kronologia

1922

• Nafarroako Erreinuaren independentziaren alde borrokatu zirenen omenez monumentua eraiki zuten Amaiur herrian.
• Resurreccion Maria Azkueren "Cancionero Popular Vasco" bilketa-lan erraldoia argitaratu zen Bartzelonan.
• "Osasuna, Merketza ta Yanaritzaz" elikadura eta sukaldaritzari buruzko liburua idatzi zuen Julen Azpeitik. Eusko-Argitaldariak plazaratu zuen Bilbon.

• Aita Donostiak "Euskel Eres-Sorta - Cancionero Vasco". 400 abesti inguru biltzen dituen liburua argitaratu zuen Madrilen.
• Argitaratu ziren, gainera:
  – Paskual Bernardino Biguria nafarraren "Lore usaidun mamitzuak" gazteentzako kontakizuna.
  - Aita Donostiaren "Euskal Eres-Sorta - Cancionero Vasco", 400 abesti inguru biltzen ditu.
  
  – Bitor Garitaonaindiaren "Euskal liburu sorta", "Ipuin laburrak umetxoentzat" bilduma eta "Ongillearen sariya" antzerki-lana.
  – Jose Zabala Nabarriztarra-ren "Euzko lutestesti txikia", "Daneurtiztia" eta "Zenbakiztiya".
  – Toribio Alzagaren "Eleizatxoko ardazlea" eta "Eserez ta festa" antzerki-lanak.
  
  – Patrizio Antonio Orkaiztegiren "Euskel-Dantzak" antzerki-lana.
  – Klaudio Sagarzazuren "Txinpartak" poema-bilduma.
  – Saturnino Soloeta hizkuntzalariaren "Ensayo de unificación de dialectos vascos" liburua.
• Euskaltzaindiak Euskal Eguna antolatu zuen Etxarri-Aranatzen.
• Argia astekariak 1923ko orriz orriko egutegia plazaratu zuen. Hauexek ziren, besteak beste, egutegi honek lantzen zituen gaiak: "Nekazari-egutegia", "Maitasuna ta emakumea", "Izkimiri ta asmakizun parregarriak", "Eguraldiaren berri aurrez jakiteko bideak", "Sukalde ta etxeko jakintzak", "Euskera ta beste izkuntzak"... Hamabost urtez argitaratu zen.
• Gernikan Euskal Unibertsitatearen aldeko manifestazioa egin zuten.
• Christophe Dufau musikalari eta idazle lapurtarra hil zen Baionan. Euskal melodiak argitaratu zituen Jean Barbier-ekin batera. Bere azken konposizioa, "Gazte hiltzera doanaren kantua" izan zen.