1926

kronologia

1926

Jean Barbier idazleak "Piarres" nobela plazaratu zuen eta Anizeto Zugastik "Bareak" ipuina.
Leon Leon idazle lapurtarrak "Gure txokoan" antzerki-lana idatzi zuen eta Pablo Zamarripa bizkaitarrak "Zaparradak eta".
Resurreccion Maria Azkue Real Academia Españolako kide hautatu zuten, euskararen ordezkari gisa.
Pierre Lhandek "Dictionnaire Basque-Français" euskara-frantsesa hiztegia argitaratu zuen.
Paskual Bernardino Biguria nafarrak Euskal herri-kantuen eta melodien bilduma den "Eliz kantak" plazaratu zuen.

Ernest Hemingway idazle estatubatuarrak Iruñeko San Ferminetan oinarritutako "Eguzkia ere altxatzen da" nobela idatzi zuen.

Toribio Alzagak Shakespeareren "Macbeth" obra itzuli zuen "Irritza" izenburupean.

Jesus Guridi konpositoreak "El Caserio" zartzuela aurkeztu zuen.
Segundo Olaeta konpositore bizkaitarrak Elai-Alai Euskal Herriko lehen dantza-talde koreografikoa sortu zuen.
Iruñeko Elizbarrutiko Migel Intxaurrondok "La Iglesia y el euskera" lana plazaratu zuen. Elizan herriari euskaraz egitearen garrantzia eta euskararen aldeko apustua egin beharra aipatzen dira.