kronologia

1919

• Mauro eta Victor Azkona anaiek Estudios Azkona zine-ekoizketarako estudioa sortu zuten.
• Damaso Intzaren ekimenez, kaputxino talde batek Zeruko Argia aldizkaria sortu zuen Iruñean.
• Lekarozko Ikastetxea zabaldu zuten. Gura zuten haurrek musika eta euskarazko eskolak hartzen zituzten.
• Aita Zelestino Kaparrosokoak "Euskal-Irakaspidea o sea gramática del euskera" euskara ikasteko metodoa plazaratu zuen B. de Arrigarai ezizenez. Euskeltzale-Bazkunak, berriz, "Método gradual para aprender euskera, segundo grado" eta metodo honi zegokion ariketa-bilduma.
• Euskaltzaindiak Euskera aldizkaria plazaratzeari ekin zion.
• Juan Bautista Eguzkitza, Pierre Lhande eta Martin Landerretxe euskaltzain oso izendatu zituzten.
• Resurreccion Maria Azkueren "Fonética Vasca" eta "Música popular Vasca" hitzaldietan oinarrituriko liburuak argitaratu ziren.
• Federiko Ugalde arkitektoak sute baten ondoren hondatutako Arriaga antzokia eraberritu zuen.
• Hil ziren:
  – Pedro Jose Elizegi Pello Errota bertsolari asteasuarra.
  – Antonio Arruti idazle frantziskotarra.
  – Jose Ramon Astibia Etxegoien olerkaria.
  – Biktoriano Iraola, Donostiako lehen idazle-belaunaldiko partaidea eta Euskal-Esnalea, Euskal-Erria, Baserritarra eta beste hainbat aldizkaritako kolaboratzailea.
  – Piarres Ibarrart Bettiri idazle eta koblakari jatsuarra.

1919ko hemeroteka