kronologia

1945

• Francoren hirugarren gobernua "Autarkiaren Gobernua" deiturikoa osatu zuten uztailaren 18an.
• Martxoaren 31n euskal alderdi eta sindikatuek Euzko Jaurlaritzaren aldeko ituna sinatu zuten Baionan.
• Bilboko Arte Ederretako eta Arte Modernoaren Museoa sortu zen, Arte Ederretako eta Arte Modernoaren museoak egoitza berean bildu zirenean. XIX. eta XX. mendeko euskal eskola artistikoaren bildumarik aberatsena dago bertan: (Arteta, Barroeta, Zuloaga...).

• Isilaldi baten ostean, Euzko Deya Eusko Jaurlaritzaren organoa argitaratzen hasi ziren gaztelaniaz, euskaraz, frantsesez eta ingelesez. Argitalpen honen bertsioak ere argitaratu ziren. Esate baterako, Londresen, 1938an "The Voice of the Basques. English edition of 'Euzko Deya'" izenburupean edota Euzko Deya - La Voz de los Vascos en América izenburupean Buenos Airesen eta Mexikon.

• Galizia, Katalunia eta Euskal Herriko nazionalistek sortutako Galeuzca elkarteak izen bereko aldizkaria plazaratu zuen Buenos Airesen.
• Espainiako Itsas Legedi berriak honakoa agindu zuen, besteak beste: «Queda terminantemente prohibida toda designación de buques que no esté en castellano, que es el idioma oficial, símbolo de la unidad de la nación» Hezkuntza lege berriak, zazpigarren artikuluan zioenez, «la lengua española, vehículo fundamental de la comunidad hispánica, será obligatoria y objeto de culto especial, como imprescindible instrumento de expresión y formación humana, en toda la educación primaria nacional».
• Iratzeder beneditarrak "Jakes" epopeia idatzi zuen.

• Telesforo Monzonek "Urrundik" poema-liburua argitaratu zuen Mexikon.
• Boletín de la Real Sociedad Bascongada de Amigos del País sortu zen Donostian.
• Joakin Larregla konpositorea, Telesforo Aranzadi antropologoa eta Ignacio Zuloaga pintorea hil ziren.