kronologia

1923

• Ixaka Lopez Mendizabalek "Xabiertxo" haurrentzako liburua argitaratu zuen eta Polikarpo Larrañagak "Amets larria" antzerki-lana.
• Toribio Alzagak "Etxietan", "Zalaparta", "Amatxi", "Tan tarratan" eta "Zanpantzar" antzerki-obra laburrak idatzi zituen.

• Euskal Museoa sortu zen Baionan.

• EAJ La Voz de Navarra egunkaria argitaratzen hasi zen.
• Primo de Riverak estatu-kolpea eman eta diktadura ezarri baino bi egun lehenago, euskaldunak, galiziarrak eta katalanak bildurik, "Galeuzca" fundatu zuten.
• Primo de Rivera Espainiako diktadoreak, Alfonso erregearen aginduz, euskara ekintza ofizialetatik eta erregistroetatik baztertu egin zuen.
• Madril eta Gasteizko Euskara Katedrak bertan behera gelditu ziren.

• Hil ziren:
  – Blas Pradere eta Pedro Migel Urruzuno idazleak. Apaizak ziren biak. Lehenak hainbat sari irabazi zituen lore-jokoetan ("Bergara'ko seme argidotarrak", Bergara 1905; "Tolosako erriyaren izenak lenago eta orain", Tolosa 1912; "Aundigoia eta eta aginbideari zor zayoten begirunea", Hondarribia, 1914). Bigarrenaren kasuan, bere ipuin-bilduma dugu aipagarrien. Berau hil eta urte batzuetara argitaratu zen. Hizkera aberatsa eta joskera txukunekoa, esamolde eta lokuzioz hornitu zituen bere lanak, garai hartan puri-purian zegoen garbizalekeria alde batera utzita eta neologismorik erabili gabe.
  – Luis Eleizalde euskaltzain, idazle eta hizkuntzalaria.
  – Pierre Loti idazle eta militar frantsesa, Hendaian.