kronologia

1920

• Eusko Folklore elkartea sortu zuen Jose Migel Barandiaranek.
• Bernardino Bienabe pintoreak "Carnestolendas" bere lan ospetsua ezagutarazi zuen Gipuzkoako Gazteen Erakusketan.
• Bitor Garitaonaindiak "Aitona ta billoba. Bi atal'dun antzerkia" plazaratu zuen.
• Toribio Alzagak Pierre Lotiren "Ramuntcho" obra itzuli zuen.
• Damaso Intza (edo Migel Olasagarre) aita kaputxinoa eta Sebero Altube filologoa euskaltzain oso izendatu zituzten.
• Jesus Guridi konpositorearen "Amaia" opera estreinatu zen Bilboko Albia Koliseoan, Bartzelonako Orkestra Sinfonikoa eta Bilboko Elkarte Koralarekin, Juan Lamote de Grignonen zuzendaritzapean.
• Ixaka Lopez Mendizabalek "Umearen laguna" haurrentzako liburua plazaratu zuen.

• Sebero Altube euskaltzainak "De sintaxis euskérica" liburua plazaratu zuen.
• Zerbitzari-k "Kantari Berria" idazkia argitaratu zuen Baionako Foltzer Baithan. Hamabost bat olerki eta 30 orrialdez osaturiko liburua, xede garbiaz plazaratua, egileak berak zioenez:

• Abertzale batek izenpean "Bakoitzari beria" liburua argitaratu zen Irunen 1920ko urtezahar egunean. «Euskaldun baserritar maixtarren alde» idatziriko lana zen aitzin-solasak zioenez; abertzale honek aholkuak eman nahi zizkien baserrietako maizterrei, berauek bizi zireneko etxearen edota lantzen zuten lur-eremuaren jabe egiteko eman beharreko pausoak adieraziz.
• Pio Baroja idazleak "Divagaciones sobre la cultura" izenburupean hitzaldia eman zuen Bilbon, Junta de Cultura Vascak gonbidatuta. Hitz hauexek esan zituen: «Yo creo que este comienzo de cultura vasca hay que intentarlo a base del castellano, no a base del vascuence. Esa tesis que ha sostenido don Julio de Urquijo, afirmando la posibilidad de que el euskera sea lengua de civilización, me parece una fantasía de filólogo, pero no una realidad. Hay que aceptar el hecho consumado, y el hecho consumado es que nuestro idioma de cultura es el castellano, que poco a poco deja de ser castellano para ser español».
• Asociación de Artistas Vascos / Euskal Artisten Elkarteak Arte Vasco aldizkaria sortu zuen.
• Hil ziren:
  – Txomin Agirre idazlea, "Garoa" eta "Kresala" ohitura-nobelen egilea.
  – Pierre Broussain hizkuntzalari hazpandarra, Eskualduna aldizkariko kolaboratzailea eta euskaltzain osoa.
  – Anjel Goikoetxea arkitekto nafarra. Berak utzitako lanik ezagunenetariko bat Xabierko Basilika izan zen.