kronologia

1917

• Autonomiaren aldeko mugimendu foruzalea indartu zen.
• Hego Euskal Herriko nazionalistek arrakasta lortu zuten hauteskundeetan. Ramon Sota Aburto Bizkaiko Diputazioko lehendakari hautatu zuten.
• Ramon Sota Bizkaiko Diputazioko lehendakariaren ekimenez, Hermes garaiko kultur aldizkaririk garrantzitsuena sortu zen.
• Bizkaiko talde batek Liga Monárquica de Vizcaya sortu zuen euskal abertzaleei aurka egiteko. Taldearen sustatzaileetariko bat Gregorio Balparda Bilboko alkatea zen. 1918ko Oñatiko Eusko Ikaskuntzako kongresuan eta Bilboko udaletxean txistuka hartu zuten Balparda, Bizkaiko alkateek foru-eskubideei buruz kaleratutako idazkiaren kontra eginiko adierazpenengatik.

• Elias Gallastegiren ekimenez, Juventud Vasca / Euzko Gaztedi erakundeak bere lehen kongresua burutu zuen Gasteizen.
• Katalina Eleizegi antzerkigilearen "Loretti" drama, Jose Elizondoren "Omena" eta Bitor Garitaonaindiaren "Bi egintza'dun antzerkia" antzerki-lanak taularatu ziren.
• Luis Gonzales de Etxabarrik "Ipuin aberkoyak" deituriko ipuin-bilduma idatzi zuen.
• Antonio Gezala pintore bilbotarra Euskal Artisten Elkarteko zuzendari izendatu zuten.
• Isidro Gil pintore eta arkeologo azkoitiarra hil zen Burgosen.