Bretainieraren aldeko "Korrika" hilaren 24an hasiko da

Ar Redadeg bretainieraren aldeko lasterketa ospatuko dute maiatzean, aurten laugarrenez. Hilaren 24tik 31ra bitartean Montroulez herritik Groñwelera iritsi arteko lasterketa herrikoia egingo dute.

Milaka argi Iruñerriko IKA euskaltegien alde

Instituzioetatik, 2012ko urriaz geroztik, ez dute euro bakarra ere jaso IKA euskaltegiek Iruñerrian. Diru-laguntzak izoztuta zituztenez, iaz, Milaka argi Nafarroan kanpaina abiarazi zuten. www.milaka-argi.com webgunean diru ekarpenak egin daitezke eta diru-laguntza bakoitzeko argitxoa...

Egiozu erdaraz

Antza, ama honek euskaraz ikasteko egiten duen ahalegina ez da nahikoa alaba zaharrenaren andereñoarentzat. Badakizue zer aholkatu dion? Alabari gazteleraz egiteko, bestela, euskaraz gaizki ikasiko duela.

Norekin hitz egingo dut euskaraz? (Osakidetzako langile baten galdera)

Mari Karmen Osakidetzako langilea da. Behin baino gehiagotan saiatu da euskara ikasten (bere kabuz eta Osakidetzak lagunduta) eta ez dago gustura egin duen bidearekin (edo egin ez duenarekin). Hizkuntzarekiko gorabeherak kontatu dizkit berriketan ari ginela. Oso argigarria iruditu zait gogoeta.

Euskal Herriko nonbait

Oiongo eta, orohar, Arabako Errioxako euskaldunei buruz Beñat Fontanedak egin duen dokumentalaren aurrerapena. Orain gutxira arte Logroño pareko eskualdean zegoen euskararen egoera kaskarretik abiatuta, gaur egungo egoerara arteko ibilbideari begiratua da lana; euskararen berreskurapenean lan egin duten protagonisten bitartez. Filmaren aurkezpena urriaren 3an izango da Oiongo udal zineman.  

Barnetegia urte osoan zabalik

Joxean Sagastizabalen Kutsidazu bidea Ixabel eleberriko Juan Martinen moduan, badira uda euskaraz ikasteko edo urtean zehar ikasitakoa hobetzeko baliatzen dutenak. Gaur egun, ordea, ikasteko ohikoagoak dira barnetegiak baserriak baino, eta hauetako batzuen lana, Maizpiderena adibidez, ez da udan amaitzen.  

Eskolako lanak akuilu euskarara hurbiltzeko

Ikastoletako haur kopurua hazten doa, baina ez da nahikoa, hizkuntzak eskolaz kanpo ere bizi behar du, herriko plazetan, jolas-parkeetan, mendian... Pixkanaka horren kontzientzia hartzen ari dira haurren erreferente direnak, gurasoak.

Urteen ostean euskarari heltzeko unea

Euskal Herrian gehiago dira euskara ez dakitenak ezagutzen dutenak baino. Asko kanpotik etorriak, urte ugari daramatzate gure artean, baina ez dute hizkuntza ikasi. Zenbaitek bizimodua bertan egin ondoren heldu dio zeregin horri. Banaiz Bagara elkartearen Urnietako ikastaroan ezagutu ditugu batzuk.

Euskal Konfederazioa: “Ikas-Biren asmoa kolpe mediatikoa egitea da”

Ikas-Bi eskola publiko elebiduneko guraso elkarteak martxoaren 26an egindako kritikei erantzun die Euskal Konfederazioak (AEK, Seaska, Euskal Irratiak eta Ikas). Ikas-Bik zalantzak agertu zituen Euskararen Erakunde Publikoak (EEP) Konfederazioari ematen dizkien diru-laguntzen inguruan. Euskal Konfederazioak dio “kolpe mediatikoa” bilatzeko egin dutela.

“Euskaldun berriari erraz esaten diogu euskaraz jarduteko, errazegi”

Joxe Manuel Odriozolak artikulu interesgarria idatzi du gaurko Berrian. Haren ustez, euskalduntze prozesuetan hiztunaren eta hizkuntzaren arteko dialektika sozial, kultural eta psikologikoak daukan barne-lotura sendoa ez da ikusi nahi, eta lotura horiek berebiziko garrantzia dute hizkuntza bat edo beste aukeratzerakoan.

Euskaltegientzako diru laguntza berreskuratuko du Jaurlaritzak

Euskaltegi publiko eta homologatuentzako diru laguntzak emateari ekingo dio berriz Jaurlaritzak. Horretarako, 700.000 euroko aurrekontua gorde duela azaldu du Cristina Uriarte Hezkuntza, Hizkuntza politika eta Kultura sailburuak. Aurreko Gobernuak laguntza horiek kendu zituen eta gogor kritikatu zuten.

Oinarrizko mailak ikasle apalenentzat

Hiztun oinarrizkoak izan ditu hizpide Patxi Baztarrika Hizkuntza Politikarako sailburuordeak joan den astean. A1 eta A2 euskara egiaztagiriak, eta haiek lortu ahal izateko ikasmateriala aurkeztu ditu Eusko Jaurlaritzak. Orain arte, Europako markoari jarraiki, euskara ikasleek B1 mailako...

Andoaindik Baionara, 18. Korrikak euskararen herria zeharkatuko du

Gaur abiatu da Korrikaren 18. edizioa Andoaindik. Martin Ugalde kultur parkean eman ditu lehen urratsak euskararen aldeko lasterketak eta bertan lan egiten duten euskalgintzako hamar lagunek eraman dute lehen lekukoa.

Nola, noiz, non, norekin... euskara ikasi?

Korrika 18k martxoaren 14an emango ditu lehen pausoak Andoainen. Hilaren 24an Baionan festa ederra egingo dute ibiliari bukaera emateko. Korrikaren aurtengo omendua ikaslea da eta AEK-k ondoko leloa aukeratu du: Eman euskara elkarri. Zangoak mugitu aurretik buruari eragitea erabaki zuen Korrika 18k eta lau mahai-inguru antolatu zituen Euskara ikasi XXI. mendean izenburuarekin. Iruñean eta Bilbon bana egin ziren. Ondoko orrietan, Gasteizko (Nola ikasi?) eta Baionako (Ikaslearen ahotsa) saioei buruzko hausnarketa idatzi dute AEK-ko kide eta mahaion moderatzaile Benito Fizek eta Bea Sallaberryk.  

Helduek euskara doan ikasteko aukera izatea eskatu du Gipuzkoako Diputazioak

Zigor Etxeburua Gipuzkoako Foru Aldundiko Euskara zuzendariak Eusko Jaurlaritzari eskatu dio aurrekontu egitasmoan bitartekoak jarri ditzala helduek euskara doan ikasteko bidea egiteko.

Tanveer eta Saifullah, Azkoitian euskara ikasten

Tanveer Hussain eta Saifullah Khadm Hussain ez dira euskaldunak jaiotzez.Pakistanen dute jatorria eta urte gutxi daramatzate gure artean. Biak euskalduntzeko bidean dira eta asmo horrekin biltzen dira astero Banaiz Bagara elkarteak Azkoitian antolatutako euskara ikastaroetan.  

Jaurlaritzak Joseba Erkizia izendatu du HABEko zuzendari

Erkizia lehendik ere izan da HABEko buru 2005etik 2009ra bitartean. Patxi Lopezen legealdian berriz Iñaki Uribe izan zen erakunde horretako zuzendaria.

Hizkuntza politika ausartagoa eskatzen dute euskaltegiek

Euskaltegietako ikasle kopurua eta irakas-orduak behera doaz. Euskaltegietara jende gehiago ez hurbiltzearen arrazoiketa konplexua da eta lau mahaikideek faktore horiek astindu dituzte. EAEn helduen euskalduntze alfabetatzearen arauketa zaharkituta dagoela diote, eta era berean, gizartea asko aldatu dela, eta beraz, herritarren nahiak eta beharrak ere bai. Astean ordu gutxi ditu eskaintzeko euskara ikasleak, dirua urri ere badauka eta matrikula ordaintzeko arazoak ditu. Ikaslea bai, baina hizkuntza politika izan dute batik bat mihian mahaikideek. Euskararen beharrik ez sortzea, motibaziorik ez eragitea, herritarrengandik urrun egotea eta sarri hizkuntza politika euskaltegiek egin beharra azpimarratu dute.

Euskaltegi denentzat baldintza berak aldarri

Eguneroko egoerak irudikatuz euskara irakastea, horixe Arturo Campion Iruñeko euskaltegiaren lana. Aurten 40 urte bete ditu zeregin horretan eta ospatzeko data duten arren, euskaltegiak ez du garairik onena bizi, besteak beste, diru-laguntza faltagatik. Egoera larria da.  

"HABE fosilizatuta bezala zegoen"

Plan estrategikoa egin zuen HABEk iaz. Euskaltegi pribatuak finantzaketa egonkor eske dira. Ikasle kopuruak behera egingo duela aurreikusi dute eta merkatu berriak aurkitu beharko dira. Eskaerei eta aldaketei nola aurre egingo dien azaldu digu zuzendariak.

"Zer pizgarri dute hemengo umeek euskaraz hitz egiteko?"

Bi urte igarotzeko asmotan heldu zen Oiona Andoni Landa Arozena (Nuarbe auzoa, Azpeitia, 1966). Hogei urte baino gehiago joan dira ordudanik. Euskara irakasten hasi zen, eta horretan ari da gaur egun ere, IKA euskaltegian. Urteen joanean ikusi eta bizi izan duena erakutsi digu.

Joseba Sarrionandia: «Abuztuan bidali zidaten karta bal oraindik itxoiten nago»

Joseba Sarrionandiarekin euskararen egoera eta errepresioa gartzeletan gaiaz. "Korrika 4"-ren prentsa bulegoak eskaini digu ondoko elkarrizketa argitaratzeko aukera. Joseba Sarrionandia Herrerako desterru urrunetik desterru hurbilago batetara ekarri zuteneko aukera bat aprobetxatuz eginda dago, eta gartzeletan euskarak sufritzen duen egoera eta pertsekuzioa dira ikututako gaiak.
Multimedia

Zazpi hilabete euskaldun bat osatzeko

Euskalduntze prozesua osoa eskaintzen duen Foruko AEKren barnetegiaren barrenak. Egileak: Baxter and Rojos

Nola ikasi euskara 40 urte eta egun batean

Asisko Urmenetak eskainitako hitzaldia, Nafarroako Unibertsitate Publikoak 2008an antolatutako Euskararen Egunean.

Barkatu!

Julen San Emeterio Urizen film laburra.

Euskaldun berriaren esketxa

Badaukagu pazientziarik euskaldun berriekin? galdera luzatzen digu Kepa Errastik Youtuben zabaldu duen film labur honek.

Hesiak gainditzen

Hizkuntzaren transmisioaren garrantzia azpimarratzeaz gain euskarara hurbiltzeko eta euskara hurbiltzeko ahalegina egin zutenei eta egiten ari direnei esker ona adieraztea da dokumentalaren helburua. Gidoia Arteman Komunikazioa enpresarekin eta Jon Maiarekin batera garatu du Txatxilipurdi...

Arbel digitala (Esperientzia arrakastatsuak euskaraz)

Euskarabildua jardunaldietan euskaraz arrakastatsuak izan diren 3 esperientzia nabarmendu ziren. Arbel digitala da haietako bat.

Leizaola Fundazioaren bideo polemikoa

Leizaola Fundazioak egindako lan honek polemik handia sortu du sare sozialetan bideoaren kalitate maila eskasa eta ikuspegi sexistagatik.

Bidaia Intimoak

Lau lagunek euskara ikasteko erabakiaz eta prozesuaz egindako filma da Bidaia Intimoak. Jon Maia zuzendari, Eriz Zapirain zuzendariaren albokoa, Orio Produkzioak ekoiztetxeak egin du dokumentala AEK eta Korrika 16rentzat. Iraupena: 1:10 2009an egindako dokumentala.

Auzoko egitasmoa

Topaguneak, Euskara Elkarteen Federazioak, Auzoko egitasmoa abian jarri du Orio herrian. Udalaren laguntzarekin euskara ikasteko saioak eskeintzen dituzte. Auzokideak eta auzotarrak elkartzen dira. Lehenengoak euskaraz dakiten herritarrak dira eta bigarrenak berriz, euskara ikasteko asmoz...

Zumaian hitanoa biziberrituz

Zumaiako Oikia auzoan hitanoa biziberritzen ari direla eta gure hizkuntzaren hika formaren osasunaz eta berau berreskuratzeko Zumaian egiten ari den ahaleginaz erreportajea osatu du Gipuzkoa Kultura webguneak

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys