kronologia

1968

• Guardia Zibilak Txabi Etxebarrieta etakidea hil zuen tiroka ekainaren 7an Tolosako Bentaundin. Bi hilabeteren buruan Melitón Menzanas polizi inspektorea eta torturatzaile ezaguna hil zuen ETAk.
• Abuztuaren 5ean salbuespen-egoera ezarri zen hiru hilabetez Gipuzkoan.
• Euskaltzaindiaren babesean eta Rikardo Arregiren gidaritzapean, 1965. urteaz geroztik helduak euskaldundu eta alfabetatzeko sortutako euskal eskola eta gau-eskolak erakunde gisa antolatzen hasi ziren. Koordinatze hartatik sortu zen AEK.

• Gerediaga Elkarteak antolatuta, Euskal Idazleen Jardunaldiak antolatu ziren Ermuan. Besteak beste, Euskal Idazleen Elkartea sortzea erabaki zen bertan.
• Argitaratu ziren:
  - Joxan Artzeren "Isturitzetik Tolosan barru", Daniel Landarten "...Hogoi urte", Xabier Leteren "Egunetik egunera orduen gurpilean" eta Augustin Zubikarairen "Naparroako bideetan" poesi lanak.
  
  - J.M. Mokoroaren "Batasunari batzuk agurka eta beste batzuk aurka", Anjel Lertxundiren "Gaurko literatura", eta Krutwigen "Praktikaz" liburuak.
  - Martin Iziarren "Larraundi'ko sendia" nobela.
• Txillardegiren "Elsa Scheelen" nobelak Txomin Agirre Saria irabazi zuen.

• Jon Bilbao "Eusko Bibliographia" Euskal Herriko gaiei buruzko bibliografia plazaratzen hasi zen.
• Auñamendi argitaletxeak "Enciclo-pedia General Ilustrada del País Vasco" obraren lehen liburukia plazaratu zuen.
• Parisen bizi ziren gazte euskaldunek "Biga" gazteentzako aldizkaria plazaratu zuten.
• Ikastolako irakasleen ekimenez, Gordailu kultur elkartea sortu zen irakaskuntzaren inguruko gaiak landu eta argitaratzeko.
• Lagun talde batek, horien artean Maite Idirin, Herrikoi folk taldea sortu zuen.
• Luis Amilibiak lehen saria irabazi zuen Frantziako Auch-eko Opereta Lehiaketan.
• Musika-argitalpenak:
  - Lurdes Iriondok "Nere herria", "Lin-Pan mendian", "Gazte gera, gazte" eta "Askatasuna zertarako" abestiak bildu zituen bere hirugarren diskoan.
  - Estitxuk abesti entzutetsuenen euskarazko itzulpenekin diskoa plazaratu zuen.
  - Herri-Gogoa argitaldariak Xabier Leteren "Euskalerri nerea" eta "Lore gorrien balada" abestiak biltzen zituen diskoa plazaratu zuen.
  -Benito Lertxundik beste bi disko txiki argitaratu zituen. Batean kantu zaharrak bildu zituen eta bigarrenean "Irripar bat", "Jabetasuna" eta "Hitzak dira hitzak" kantu berriak.
• Los Contrapuntos Azkoitiko talde sonatua banandu egin zen. Masielen "La, la, la" izan zen beren azken abesti arrakastatsua.
• Abrako Euskal Abeslarien Sariketan Argoitiarrek eraman zuten txapela. Bigarren diskoa plazaratzekotan ziren.
• Eibarko Euskal Kantarien Sariketako taldekako lehiaketa Oskarbik irabazi zuen. Bigarren saria Ameslariak taldearentzat izan zen eta hirugarrena Urretxindorrak taldearentzat. Solisten artean Estitxuk eraman zuen lehen saria eta bigarrena Maite Idirinek.
• Bertsolarien Sari Andia jokatu zen Anoetan. Piensos Onena etxearen eskutik, Xalbador eta Basarrik, puntutan paretsu, Hirurogeita hamabosna mila pezeta jaso zituzten. Lasarte izan zen hurrengoa eta 40.000 pezeta jaso zituen.

• Hirurehunetik gora txistulari bildu ziren Gasteizen abenduaren 15ean, Txistulari Egunean.
• Nestor Basterretxeak eta Fernando Larrukertek "Ama Lur" film dokumentala estreinatu zuten.

1968, Donostia - Gobernadorearen zigorra | 1968, Arantzazu - H

Zozialist, girixtiño eta euskaldun? | "H" bai... "H" ez

1968ko iragarkiak