kronologia

1908

• Pablo Sarasate konpositore nafarra hil zen Miarritzen.
• Joan Inazio Urangak "Amets bat dirudi" bakarrizketa idatzi zuen eta Jose Manuel Etxeitak "Mari-Jesus ta Iru artzañak" ipuina.
• Juan Abelino Barriolak sortutako "Meza berriya" antzerki-obra saritu zuten Eibarko Euskara Egunean.

• Toribio Alzagak "Ramuntxo" opera idatzi zuen Pierre Lotiren nobelan oinarrituta.
• Euskal-Esnalea elkarteak izen bereko argitalpena sortu zuen Tolosan. Euskal-Esnalea aldizkariak, hastapenak makalak izan bazituen ere —urtebeteko etenaldia egin behar izan zuen— , 1911n indarberrituta eta euskara hutsez plazaratu zen, Euskalerriaren Alde gaztelaniazko kultur aldizkariaren babesean. Euskal-Esnalea Gregorio Mujika sortzailearen heriotzarekin batera itzali zen.