Mixel
Labegerie
(Uztaritze 1921 – Akitaniako Tolosa 1980)
Gu
gera Euskadiko gazteri berria, Euskadi bakarra da gure aberria.
Bat baino gehiagori gaitza
egin ohi zaio Mixel Labegerie zenaren ibilbide politikoa ulertzen. Anitzen aburuz,
politika mailan egindako hautua, bateraezina baita kultur mailan garatu zuenarekin.
Uztaritzen
sortua, Espainiako Gerrarenak eragin handia izan zuen Labegerierengan. Gerraren
ondorioz muga zeharkatu zutenen esperientzia bere kontzientzia hartzearen eragilea
izan zen. Eugene Goihenetxerekin batera, Francoren kontra jardun zuen.
Bordelen
medikuntza ikasketak amaiturik, 1948an Kanbon finkatu zen. 50. hamarkadaren
bukaeran, gerra aurreko Aintzina taldean
egona, Davant, Lartzabal, Haran eta Abeberri legez, Enbata mugimenduaren sortzailea
izan zen. Mirandek Enbatakoen kontra egin kritiketan iragarritakoa bete zuen
Labegeriek, izan ere, Frantziako alderdi zentristara hurbildu eta 1962 urterako
Asanblada Nazionalean diputatu postua erdietsi zuen, bi urte beranduago, Pirinio
Atlantiarretako kontseilari nagusia izan ere, Euskal Departamentuaren auzian,
erabakiorra zen aginte postua. Kanboko
alkatea, Frantziako senadore, bazen nor politikagintzan Mixel Labegerie.
Eskualzaleen
Biltzarra elkarteko lehendakari, Euskaltzain urgazle, Gure Herria kultur aldizkariko kolaboratzaile, "Nafarroa, oi
Nafarroa" bezalako olerkien egile, idatzi zituen abestiek famatu zuten
Labegerie. Euskal kantagintzaren eraberritzailetzat hartua
izan da. Ez dok amairu taldean aritu
zen eta gazte askoren erreferentzia bilakatu zen.