Garzonek ezingo du epaile gisa aritu 11 urtean Gurtel kasuko entzuketengatik

2012-02-09

Baltasar Garzon, epaitegian

Espainiako Epaitegi Gorenak Baltasar Garzon kondenatu du Gürtel kasuko buruei eta beren abokatuei entzuketak egitea agintzeagatik. Epaia eguerdiko 2:00ak partean jakinarazi da, eta aho batez hartu da. 11 urterako kargugabetu dute.

Murrizketak salatu eta kalitatezko zerbitzu publikoa eskatzeko greba egingo da gaur

2012-02-09

EILAS, ELA eta LAB sindikatuko ordezkarien prentsaurrekoa

ELA, LAB eta EILAS sindikatuek zerbitzu publikoko 100.000 langile grebara deitu dituzte Araba, Bizkaia eta Gipuzkoan. Sindikatuek gaurko antolatutako protestak, murrizketak salatu eta kalitatezko zerbitzu publiko bat eskatzea du helburu. ESK sindikatuak ere greba deialdia babestu du.

Kazeta.info-ri eta 'La Setmana' aldizkari okzitaniarraren proiektu digitalari diru-laguntza publikoa ukatu diete

2012-02-09

La Setmana astekari okzitandarrak salatu duenez, CPPAP (Commission Paritaire de la Presse et des Agences de Presse) batzordeak ukatu egin dio bere proiektu digitala garatzeko diru-laguntza. "Okzitanieraz soilik jarduten dugulako ez dugu laguntzarik jasoko", azaldu du agiri baten bidez. Egoera bertsuan da Kazeta.info webgunea.

Kazeta.info

Lan istripuek behera egin duten arren, sei minuturo ezbehar bat gertatzen da Hego Euskal Herrian

2012-02-09

2011an lau egunean behin langile batek bizia galdu zuen.

Lan eremuan gertatutako istripuak %8,6 murriztu dira Hego Euskal Herrian 2010etik 2011ra bitartean, LAB sindikatuak plazaratutako datuen arabera. Hala ere, sei minuturo ezbehar bat gertatzen da eta laupabost egunetik behin langile bat hil egiten da. Guztira 81 langile hil ziren iaz.

Berria
| Gara

Jalgi Hadi Garaipenera ekimena sortu dute Euskal herriko hainbat gaztek

2012-02-09

Jaiki Adi Garaipenera ekimeneko aurkezpena atzo Iru�ean

Hainbat esparrutako gazteek Jalgi Hadi Garaipenera ekimena aurkeztu zuten atzo Iruñean. Beraien indarrak helburu argi batekin bildu dituztela jakinarazi dute gazteek, Euskal Herriaren historian sakondu eta berau azaltzea eta iraultzea hain zuzen ere. Horretarako, gazteen formaziorako ekitaldiak antolatuko dituzte Euskal Herri osoan.

Gara
| Topatu.info

Gipuzkoako Diputazioak 2 milioi euroko diru-laguntza emango dio euskarari

2012-02-09

Euskarazko aldizkariek 610.000 euro jasoko dituzte.

Gipuzkoako Foru Aldundiak 2.386.422 euroko diru-laguntza emango dio aurten euskarari, iazko kopuruari (2.373.490 euro) eutsiz. Euskarazko aldizkarien argitalpena sustatzeko erabiliko da diru sail handiena: 610.000 euro.

Berria
| El Diario Vasco

Londresko poliziak 200 lagun baino gehiago atxilotu ditu sarekada handi batean

2012-02-09

1.300 polizia baino gehiagok hartu dute parte sarekadetan.

Londresko poliziak 200 lagun baino gehiago atxilotu zituen atzo, hirian koordinatutako 300 bat sarekada egin eta gero. Operazioa The Trident Gang Crime Command izeneko "gaizkile-taldeen" aurkako poliziaren unitate berriak egin zuen eta 1.300 polizia baino gehiagok hartu zuten parte bertan. Britainiar Gobernuaren arabera, kalean aritzen diren gazte talde hauek izan ziren pasa den udan hiriburuan gertatutako istilu larrien sustatzaile nagusiak.

BBC
| The Guardian

Aberri Egunean abertzale guztiak biltzeko deia egin du Independentistak sareak

2012-02-09

Iaz Gernikan ospatutako Aberri Eguneko irudia

Aurtengo Aberri Egunaren esanahi sinbolikoa dela eta, apirilaren 8an Iruñean egingo dela azaldu zuten atzo Independentista sareko kideek. Nafarroako konkistaren bosgarren mendeurrena eta Gernikako bonbardaketaren 75. urteurrena gogoratzeko abertzale guztiak Iruñean biltzera deitu ditu Independentista sareak.

Asentxio Ondarzabal kultur eragile eta euskaltzalea hil da

2012-02-09

Asentxio Ondarzabal (Hernani, 1934) atzo hil zen, 77 urte zituela. Besteren artean, Erein argitaletxearen eta Tolosako (Gipuzkoa) Laskorain ikastolaren sorreran parte hartu zuen Ondarzabalek.

Berria

'Out/in' lana estreinatuko du Kukai konpainiak igandean Errenterian

2012-02-09

'Karrikan' lana du abiapuntutzat 'Out/In' lan berriak.

Kukai dantza konpainiak Out/in lana estreinatuko du igandean Errenteriako (Gipuzkoa) Hiria Kulturunean, 19:00etan. Iazko maiatzean sortutako Karrikan ikuskizuna abiapuntutzat hartuta, bi koreografiak osatzen dute lan berria: Aupa mutil eta Sorbatza.