multimedia

Beranduegi (60. saioa)

60. saioaren edukiak ondorengoak dituzue:

 - Beranduegi datorren albistegia
Gorka Bereziartua eta Unai Brea kazetariek, astero bezala, ironiaz betetako begiratu zorrotza egin diote azken egunetako aktualitateari.

 - Groenlandia: independentziaren erronka
Groenlandiak bere historiako erronkarik handiena du parez pare. Independentziaren aukerak geldiezina dirudi, baina biziraupen ekonomikoa bermatzeko izotz azpiko petrolioa ustiatu beharko luke, eta hala, aldaketa klimatikoa azkartu. Erronka handia herri txiki batentzat.

 - Laburrean: Eric Gueret
1965eko irailaren 24an sortu zen Suresnes-en (Frantzia). Parisko Louis Lumière eskola ospetsuan egin zituen zine ikasketak, eta geroztik etenik gabe dihardu gai sozial, ekonomiko, politiko eta ekologikoen inguruko dokumentalak eta filmak egiten. Horren adibide dira, sabela korapilatzen dizuten hondakin nuklearrei buruzko Déchets: le cauchemar du nucléaire eta pestiziden erabilerak laborarien osasunean sortzen dituen kalteei buruzko La Mort est dans le Pré.

Irakurri elkarrizketa aldizkariaren 2323 zenbakian.

 - Gipuzkoako Eskola Txikiak
Gipuzkoako Eskola Txikien Koordinakundeak dokumentala estreinatuko du ostiralean Tolosako Leidor antzokian. Eskola Txikien oinarria diren hiru hankak ditu protagonista: alkateak, irakasleak eta guraso-ikasleak. Dokumentalean Eskola Txikien baloreak, bizirauteko egin dituzten esperientziak eta herri txikietan duten garrantzia lehen eskutik jaso dituzte.

 - Zozketa berria
Maiatzeko lehiaketaren irabazlea iragarri ostean ekainean zehar luzatuko den zozketari ekin diogu. Hilabete honetako saria: Bidaniako (Gipuzkoa) Iriarte Jauregian bi lagunentzako asteburupasa.
Facebooken Beranduegi atsegin duzuenen artean zozkatuko dugu. Zer egin behar da?

 1 - Gure zalea ez bazara, zeren zain zaude? Jarrai gaitzazu!
 2 - Zalea bazara, zozketan atsegin dut sakatu eta iruzkin bat idatzi, irabaziz gero jauregian zer egiteko asmoa daukazun azalduz.

Ekainaren amaieran (64. saioan) esango dugu irabazlea zein den. Animo gazteak!