kronologia

1916

• Euzko Deya aldizkari nazionalista plazaratu zen. Euzkeltzale Bazkunak argitaratu zuen lehenik eta 1922tik 1923ra bitartean Euzko Gaztedija (Euzko Gaztedi) izan zen argitaratzailea.

• Luis Arana Goirik Euskeldun Batzokija berpiztu eta Bizkaitarra aldizkaria argitaratzeari ekin zion berriro.
• EAJ alderdiak estreinakoz ordezkaritza lortu zuen Madrilgo Gorteetako hauteskundeetan.
• Katalina Eleizegi antzerkigileak "Garbiñe" drama idatzi zuen eta Toribio Alzagak "Oleskari berriya" .
• Hil ziren:
  – Klement Andurain de Maitie Zibero idazlea, Verdungo batallan. Olerkiak, nobelak, eta pastoralak izkiriatu zituen eta Eskualtzaleen Biltzarreko kide izan zen.
  – Julien Vinson frantziar euskaltzale eta bibliofiloa.
  – Florentzio Ansoleaga Elizondo arkitekto eta arkeologo nafarra. Telesforo Aranzadirekin batera Aralarko dolmenei buruzko lana argitaratu zuen urtebete lehenago.
  – Balbino Garitaonaindia euskal kulturaren eta hizkuntzaren ikertzaile durangarra. Hainbat eliz lan euskaratzeaz gain, erlijio-liburuak idatzi zituen: "Cristiñauaren icasbidea laburtua Obispo jaunaren baimenagaz", 1901ean; "Catezismo laburra", 1904an; "Veni mecum edo erdu neugaz", 1908an.