kronologia

1918

• Abertzaleen kontrako hitzarmena Bizkaian. Bilbon, Indalecio Prieto sozialista, El Liberal egunkariko lehendakaria hautatu zuten Madrilgo Gorteetarako diputatu.

• Euskal-Erria kultur aldizkaria desagertu zen. Euskaraz eta gaztelaniaz, Euskal Herriko bizitza, kultura, ohitura eta hizkuntzaren berri eman zuen 1880an Manterolaren ekimenez sortu zenetik.
• Eusko Ikaskuntzaren lehen Kongresuaren karira, Juan Telleria Arrizabalagak –"Cara al Sol" falangisten ereserkien egileak– "Aizkorriko Dama" sinfonia estreinatu zuen.
• "Estado actual de los Estudios relativos a la lengua vasca" Julio Urkijo Ibarrak Eusko Ikaskuntzako batzarrean esandako hitzaldia argitaratu zuten Bilboko Elexpuru anaiek.
• Bizkaiko Diputazioak lehen euskal literatur lehiaketa antolatu zuen.
• Ramon Intzagarai Elurmendi idazleak "Kontxexi ta Petratxo" haurrentzako ipuina plazaratu zuen.
• Toribio Alzagak "Txibiribiri" antzerki-lana idatzi zuen.
• Baroncelli-ko markesak "Ramuntcho" Pierre Lotiren nobelan oinarrituriko filma aurkeztu zuen.
• Manuel Lekuonak "Métrica vasca" bertsolaritzaren ikerketa-lana plazaratu zuen.
• Hiru nafar esanguratsu hil ziren:
  – Sabino Izeta pintore inpresionista.
  – Mariano Saturnino Mendigatxa euskaltzalea.
  – Estanislao Aranzadi Iruñeko Abokatuen Elkargoko dekano eta Asociación Eúskara de Navarra-ko fundatzaileetakoa.