Sareko Argia webgunearen hasiera

Andres Urdaneta: Filipinetatik Amerikara izarren bidetik

XVI. mendean, Amerikatik Asiara abiatzea abentura izan ohi zen nao espainiarrentzat; itsasoak eramango zituen, baina ez bueltan ekarri. Andres Urdanetak Acapulcora itzultzeko bidea asmatu zuen eta Asiako merkataritzaren ateak ireki zizkion Felipe II.aren inperioari. Aitzitik, orain arte ia ezezaguna izan da gure kosmografo handienaren historia.

Irakurri erreportajea ARGIA astekarian

Jose Luis Estelles izango da Musikeneko zuzendari berria

Jose Luis Estelles kataluniarra izendatu dute Musikene Euskal Herriko Goi Mailako Eskolako zuzendari artistiko. Estelles klarinetista, orkestra zuzendaria eta pedagogoa da eta ikastegia sortu zenetik (2001) aritu da bertan irakasle lanetan. 2003az geroztik Orkestra Ikasketen zuzendari ere izan da.

• Erantzun

Ikusi albiste hau ondorengo hedabideetan:

Euren arteko harremanean hizkuntza aldatu duten bikote bila dabil Soziolinguistika Klusterra

Soziolinguistika Klusterrak hizkuntza ohituren aldaketari buruzko ikerketa bat egiteko herritarren laguntza eskatu du. Euskara etxean transmititzeak duen garrantzia kontutan hartuta, Hizkuntza Politikarako Sailburuordetzak hizkuntza-ohituren aldaketan eragiten duten faktoreak aztertzeko eskatu dio Soziolingustika Klusterrari. Horretarako, hizkuntza-ohitura aldatu duten bikote batzuen azterketa egitea proposatu da. Hain justu, bikote horiek topatzeko laguntza eske datoz azterketaren arduradunak: "Bikotea edozein motatakoa� izan daiteke: ezkonduta daudenak / ez daudenak, seme-alabak dituztenak / ez dituztenak..., baina ezaugarri hori izan behar dute, beraien arteko harremanean hizkuntza aldatu duten bikoteak izatea: lehenago beraien arteko harremana erabat edo nagusiki gaztelaniaz zen, eta gaur egun, erabat edo nagusiki euskaraz". Laguntzeko prest dauden bikoteak Soziolinguistika Klusterrarekin jar daitezela harremanetan, telefonoz (943592556) edo e-postaz (kluster@soziolinguistika.org).

• Erantzun

Donostiako Antzerki Feriak izena eta irudia berritu ditu

Donostiako Antzerki Feriak dFeria izena izango du aurrerantzean, eta irudi berria izango du. Aurtengo kartela Nu Comunicación enpresak diseinatu du. Antzoki bateko oihal koloretsua erakusten du eta kanoi argi batek dFeria argiztatzen du. Beheko marra beltzak ikusleen lehenengo ilara irudikatu nahi du. Uztailaren 8tik 12ra egingo da dFeria.

• Erantzun

Ikusi albiste hau ondorengo hedabideetan: