kronologia

1956

• Munduko Euskal Kongresua antolatu zuten Parisen.
• Euskaltzaindiak Espainiako Gerra Zibilaren osteko lehen kongresu irekia antolatu zuen Arantzazun.

• Euskal Herriko Txistularien Elkarteak guda osteko lehen agerraldia egin zuen.
• Telesforo Monzonek "Zurgin zaharra" bere lehen antzerki-lana plazaratu zuen.
• Arantzazuko Teologiako ikasle frantziskotarrek Jakin aldizkari-argitaldaria sortu zuten.
• Mikel Laboak jendaurreko lehen saioa eskaini zuen Iruñeko Gaiarre Antzokian.
• Euskaltzaindiak Arantzazuko Euskal Sariketa antolatu zuen. Poesia sailean Bitoriano Gandiagak eraman zuen lehenengo saria eta Fernando Artola Bordarik bigarrena. Artikuluei zegokienez, Estanislao Urruzola eta Sabin Berasaluze izan ziren irabazleak eta antzerkikoak, Nemesio Etxaniz eta Anastasio Albisu. Ipuin-sariketan Felix Bilbaok irabazi zuen "Ipuin barreka"-ri esker.
• Julio Urkijo sariketari dagokionez, Manuel Ziarsoro Abeletxe idazleak irabazi zuen "Eguberri-aizeak" Barrutiaren "Gabonetako ikuskizuna" antzerkiaren moldaketari esker.
• Segura Irratia sortu zen.
• Hil ziren:
  - Bonifazio Etxegarai jurista, idazle eta euskaltzaina.
  - Aita Donostia konpositore eta musika-ikerlea.
  - Antonio Gezala pintore bilbotarra, Euskal Artisten Elkarteko sortzaileetarikoa.
  - Nemesio Otaño musikaria.
  
  - Joakin Eugenio Perez de Senosiain idazle kaputxinoa.
  - Aita Buenabentura Oieregi kaputxinoa, Zeruko Argia-ko zuzendari izandakoa eta Artzai Deya aldizkariaren sortzaile eta arduraduna.