1910

kronologia

1910

Jose Manuel Etxeita idazle mundakarrak "Jaioterri maitia" eleberria idatzi zuen.
Engrazio Aranzadi Kizkitzak "La patria de los vascos" liburua plazaratu zuen. Urte batzuk lehentxeago Bizkaitarra aldizkarian idatzitako "La invasión maqueta en Guipúzcoa" artikuluak egin zuen ospetsu.
Sabino Aranaren "Deun Ixendegi Euzkotarra", euskal izenen zerrenda eman zuen argitara Luis Eleizaldek.
Cadena y Eleta Gasteizko apezpikuak debekatu egin zuen haurrei euskal izenak ipintzea.
El Pueblo Vasco egunkari erregezalea sortu zen Bilbon.
Jose Artolaren "Mendi Mendiyan" obra lirikoa musikatu zuen Usandizagak.
Joan Manuel Lertxundi erlijioso eskolapioak "Polli ta Pello bi euskaldun bikain da zintzoen kondaira" haurrentzako liburua argitaratu zuen.
Joan Inazio Urangak "Mari Mikela" antzerki-lana idatzi zuen.
Euskal-Esnalea bazkunak "Esku-Egundiya" orriz orriko egutegia plazaratu zuen, Gregorio Mujika, Jose Manuel Etxeita, Txomin Agirre, Petra Belaustegi, Ramon Izagarai, Arturo Campion, Telesforo Aranzadi eta beste askoren idatziz osatua.
Gregorio Mujikak Euskal-Esnalea elkarteko saria jaso zuen "Loreak eta ogia" ipuinari esker.
Meatzariek greba orokorrera deitu zuten Bizkaian. Laneguna zortzi ordura murriztea eskatzen zuten.
Frantzisko Lopez pintore donostiarra eta Pedro Mari Otaño bertsolari eta poeta, bertsolari eskolatuen aitzindaria, zendu ziren. Azken hau, Argentinan.