kronologia

1971

• Telesforo Monzon eta Txillardegi Ipar Euskal Herritik kanporatu egin zituzten Aberri Egunean gertatutako istiluen ondorioz. Beste hainbat errefuxiaturekin batera gose-grebari ekin zioten.
• Mikel eta Amaia Lasa Alegriak "Poema bilduma" plazaratu zuten. Argitaratu ziren, gainera: Anjel Lertxundiren "Ajea du Urturik" nobela, Mattin bertsolariaren "Ahal dena" bertso-liburua, Fernando Mendizabalen "Gramatika Txikia Euskaraz", Ibon Sarasolaren "Euskal Literaturaren Historia", Aita Villasanteren "Hacia la lengua literaria común", Xalbador Garmendiaren "Lurraren kondaira", Gotzon Garateren "Marxen Marxismoa", Plazido Mujikaren hiztegia...
• Jakin-ek Rikardo Arregi zenaren omenezko liburua argitaratu zuen. Joseba Arregik, Joan Mari Torrealdaik eta Alfabetatze batzordeak esku hartu zuten bertan.
• Radio San Sebastián irratian eta Iñaki Gabilondoren zuzendaritzapean ostiralero gaueko hamaiketan berrogei minutuko euskarazko saioa emititzen hasi ziren. Nevadan, Kalifornian, Venezuelan eta Argentinan ere emititzen ziren ordu erdi inguruko programak, astean behin.

• Urretxindorrak taldeak "Ai amatxo", "Neska zaharrak", "Iguria-ko boluan" eta "Mendi puntatik" abestiak disko txiki batean bildu zituen.
• Herri Gogoa argitaletxeak "Euskal kantari berri hautatuak" garaiko abeslari eta taldeen abesti sonatuenen bilduma plazaratu zuen kaset formatuan.
• Mixel Etxegaraik (Imanolen izengoitia) disko txikia plazaratu zuen Goiztiri argitaletxearen eskutik.
• Gaitero eta Dultzainarien eguna antolatu zen Biasterin.
• Jose Maria Franco konpositorea, Ramiro Arrue pintorea, Akilino Izagirre Zepai bertsolaria eta Jose Artetxe idazle eta kazetaria hil ziren.

Euskal Entziklopedia | Galdezka | Buruko ileetaraino gaude! | Oteizarekin elkarrizketa

1971ko iragarkiak