kronologia

1904

• Goi-Paleolitoko Aurignac aldiko aztarnategia aurkitu zuten Karrantzako Laperra haitzuloan. Euskal Herriko lehen aurkikuntza paleolitikotzat joa, 1950era bitartean iraun zuen beronen ikerketak.
• Pedro Mari Otañok "Alkar" poesi bilduma argitaratu zuen. Herri-minak, abertzaletasuna eta euskaltzaletasunak eragindako bertso ederrak biltzen dira bertan.

• C. Nuñez Arizmendi Fraisoroko irakasleak Baserritarra aldizkaria sortu zuen. Euskara hutsean plazaratzen zen.
• Errege Agiri batek baimendu egin zuen telegrama eta telefonemak hizkuntza eta «dialekto erregionaletan» bidaltzea. Arana diputatu bizkaitarrak bidali zuen lehen telegrama euskaraz, Madrilgo Kongresutik: «Santiago Irala. Ondarroa. Aitorren izkuntz ederrean nere lagun eta erritarrai biotz barrengo oroipenak. Teodoro Arana».
• Lege honek, hala ere, debekatu egin zuen gaztelania ez beste ezer Morse sistema erabiltzen ez zuten burdinbideetan eta komunikazio eta posta ofizialetan.