Argia.com - Bideoak

Arnaldo Otegik jaso du II. Gaztezulo Saria

Fri, 03 Feb 2012 10:53:28 +0100

2011ko irailaz geroztik abendu amaierara bitarte Gaztezulo webguneko eztabaidagunean irakurleek proposatutako izen guztien artean, Elgoibarko politikariak jaso ditu boto gehien. GAZTEZULOko kideak bere herrira, bere etxera hurbildu dira Arnaldo Otegiren aurpegi pribatua gehiago ezagutzera eta garaikurra senitartekoen eskuetan uztera. Logroñoko espetxetik, esker oneko hitzak igorri ditu berak. Bideo batean bildu dute dena.

Egilea: Gaztezulo

2012ko Argia Sariak: galdera gaiztoa

Thu, 02 Feb 2012 16:20:14 +0100

Argia Sariak banatu berri ditugu Usurbilen. Bazkariaren inguruan Euskal Herriko aurpegi ezagun asko bildu zirela profitatu genuen, zenbaiti galdera aldrebes batzuk luzateko.

Laburrean: Asisko Urmeneta

Thu, 02 Feb 2012 12:18:00 +0100

Asiskorekin solasean aritzean, irudiak etengabe heltzen zaizkizu burura. Euskararen maitale gartsua, mingaina eskua bezain trebea du, irudimena borborka eta irri karkaila beti aireratzeko prest.

Irakurri elkarrizketa osoa aldizkariaren 2306. zenbakian

Leizaola Fundazioaren bideo polemikoa

Tue, 31 Jan 2012 11:26:35 +0100

Hau da Leizaola Fundazioak egin duen bideoa.

Iratiko Sekretuak: Pilota soro

Mon, 30 Jan 2012 11:00:00 +0100

Iratiko Sekretuak filma labur sortaren zazpigarren alea.

Kanaldudeko egileen deskribapena: "Bota luzea pilota jokoa Euskal Herrian ezaguna da 12garren mendetik bederen.
Herriko plazetan egiten zuten gisan, udan mendialdean egoiten ziren artzainek pilota praktikatzen zuten soropiletan.
Jakes Cazaubon eta Pierre Sabalo adituek Pilotasoro jokoaren ixtorioa ikertu dute, eta liburu bat plazaratu « Pilotasoro » izenburukoa.
2011ko uztailaren 20an, Garazi Aezkoa fazeria egunean, Ezterentzubiko Irupilen, lapurtar eta xiberotar pilotari batzuek pilotasoro erakustaldia antolatu zuten. Paradaz baliatu ginen kirol mota berezi huntaz gehiago jakiteko, bai Jakes eta Pierre-kin, bai pilotariekin solastatuz."

Argia Sariak 2012ko ekitaldia

Fri, 27 Jan 2012 18:44:32 +0100

Saridunak

Sei sari banatu ditu ARGIA astekariak Usurbilgo Atxega Jauregia jatetxean bazkal ostean burututako ARGIA Sarien banaketa ekitaldian. Ohi bezala, ARGIAk euskarazko komunikazioan nabarmendu diren talde, enpresa, profesional edo produktuei eskaini dizkie sari hauek.

ARGIA SARIEN XXIII. edizio honetan hauek izan dira sarituak:

Karlos Zurutuzak irabazi du PRENTSA IDATZIKO ARGIA SARIA, Berria egunkarian egindako Libiako gerrako kronikengatik. Kronika horien kalitateaz gain, muturreko egoerak bizi dituzten lekuetatik informatzeko kazetariak hartutako konpromisoa azpimarratu nahi izan da (Zurutuzak lehenago ere soberan erakutsi zuen konpromisoa, bidenabar, besteak beste ARGIAn bertan Irak edo Afganistani buruz idatzitako artikuluetan).

Euskal Irratietan Luzien Etxezaharretak eta Jakes Casaubonek gidatutako “Gure bazterrak” saioak irabazi du aurtengo IRRATIKO ARGIA SARIA. Baloratu diren ezaugarri ugarien artean, programaren hurbiltasuna nabarmentzekoa da (saioak bisitatzen dituzten herrian bertan grabatzen dituzte), baita elkarrizketen tonua ere, presarik eta zaratarik gabea, irratigintzaren beste dimentsio bat erakusten duena.

Klikmetroak.com kanpainari eman diogu PUBLIZITATEKO ARGIA SARIA. Asko baloratu da Internet erabiliz Kilometroak jaiaren hasierako espiritua berreskuratu eta berritzeko egindako ahalegina, baita jendearen parte-hartzea ere, euskararen normalizaziorako jende askoren konpromiso txikiak beharko dituelako (izan lana eginez hartutako konpromisoa, ala ekonomikoki lagunduz), eta alde horretatik emaitza ona eman duen egitasmoa izan da.

EiTB Nahieran webguneak irabazi du INTERNETEKO ARGIA SARIA, gaur egungo teknologiak eta ohiko telebista uztartzeko egindako ahaleginagatik, ikus-entzuleari aukeratzeko bide gehiago eskaintzeagatik eta benetako zerbitzu publikoa emateagatik, EITB eta telebista publikoen kontzeptua bera ezbaian dauden testuinguru honetan.

Kanaldude Herri Telebistak jaso du aurtengo TELEBISTAKO ARGIA SARIA, komunikazio proiektu bezala eredugarria delako: herritarrek egindako telebista da Kanaldude eta herritarrak ditu protagonista. Kate nagusien eredutik oso bestelakoa da edukietan eta formetan; baliabide ekonomiko gutxirekin baina printzipio argiekin egina, eta guztia euskaraz (Ipar Euskal Herriko euskarazko telebista bakarra da).

Jose Luis Alvarez Enparantza, Txillardegi omentzea erabakita geneukan aurtengo Argia Sarietan, ibilbide oso bat saritzen duen MEREZIMENDUZKO ARGIA SARIArekin. Tamalez, Argia Sarien ekitaldia baino lehen hil zen Txillardegi. ARGIA SARIArekin urte hauetan guztietan komunikazio proiektu honi eman dion sostengua eskertzearekin batera, merezi duen aitortza eman nahi izan diogu azken mendeko Euskal Herriaren historia eta euskal kulturarena ulertzeko ezinbestekoa den pertsonari.

2012ko Argia Sarien irabazleak

Fri, 27 Jan 2012 18:21:12 +0100

Karlos Zurutuzari eman diogu Prentsa Idatzia atalaren saria , EITB Nahieran Interneten, Euskal Irratietan Luzien Etxezaharretak eta Jakes Casabonek gidatutako Gure bazterrak saioa Irratian, Klikmetroak.com kanpaina Publizitatean, EiTB Nahieran webgunea Internet atalean eta Kanaldude herri telebista Telebistan. Horiek dira 2012ko ARGIA Sarien irabazleak.

Bestalde, Jose Luis Alvarez Enparantza Txillardegi Enparantza 'Txillardegi'-ri eskaini zaio Merezimenduzko Argia Saria.

Odon Elorza: "Amnistia eskatzeak bake prozesua kaltetzen du"

Fri, 27 Jan 2012 09:47:29 +0100

Donostia, 1955. Donostiako alkate hogei urtez izana. PSE-EEko kidea. Espainiako Kongresuan diputatu berria Gipuzkoatik: "Ez dut klase politiko barruan nire burua kokatzen. Espainiako Gorteek diputatuei ematen dieten pentsio-osagarri pribatuari uko egin diot” esan digu.

Irakurri elkarrizketa osoa aldizkariaren 2308. zenbakian

Kolonbiako ikasleek pribatizazioari aurre

Fri, 27 Jan 2012 09:42:36 +0100

Kolonbian ikasle mugimendu bateratuak Gobernuak hezkuntzaren pribatizazio prozesua geldiaraztea lortu du mobilizazio eta greben bitartez.

Nafarroako euskarazko hedabideak larri

Thu, 19 Jan 2012 18:42:03 +0100

Urterik onenean Nafarroako Gobernuak 230.000 euroko diru-laguntza eman die. Aurten zero euro jasoko dute. Kolpea ez da izango neurri berekoa hedabide guztientzat, baina batzuk kinka larrian izango dira