Gari alea Weblog-a
Bilaketa
- Hasiera >
- multimedia
multimedia
Atal honetan, Irakeko Kurdistanen bildutako argazki, soinu eta ahotsez osatutako ikus-entzunezkoak izango dituzue ikusgai. Soundslide izeneko sistemaz baliaturik, Irakeko Kurdistango bazter ezezagunetan gertatzen diren hiru istorioen berri emango dizuegu. Behe-behetik hasiko gara; lur azpitik, hain justu, bertan ezkutatzen baitira kurduentzat mehatsu larria diren milaka lehergai. Mina-desaktibatzaileekin egun bat eman eta gero, mendirantz joko dugu, Irango mugarantz, kontrabandista nahiz gerlarien aterpe diren bailaretaraino. Kurdistango kale zaratatsu eta alaietan bukatuko dugu bidaldia, lasai ederrean oraingoan.
Bidaia on!
Karlos Zurutuza
Newroz da bihar
Martxoaren 21ean Newroz ospatu zuten kurduek, euren urte berria. Kandil mendietako herri ttipienetatik Mesopotamiako hirietarainoko ospakizun erraldoia. Irakeko Kurdistanen, familia batek dantza talde bat jarri du martxan. Errefuxiatu eremu batean bizi arren, bikain ospatu zuten euren egun handia.
galeriara sartu
Karlos Zurutuza
Zatitutako etxea
Iranek, Irakek, Siriak, Turkiak… kurduek izan ezik, denek daukate Kurdistango zati bat. Baina baliteke milioika pertsonaren ordua iritsi izana; bere estatua inoiz izan ez duen herri zanpatuarena.
galeriara sartu
Karlos Zurutuza
Bizitza darion herria
Gerra egoeran bizi dira Irakeko Kurdistanen, baina ez da hori bertako kaleek islatzen dutena. Azokan, unibertsitatean, etxean... borroka bai, baina egunerokoaren ohiko borroka da nagusi kale gorrian. 1991z geroztik ia independenteak dira. Etorkizuna eta esperantza bat dira herritarrentzat.
galeriara sartu
Karlos Zurutuza
Gasolinaren erreka
Erreka hau Kandil mendietan sortzen da; turkiarrek orain inbaditu nahi duten lurraldean, hain justu. Kontrabandistek garraiatzen dute bere jarioa euren mandoen bizkarretan, PKK taldeak zaindutako bide bat jarraituz. Kandil mendiak irandar eta turkiar kohetepean daude jada. Baina gasolinaren erreka da hau, eta aurrera doa; eta honekin batera, bizitza.
galeriara sartu
Karlos Zurutuza
Eman nahi ez duzun pausoa
Asko dira eta urteak eman dituzte lur azpian gordeta, kakati, eta norbaiten, edonoren zapalduraren zain; ez dio axola. Bilatzaileak urdinez, oinez, eta soseguz doaz, bat-batean eztanda egin dezakeen lurraren gainetik, ausart.
galeriara sartu