kronologia

1962

• Maiatzean bere lehen biltzarra antolatu zuen ETAk. «Nazio-Askape-nerako Euskal Mugimendu Iraultzaile» gisa definitu zuen bere burua eta hizkuntza proiektu nazionalaren ardatz funtsezkotzat harturik, euskara Euskal Herriko hizkuntza nazional bakartzat aldarrikatu zuen.
• Enbatak gerren osteko lehen Aberri Eguna antolatu zen Itsasun.
• Francoren gobernuak salbuespen egoera ezarri zuen Gipuzkoan eta Bizkaian hiru hilabetez.
• Fraga Iribarne Espainiako Informazio eta Turismo ministro izendatu zuten.
• Espainiako Eliza Katolikoak Donostiako Herri Irratia sortu zuen.

• Jon Mirandek eta Txomin Peillenek Igela - Euskaldun heterodoxoen errebista sortu zuten Parisen.
• Jean Haritxelhar eta aita Xabier Iratzeder euskaltzain oso izendatu zituzten.
• Auspoa argitaletxeak "Dirua galgarri" Mariano Izetaren lehen nobela argitaratu zuen.
• Bitoriano Gandiagak bere lehen poema lirikoak "Elorri" liburuan bildu zituen.
• Anjel Goenaga jesuitak Hemingway-ren "Agurea eta Itxasoa" obra itzuli zuen. Urtebete lehenago, egile eskubiderik ez kobratzeko agiria sinatu zion Hemingway-ek.
• Piarres Larzabalek "Bordaxuri", "Herriko bozak edo nor alkate" eta "Hiru ziren" eta Daniel Landartek "Mendiko bakea" antzerki-lanak idatzi zituzten.
• Jon Etxaidek "Begia begi truk" drama plazaratu zuen Egan aldizkarian.
• Mitxelena bertsolariak Gipuzkoako Bertsolari Txapelketa irabazi zuen eta Jon Lopategik Bizkaikoa.
• Manex Etxamendi bertsolari eta olerkaria hil zen Parisen. Amerikan artzain zebilela hasi zen bertsoak sortzen, bakardadeari aurre egiteko beharrak eraginda. 1899an Ezterenzubi bere sorterrira itzuli zenean alkate izan zen. Maitasuna eta erlijioa zituen kanturako gairik erabilienak.
• Ignacio Maria Etxaide idazle eta Euskaltzaindiko burua hil zen.