Arrosa sareak: beste errealitate batzuen ahotsa

Larunbatean, Arrosa sareko irratien jardunaldiak izango dira Gernikan. Txoko honetatik, eskerrak eman nahi dizkiegu bide alternatiboagoak jorratzen dituzten pentsalari guztiei, eta gureganainoko bidea errazten dietenei.

30 urte Errenteriako uhinetan

1984, Errenteria (Gipuzkoa). 30 urte pasa dira San Joan Suaren gau magiko hartan Zintzilik Irrati Libreak (zintzilik.net) bere burua aurkeztu zuenetik. Mugimendu baztertuei ahotsa eta indarra ematea zuten hasieratiko helburua. Tarte honetan irratian zein herrian gertatutakoak dokumental batean bildu dituzte orain, ahotsa gehiago zabaldu dadin.

97.0 Bilboko irrati libre berria, presarik gabe baina irmo

Bilboko 97.0 irrati libreak Tas-Tas irratiaren lekua hartu du. Alde Zaharrean estudio txiki bat lortu du.

Uhinetan da Hala Bedi Bi, Gasteizko irrati euskaldun berria

Gasteizko Hala Bedi irrati librearen bigarren katea larunbatean hasi zen igortzen FMaren 88.8an. Inuxente eguna zela aprobetxatuz, 1983an huts egindako lehen emisio hura gogoratu zuten kaletik.

Euskara hutsezko irrati katea abiatuko du Gasteizko Hala Bedik 28an

Gasteizko Hala Bedi irrati libreak euskara hutsezko katea abiatuko du larunbatean, hilak 28. FMko 88.8 frekuentzian izango da entzungai.

Hala bada, libre bedi

Duela zortzi hilabete, Gasteizko Gaztetxearen 25. urteurrenaz aritu ginen. Oraingoan, haren ahizpa nagusia den Hala Bedi irrati libreak bete ditu urteak: 30 urte kolpeak jasotzen eta kolpeak ematen.

Hala Bedi, 30 urte kolpez kolpe

Gasteizko Hala Bedi irratiak 30 urte bete ditu eta horren harira ekimen ugari antolatzen ari dira. Besteak beste, irratiaren ibilbidea laburbiltzen dituen “Hala Bedi, 30 urte kolpez kolpe” liburua, diskoa eta dokumentala argitaratu dituzte.

Hala Bedi irratiaren 30. urteurreneko festa gaur Gasteizen

Hala Bedi irratiak 30. urteurrena ospatzeko egitarau berezia prestatu du astearterako, Gasteizko Ama Zuriaren festen barruan. Bazkari herrikoiak emango dio hasiera.

Tas-Tas irrati libreak 21 urteko jarduna etengo du

Bilboaldean 21 urte emititzen daramatzan Tas-Tas irrati libre eta komunitarioak itxi egingo ditu ateak. Udara arte lanean jarraituko duten arren, irailetik aurrera jarduna eten egingo dutela adierazi digu Mikel Estarrona irratiko kideak: "Atzean dauden arrazoiak ondo azaltzea oso konplexua da", dio, baina azalpen laburra ematen duen komunikatua atera dute, bazkideei zuzendua.

Arrosa sarearen jardunaldiak, larunbatean Zarautzen

Arrosa irrati sareak Euskal Herrian bada zer entzun izeneko jardunaldiak egingo ditu martxoaren 2an Zarauzko Putzuzulo gaztetxean. "Elkarlanean jarduteak eskaintzen dituen aukeretan sakontzea izan da gure asmoa betidanik, eta horrela izango da aurrerantzean ere", diote Arrosako kideek. "Helburu horrekin, egun osoko egitaraua antolatu da martxoaren 2rako".

Jaurlaritzak egin zuen irrati-lizentzien banaketa bertan behera geratu da

EAEko Gobernuak hauteskundeak baino lehen 34 irrati lizentzia banatu zituen, baina banaketa hori baliogabe geratu zen atzo. Idoia Mendia bozeramaileak adierazi du “erantzukizuna eta zuhurtzia” dela-eta hartu dute erabakia, Jaurlaritza “laster aldatuko delako”.

Uhinbak aplikazioa berritu dute euskarazko irrati gehiago eskuragarri jarriz

Euskara hutsean emititzen diren irratiak sakelako telefonoan entzuteko aukera ematen duen aplikazioa da Uhinbak. Euskal Herriko hainbat irrati biltzen ditu, guztira 26, eta Iphone eta Android mugikor sistemetarako erabilgarria da. Euskarazko irrati gehiago eskaintzeaz gain, berrikuntzak ekarri ditu eta etorkizunean lanean jarraituko dutela adierazi dute.

"Diala pribatizatzen ari dira, herritarren parte-hartzea ukatzen"

EAErako irrati frekuentzien banaketa 1986an egin zuen azkenekoz Eusko Jaurlaritzak. Berriki, dekretu polemiko baten bidez, hauteskundeen aurreko astean 34 lizentzia banatu ditu. Besteak beste, Onda Vascak 30 eskaeratik bakarra lortu du eta kanpoan geratu dira Ttan Ttakun, Gara Irratia, Bilbo Hiria eta Hala Bediren proiektu elebiduna. Baita Tas-Tas ere. Bilboaldean hogei urte emititzen daramatzan irrati libre eta komunitarioko kide Mikel Estarronarekin mintzatu gara.

34 irrati lizentzia banatu ditu Jaurlaritzak, hauteskundeak baino hamar egun lehenago

34 irrati lizentzia banatu ditu Eusko Jaurlaritzak, horietatik 11 euskaraz emititzeko, urriaren 21eko bozetarako hamar egun falta direnean. Euskarazko irrati-lizentziei dagokienez, Hamaika Telebistaren eta Info7 irratiaren elkarlanetik sortutako Hamaika Irratia proiektuak zortzi lizentzia izango ditu, aurkeztu dituen proiektu guztiek eskuratu dute lizentzia.

Irrati komunitarioen eskubideak bermatzeko eskatu dute Legebiltzarrean

Arrosa irrati sareko kideek agerraldia egin zuten atzo Eusko Legebiltzarrean eta Kultura eta Gazteria Batzordeari irrati komunitarioen eskubideak bermatzeko eskatu zioten. Jaurlaritzari EAEn banatuko dituen 34 FM frekuentzien lehiaketan gardentasuna bermatzeko eskatu zioten.

Euskara hutsezko emisioa helburu

Hedabide asko kinka larrian direnean, asmo berri bat sortu da Arabako hiriburuan. Orain ele bitan diharduen Gasteizko Hala Bedik euskara hutsean hasi nahi du bigarren emisioa.

Hala Bedi Irratia: Euskara hutsezko emisioa helburu

Iragan otsailean, 34 irrati lizentzia adjudikatzeko lehiaketaren oinarriak aurkeztu zituen Eusko Jaurlaritzak. Haietarik herena euskarazkoak izango dira. Horretan, Gasteizko Hala Bedi irrati libreak bi lizentzia lortu nahi ditu, bata euskaraz hasiko duen emisioarentzat nahiko luke; gaztelaniazkoarentzat, berriz, bestea.

Hala Bedi irratiak euskara hutsezko egitasmoa abiatuko du

Hala Bedi Gasteizko irrati libreko kideek jakinarazi dute euskara hutsean emitituko duen proiektu berria jarriko dutela abian. Euskara hutsezko Arabako lehenbiziko irratia litzateke. Egitasmo berria Jaurlaritzaren lizentziak adjudikatzeko lehiaketara aurkeztuko du Hala Bedik, baita abian duen emisio elebiduna ere. Emisioen legezkotasuna lortu arte "borroka" egingo dutela adierazi dute irratiko kideek, eta lizentziarik gabe geratu arren, aurrera jarraituko dutela.

Irrati jardunaldiak antolatu ditu Arrosa sareak larunbaterako Bergaran

Asteburu honetan Bergarako (Gipuzkoa) gaztetxean egingo dira Arrosa sareak antolatutako Euskal Herrian bada zer entzun. Irratiok elkarlanean jardunaldiak. Egun osoko egitaraua prestatu dute larunbaterako eta asteazkenera arte zabalik dago izena emateko epea ondorengo helbide elektronikoan: arrosa.sarea@gmail.com. Lehen aldia da Arrosak mota honetako jardunaldiak antolatu dituena.

Hala Bedi irratiak bazkidetza kanpaina abiatu du

Gasteizko Hala Bedi irrati libreak Izan zaitez halabelarri! No es que me sienta, lo soy izeneko kanpaina jarri du abian, bazkide gehiago lortzeko helburuarekin. "Gure finantziazio apustua bazkidetzarena da, alegia, Hala Bedi Irratiaren jarduna gogoko duenak eta aurrera jarrai dezan nahi duenak...

Gasteizko HalaBedi tabernaren kultur egitarau berria

Gasteizko HalaBedi tabernak kultur egitarau berria abiaraziko du gaur, Fermin Muguruzaren Check Point Rock, Canciones desde Palestina dokumentalaren proiekzioarekin (20:30ean). Asteazkenero jasoko du ekitaldi bat, hurrengoa hilaren 16an: Bertsokatu Txapelketa,  otsailaren 9an hasi eta...

Axa Mixa: umeak uhinetako izar

“Dena umeentzat, baina umerik gabe” esaldiaz laburbil daiteke umeentzat egin den irratigintza luzaro gobernatu duen joera. Baina duela lau urte, Bilboko Tas Tas Irrati Librean, Axa Mixa irratsaioa agertu zen, haurrek haurrentzat egindako programa.

Hala Bedi irratiko bi kazetari atxilotu dituzte

Herenegun Gasteizen Hala Bedi irratiko Joseba Ullibarri eta Eva Camon kazetariak atxilotu zituen poliziak, Teresa Jimenez Becerril PPko europarlamentariari posta elektronikoz mehatxatzea leporatuta. Hala Bediko lankideek operazioa salatu, eta akusazioak gezurra direla esan dute. Epaileak ez du...

Mende laurden borrokan libre informatzeko

Iruñeko irrati libre bakarrak 25 urte beteko ditu aurten; batere erraza izan ez den mende laurdena: Eguzki Irratiak (www.eguzki.net) itxiera ugari jasan ditu, diru iturri nagusia moztu diote, ohiko lokalak zaharrak geratu zaizkio… Baina hiru urteko azken krisialdiaren ostean, indarberrituta dator. Arduradunen esanetan, horrelako komunikabideak beharrezkoak dira, aldarrikatzeko oraindik asko dago eta hamaika erronka dituzte Iruñerriko kontzientziak astintzen jarraitzeko.
Multimedia

2014-04-14  |  Irrati libreak

Euskal Herriko komunikabideak erronka berrien aurrean

2014ko martxoaren 29an Gernikako Astra Kulturgunean Arrosa Sarearen III. jardunaldien baitan egindako mahai-ingurua. Partehartzaileak: Josu Amezaga soziologoa eta EHUko irakaslea, Iraitz Salegi Topatu.info gazte komunikabideko kazetaria, Aitor Aspuru Aiaraldea.com proiektuko kidea eta...

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


AmetzagaiƱa Argia Antza iametza Adur Luditoys