kronologia

1950

• Espainiako Gerra Zibilaren ondoko urteetan eta bereziki euskaltzain asko erbesteratzearen eraginez Euskaltzaindia erabat motelduta geratu zen, baina, Federiko Krutwig-en ekimenez batez ere, 50. hamarkadaren hasieran euskararen akademia suspertzen hasi zen berriro. Akademiak antolatutako bertsolari-jaialdiak eta txapelketak ditugu berpizte horren adibide.

• Euskal nazionalista atzerriratuek, Jokin Zaitegiren ekimenez, Euzko-Gogoa iritzi eta literatur aldizkaria sortu zuten Guatemalan. 1956 urteaz geroztik Miarritzen finkatu eta euskal gaien inguruko artikuluak kaleratu zituen. 1959an desagertu zen.
• Boletín del Instituto Americano de Estudios Vascos kultur aldizkaria sortu zuten Buenos Airesen.
• Bigarren Mundu-Gerra zela-eta isildu behar izan ostean, Gure Herria aldizkaria berriro plazaratu zen Baionan.

• Juan Antonio Irazusta idazle tolosarrak "Bizia garratza da" nobela argitaratu zuen Buenos Airesen.
• Xaxixiloaga Arbailletako oihaneko haitzuloa aurkitu zuten.
• Resurreccion Maria Azkue idazle, hizkuntzalari eta folklore-ikertzailea eta Julio Urkijo idazle eta kultur eragile bizkaitarra hil ziren.

1950, Zarautz - Euskaldunak