kronologia

1948

• Erbestean zegoen Eusko Jaurlaritzak bilkura egin zuen maiatzaren 19an. Besteak beste, Euskadiko Alderdi Komunista gobernutik kanporatzea erabaki zuten.
• Jose Eizagirrek "Ekaizpean" nobela argitaratu zuen Buenos Airesen.
• Bordeleko Unibertsitatean Euskal Hizkuntza eta Literaturaren katedra sortu zuten. Rene Mathieu Lafon hizkuntzalaria izendatu zuten katedra-titular.
• Eusko Ikasle Alkartasunak bere bigarren kongresua antolatu zuen Donibane-Lohizunen.
• Bera-Mendizabalek euskara-gaztelania hiztegia plazaratu zuen.

• Eusko Ikaskuntzaren VII. Biltzarra egin zen Miarritzen. Zazpigarren bilkura hau Lizarran egitekoak ziren 1936ko irailean baina gerra zela-eta ezinezko bihurtu zen. Kongresuaren karira, jendaurreko ekitaldiak ere antolatu ziren, esate baterako kantu txapelketak, dantzariak, palankariak, aizkolariak. Baionan, Pierre Lotiren "Ramuntxo" obra taularatu zuten.