• Ekainaren hondarrean sinatutako Bigarren Mundu Gerrako armistizioak bitan zatitu zuen Ipar Euskal Herria: Lapurdi eta Nafarroa Beherea armada alemaniarraren menpe geratu ziren eta Zuberoa Vichyko gobernuaren agindupeko "Frantzia librearen" eremuan.
• Bianako Printzea Instituzioa sortu zuen Nafarroako Diputazioak, ordura arteko Monumentuen Batzordeak hasitako lanari segida emateko. Nafarroako ondare artistikoa eta kulturala zaindu eta berritzea du helburu. 1966tik 1983ra bitartean Bianako Printzea izeneko hiruhilabetekari kulturala plazaratu zuen euskararen sustapenerako.
• Espainiako Industri Ministerioak gaztelania ez beste hizkuntzak erabiltzea debekatu zuen. Aurrerantzean ezingo zen izen komertzialik ipini euskaraz, ezta markarik edo errotulurik ere.
• Hil ziren:
  - Teodoro Dublang pintore gasteiztarra.
  - Francisco Durrio eskultore, zilargin eta zeramikagilea.
  - Aurelio Arteta pintorea.

1940, Mexiko Barruti Federala - Arteta hil da