kronologia

1953

• Gipuzkoako Foru Aldundiak Euskal Filologiako Julio Urkijo Mintegia sortu zuen euskararen azterketa eta erabilera literarioa bultzatzeko. Koldo Mitxelena izan zen lehen zuzendaria.
• ABAO Bilboko Operazaleen Elkartea sortu zen.
• Joakin Atxukarro bilbotarrak Liverpool-eko Nazioarteko Piano Lehiaketa irabazi zuen.
• Nazioarteko Zinemaren Astearen lehen edizioa inauguratu zuten Donostian irailaren 21ean.
• Pierre Betelu kultur eragile lapurtarrak Oldarra dantza-taldea utzi eta Miarritzeko Bi-Harri taldea sortu zuen.
• Eduardo Txillida eskultoreak "Haizearen Orrazia" burdinazko eskultura sortu zuen.
• 1936an isildu behar izan ostean, Euskaltzaindiak berriro ekin zion Euskera argitaratzeari.

• Imanol Berriatua idazle eta erlijioso bizkaitarrak Anaitasuna aldizkaria sortu zuen.
• Pierre Bordazarre Etxahun-Iruri-k "Etxahun" pastorala idatzi zuen.
• Joan Basurkok "Ibilkari bikain bat: Don Sebe Peña Albisu" idatzi zuen.
• Txomin Peillenek "Gauaz ibiltzen dana" lanari esker Euskaltzaindiaren Txomin Agirre saria lortu zuen.
• Hil ziren:
  - Rosa Bustintza Mañariko Errose idazlea.
  - Marie Garai pintore eta Benito Barrueta pintoreak.
  
  - Jesus Garcia Leoz Erriberrin sortutako konpositorea.
  - Jean Larrasket abadea, Eskiulan. Bere euskal fonetikaren eta zubereraren azterketa linguistikoak RIEVen argitaratu zituen 1927tik 1939ra bitartean.
  - Albert Leon idazle eta euskaltzalea, Bordelen. Zuberoako antzerkiari eta Euskal Herriari buruzko liburuak idatzi zituen frantsesez.
  - Rikardo Bastida arkitekto bilbotarra.