kronologia

1924

• Jean Barbier idazleak "Supazter chokoan" ipuin-bilduma plazaratu zuen eta Ramon Intzagarai Elurmendi-k "Ipuyak, Elurmendi'k euskeratuak".
• Arte Modernoaren Museoa sortu zen Bilbon.
• Fernando Amarika pintoreak Gasteizko Arte eta Lanbide Eskolan aurkeztu zituen bere obrak.
• Baionako Euskal Museoak Bulletin du Musée Basque Euskal Herriari buruzko ikerketa eta dibulgazio aldizkaria sortu zuen.

• Alejandro Olabarria zinegile bizkaitarrak "Un drama en Bilbao" film mutua aurkeztu zuen eta Aureliano Gonzalez Gil de Espinar-ek "Edurne, modista bilbaina" film luzea. Maurice Elvey-k, berriz, "Henry, King of Navarre" aurkeztu zuen.
• Eusko Ikaskuntzako kongresuan Euskal Herriko autonomiaz jardun zuten.
• Pernando Amezketarraren ehungarren urteburua zela eta, kultur ekitaldiak antolatu zituzten bere jaioterrian. Joxe Egileor eta Gregorio Beorlegik, esate baterako, txotxongilo-saioa eskaini zuten.