kronologia

1957

• Ikastola sortu zen Bilbon.
• 36ko Gerraz geroztik estreinakoz, Iruñeko kaleetan Olentzero ikusi ahal izan zen Gabonetan.
• Pedro Diez de Ulzurrun euskararen erabilera sustatzeko sortutako saileko zuzendari izendatu zuen Nafarroako Diputazioak.
• Orixe euskaltzain oso hautatu zuten.
• Jose Zinkunegik "Zigor" operaren libretoa idatzi zuen.
• Klaudio Sagarzazuk "Intza begietan" poema-bilduma argitaratu zuen eta Anjel Irigarai Apat-Etxebarne-k "Euskalerriko ipuinak" bilduma.
• Hil ziren:
  - Julian Tellaetxe pintorea, Liman.
  - Pierre Lhande idazle lapurtarra.
  - Obdulio Lopez de Uralde artista arabarra.
  - Jazinto Olabe pintorea. Erretratuak eta herri-giroko jaiak pintatu zituen batez ere.
  
  - Joan Bautista Gesalaga Zaldubi bertsolaria. Bere bat-bateko bertso eta bertso-paper asko eta asko Antonio Zabalak bildu eta argitaratu zituen hamar urte beranduago, "Zarautz'ko Zaldubi bertsolaria" izenburupean.
  - Prantzeska Belaustegi idazlea. Tabira ezizenez, garaiko euskal aldizkarietan esku hartu eta irakurgai laburrak idatzi zituen bizkaieraz. Esate baterako, "Zugatza" 1930ean edo "Gaizkame" 1925ean.
  - Higinio Basterra eskultore bilbotarra. Loiolako San Inazioren estatua eta Gernikako Juntetxeko palankaria ditu bere obrarik aipagarrienak.
  

1957, Ferrol - Leturiaren Egunkari Ezkutua

1957ko hemeroteka

1957ko iragarkiak