kronologia

1939

• Bigarren Mundu-Gerra hasi zen irailaren lehenean.
• Francoren bigarren gobernua osatu zen abuztuaren 9an. «Gobierno de la neutralidad y la no beligerancia» deitu zioten.
• Frankistek Katalunia hartu zutelarik, Eusko Jaurlaritzak Parisen jarri zuen egoitza. Alemaniarrek Frantzia okupatu eta lehendakaria desagertu zenean, Irujo kontseilariak Euzkadiko Batzar Nagusia eratu zuen Londresen, Jaurlaritza agintea berriro hartzeko gauza izan zen arte, Amerikan.
• Jesus Aranbarri konpositoreak Bilboko Udal Orkestra sortu zuen. "8 canciones vascas" eta "Gabon Zar Sorgiñak" dira bere sorkuntza-lan aipagarrienak.
• Hil ziren:
  - Victor Dubarat historialari baionarra. Ipar Euskal Herriari eta Biarnori buruzko lanak idatzi zituen frantsesez.
  - Alberto Palacio arkitektoa, Areetan.
  
  - Joxe Zubimendi idazlea, Kanbon. El Pueblo Vasco egunkariko euskal atala zuzendu zuen eta poesi eta prosa lanak idatzi zituen. Esate baterako, "Lenengo bertsolari eguna" liburua.