin-dendan. Bere bizilekuko balkoietan Israelgo bandera eskegita dago eta giltzak ultraortodoxo talde batek ditu. Etxea Jerusalem mendebaldeko Sheikh Jarrah auzoan dago.
Mewando sareak antolatuta jardunaldiak izan ziren joan den astean Bilbon, Palestinako gatazkari amaiera duina ematea helburu. Jardunaldietako protagonisten artean Norman G. Finkelstein pentsalari estatubatuarra izan zen nabarmentzekoa. Ekialde Hurbilean aditua da Finkelstein eta ARGIAri tarte...
Arafaten berriak desagertuta daude egunkarietatik. Mukata zaharra eroria dago. Eta OLPn ez da zapi zuri beltzik ageri. Baina Yasser Palestina osoan ikusten da, kale kantoi batean, denda baten barruan, sukalde batean... Eta Arafati buruz galdetuz gero denak agertuko zaizkizu erantzuteko prest.
Baziren trobadoreak, eta badira dezimistak, edo payadoreak, edo glosadoreak, edo nik ez dakit nola deitutako inprobisatzaileak, bakoitza bere munduan, baina gure munduan denak. Bertsolariak Euskal Herrian. Eta poeta herrikoiak Palestinan. Hona hemen lagin txiki bat.
Lapitza eta zintzela hitz eta pitz dabiltza Palestinan ere. Baina erantzunak baino galderak luzatzen dituzte: zergatik? noiz arte? norantz? Buruhauste horien bueltan hasten dira, eta husten... eta hausten dituzte. Baina badira orandik palestinarrak lapitzari eta zintzelari eusten diotenak,...
Palestinar esaera batek dio ez dagoela gauza tristeagorik ilunpean dantza egitea baino. Ez baitzaitu inork ikusten. Eta Palestinako artistak ilunpeko dantzariak dira, Palestinako kultura bera ari da dantzan ilunetan, Palestina entzuten duenari tiro hotsak sartzen baitzaizkio belarritik. Gatazka....
Berak garbi azaldu zizkidan gauzak elkarrekin hasi aurretik: “okupazioa bukatzen denean senar on bat izango naiz, aita on bat, eta familiari kasu egingo diot. Baina okupazioa bukatzen ez den arte borrokan segituko dut, eta horrek esan nahi du agian hil egingo nautela, agian preso hartu,...
Gauean afari goxoa ere eskaini ziguten Saadatarrek, eta mahai bueltan galdetu nion Ablari ea zein ote den bere ametsa: “familia osoa berriz etxean elkartuta ikustea”, espero du. Nik erantzun hura espero nuen, Ahmad senarra preso baitu, FPLPko burua, eta Israelgo Turismo ministroa hil...
Kaliforniarra sortzez, judu baten semea, eta Nabulusen. Aho batez esango genuke denek, kolonoa. Oker gaude. Boluntarioa da, medikuntza ikaslea, eta Nabuluseko ilargi gorriko anbulantzian pasatzen ditu gaua eta eguna soldaduek zauritutako palestinarrak erreskatatzen, maiz. Eta Check Point batean...
