kronologia

1958

• Gillermo Epherre idazle zuberotarrak Pierre Lhandek Euskaltzaindian utzitako aulkia hartu zuen.
• Txillidak bere obra erakutsi zuen New Yorken.
• Auñamendi argitaletxea sortu zen Donostian.

• Arantzazuko frantziskotarrek Goiz-Argi aldizkaria sortu zuten. Gipuzkeraz idatzia, hasieran Arantzazu hilabetekariaren nekazarientzako eranskin gisa plazaratu zen. 1960an informazio orokorreko aldizkari autonomo bihurtu zen.
• Bizkaiko Foru-Aldundiak 60.000 pezeta eman zituen euskarazko Biblia argitaratzeko.
• Pierre Bordazarre Etxahun-Iruri-k "Bereterretx" pastorala idatzi zuen.
• Agustin Anabitartek "Poli" plazaratu zuen. Argitaratu ziren, gainera:
  - Luis Jauregi Jautarkol idazle errenteriarraren "Xenpelar bertsolaria" liburua.
  - Joxe Zapirain bertsolariaren "Ene bizitzako bertso batzuek".
  - Salbatore Mitxelenaren "Unamuno ta Abendats. Bilbotar filosofuaren eta Euskal-Animaren jokoerei antzemate batzuk" saiakera.
  - Eusebio Erkiagaren "Arranegi" eleberria.
  - Luis Jauregiren "Ipuiak" ipuin-bilduma.
  - Jon Etxaideren "Purra! Purra!".
  - Mayi Elizagarairen "Ameriketako Osaba" antzerkia.
  
• Justo Maria Mokoroak Arturo Campionen "Erraondo-ko azken Danbolinteroa" itzuli zuen eta Plazido Mujikak Stevensonen "Noni eta Mani".
• Hil ziren:
  
  - Jose Benito Bikandi pintore eta zeramikagile ondarrutarra, Buenos Airesen.
  - Jules Moulier Oxobi apaiz euskaltzale eta idazle handia, Hiriburun.

1958, Donostia - Etorkinak eta Euskal Herria

1958ko hemeroteka

1958ko iragarkiak