kronologia

1929

• Augustin Anabitarteren "Usauri" eleberriak eraman zuen Schuchardt saria.
  
• Balendin Enbeitak Bizkaiko Bertsolari Txapelketa irabazi zuen Getxon.
• Sebero Altuberen "Erderismos" obra argitaratu zen Euskaltzaindiaren Euskera aldizkarian. Artikulu honen bidez, Herri-euskararen bideari garrantzia emanez, garbizalekeriari kontra egin nahi izan zion garbizaletasun sakonago batetik abiatuta.
• Jean Barbier-ek "Ichtorio michterio" narrazioa plazaratu zuen eta Orixek "Santa Kruz apaiza" liburua.
• Alejandro Bilbao kaputxinoak "Txomin arlote" haurrentzako ipuin laburra eta "Lili-txingar" olerki-liburua argitaratu zituen.
• Pierre Eiheramendi zuberotarrak "Méthode practique pour aprendre le Basque" euskara ikasteko metodoa plazaratu zuen eta Pablo Zamarripa apaizak "Conjugaciones guipuzcoanas".
• Alejandro Olabarriak "Martintxu Perugorria en día de romería" filmatu zuen.
• Lehen zine-kluba eratu zen Gasteizen.
• Hil ziren:
  – Bitor Garitaonaindia antzerkigilea, Argia aldizkariko zuzendari izandakoa.
  – Manuel Martinez de Ubago arkitekto nafarra.
  
  – Ebaristo Bustintza Lasuen Kirikiño idazle mañariarra.