Piztu Ezazu Argia 970x90
GAL

GALen biktimak omenduko dituzte Hendaian larunbatean

Gudari Egunaren harira, GALen eta errepresioaren biktimak omenduko dituzte larunbatean Hendaian. 11:30ean emango zaio hasiera ekitaldiari Beltzenia frontoian.
GAL

GALi buruzko “Le Sanctuaire” filmaren grabaketa bukatu da

Ekainaren 10ean bukatu da “Le Sanctuaire”ren filmaketa Luhuson. Hilabete lehenago hasi zen Parisen eta Euskal Herriko beste toki batzuetan ere grabatu dute. Canal +ek produzitu du.

Irabazlea, memoria eta presoak

36ko gerran zer gertatu zen? Ba ote da memoriaren gutxieneko adostasuna Espainian? Eta Euskal Herrian? Zein ote da gerra zibil haren kontakizuna? Haren amaieratik 75 urtera, oro har, bi ikuspegi nagusi behintzat izan dira eta badira Espainian. Eta Trantsizioa zer eta nolakoa izan zen?...

GAL eta BVEren biktimak kalte-ordainik gabe, "ETAren ingurukoak" direlako

GAL eta BVE talde parapolizialen biktimei kalte-ordainak emateari utzi dio Espainiako Barne Ministerioak, biktima horiek "ETAren ingurukoak" zirela argudiatuta.

Beltzeniako izpiritua

Zenbat sentimentu pilatu bihurritu 2014ko otsailaren 8ko iluntzean Hendaiako Beltzeniako labean. GALek hildako Bixente Perurena “Peru” eta Angel Gurmindo “Stein”ez oroitzeko bildutakoek osatu zezaketen duela bi urte ETAk bukatutzat eman zuen gudu aroaren mosaiko arimaduna.

Aizpurdi karrika, Perurenatarrak gogoan

Hilak hizpide, orain 30 urte, Iparraldera arribatu nintzen garaian, Herio gogoratzen dut Hendaiako karriketan. Hainbat iheslari hil zuten. Herritar batzuek egoera tragikoa ezagutu zuten. Esaterako, Segundo Marey, egun hila.
GAL

“Peru” eta “Stein” omenduko dituzte Hendaian, GALek hil zituela 30 urte bete direnean

1984ko otsailaren 8an GALek Angel Gurmindo “Stein” eta Bixente Perurena “Peru” euskal errefuxiatuak Hendaian hil zituen. Urteurrenarekin bat eginez omenaldi berezia antolatu dute bihar.

Jon Anzaren kasua fikziora eraman du
Marin Ledun idazleak

L´homme qui a vu l´homme (Ombres Noires argitaletxea, 2014),  Marin Ledun idazle frantziar ezagunaren azkeneko lana aurkeztu dute asteburuan Donibane Lohizunen. Nobelak, Jon Anzaren desagerpena eta heriotza du ardatz.

Lasa eta Zabalari buruzko filma grabatzen hasi dira

1983an GALek bahitu, torturatu eta hil zituen Joxean Lasaren eta Joxi Zabalaren inguruko filma grabatzeari ekin dio Pablo Malo zuzendariak. “Modu errealistan” kontatu nahi du gertatutakoa, thriller politiko baten eginez.

Mikel Zabalza atxilotu eta hil zutela 28 urte

Urtero bezala omenaldia egin diote Orbaitzetan, duela 28 urte Guardia Zibilen esku hil zen Mikel Zabalza Garateri. Ehundik gora lagun bildu ziren atzo ekimenean senide eta lagunei babesa emateko. Azken horiek “egiaren aitortza” eskatu zuten. 
GAL

Brouard eta Muguruza gogoratzeko lore eskaintza eta ekitaldia

Loreak eskainiko dizkiete Bilbon Santi Brouardi eta Josu Muguruzari eguerdian. Herri Batasuneko bi kideak hil zituztenetik 29 eta 24 urte pasa dira hurrenez hurren.

Mari Carmen Gallastegik eta Pako Etxeberriak Eusko Ikaskuntza 2013 saria jaso dute

Donostiako Miramar jauregian jaso zuten saria Eusko Jaurlaritzako Cristina Uriarte Kultura sailburuaren eskutik. Haien ibilbidea eta aitzindaritza lana nabarmendu zuten ekitaldian.
GAL

30 urte GALek Lasa eta Zabala bahitu zituela

Joxi Zabala eta Joxean Lasa errefuxiatuak bahitu zituztela 30 urte bete dira. 80ko hamarkadako Espainiar Estatuko gerra zikinaren hastapenean GALek bi gazte tolosarrak bahitu, torturatu eta kare bizitan ehortzi zituen buruan hiruna tiro jo eta gero. Gertakariaren urteurrenaren harira, hainbat ekitaldi burutu dira azken egunetan eta senitartekoek hedabide ugaritan egindako elkarrizketen loturak jasoko dira hurrengo lerroetan:
GAL

Kareak erre ez diguna

Ospatu dugu. Tolosako Leidorren urriaren 11n bizi izan dugun sentikaria (Igor Susaeta Tolosak kategoriz azaldu du “Emozioz beteriko tokia eta hobia” kronikan Berrian) komunio laikoa izan da. Joxi Zabala eta Joxean Lasaren hezurrak eta mamiak eta ametsak irentsi ditugu. Iluna?...

20 urteko zauri iluna

Zumaiarrek Txato eta militante-kideek Anuk deitzen zioten. Xabier Kalparsoro Golmaio 26 urteko gaztea poliziaren eskuetan hil zela 20 urte bete ziren irailaren 26an. Haren heriotza ilunaren atzean urteak beste zalantza daude. Egiaz, kontakizunaz eta zoru etikoaz mintzo den herri honetan osatu gabeko zaurien kate luzearen beste adabegi bat.
GAL

Jose Amedo: "Santi Brouarden hilketa agintzeko bileran Txiki Benegas eta Ramon Jauregi zeuden"

Aste honetan 13TV Espainiako telebista kate eskuindarreko El Cascabel saioan parte hartu zuen Jose Amedo Foucek.

Lasa eta Zabala, poesiaren bidez oroituak Tolosan

Lasa eta Zabalaren erailketen 30. urteurrenaren harira, Kareak erre ez duena poesia emanaldia eskainiko dute hainbat sortzailek Tolosan, hilaren 11n.

Xabier Kalparsoro, 20 urteko zauri iluna

Zumaiarrek Txato eta militante-kideek Anuk deitzen zioten. Xabier Kalparsoro Golmaio 26 urteko gaztea poliziaren eskuetan hil zela, 20 urte bete dira gaurko egunez. Haren heriotza ilunaren atzean urteak beste zalantza dira. Egiaz, kontakizunaz eta zoru etikoaz mintzo den herri honetan osatu gabeko zaurien kate luzearen beste adabegi bat.

Pablo Malo: "Lasa eta Zabalaren historia modu errealistan kontatu nahi dut"

GALek 1983an bahitu, torturatu eta hil zituen Joxean Lasa eta Joxi Zabalari buruzko filma grabatzen hasiko da Pablo Malo zuzendari donostiarra datorren urtean. Alberto Moyano kazetariak elkarrizketa egin dio Diario Vasco egunkarian, eta galdera-erantzun batzuk euskaraturik jaso ditugu hemen.

Literaturaren balioa bakea eszenaratzeko saioan

Literatura eta memoria gaia hartu dugu hizpide. Alegia, gatazka politikoaren memoria, fikzioaren bidez islatua. Hainbat premisetatik abiatu dugu mahai-ingurua. Gatazkaren gainean jardutean zertaz ari gara, baina? Horra premisa bat. Eta halaxe jalgi dira ere hitzak, gaia poliedrikoa baita, euskal gatazka islatzen duten nobelak antzo. Gaiak ertz dezente dauka. Zorrotzak batzuk eta kamutsak bestetzuk. “Literaturak lagundu dezake gatazka gainditzen?” galdera izan da solasaldiaren ardatza. Galderak, baina, Tzvetan Tódorov-en aipu hau dauka berarekin: “Gatazkak edo gerra zibilak bizi izan diren gizarteetan literaturak lagundu dezake egoera gainditzen, eskubide unibertsalak aldarrikatuz. Dikotomiak agertuz (manikeismoaren bitartez, esaterako) gorrotoak irautea lortzen da. Horregatik, kultura heldu batek egoera horretan gertatutakoa azal dezake, baina betiere ikuspuntu gizatiar batetik”. “Gizatiar”, “gatazka” eta honek sorrarazitako “trauma” hitzen bueltan aritu gara.

Epaileak itxi egin du Anza kasua

Miryam Viargues epaileak Jon Anzarena ondoriorik izan ez duen kasu moduan jasotzea eskatu du. Hiru urteko prozedura izan da. ETAko militantea 2009ko apirilaren 18an desagertu zen eta 2010eko martxoaren 11n aurkitu zuten hilda Okzitaniako Tolosako erietxe batean.
GAL

Emilio Alonso Manglano hil da, GALen garaiko Espainiako zerbitzu sekretuetako burua

GALekin eta gerra zikinarekin behin baino gehiagotan lotu izan da Emilio Alonso Manglano. 1981etik 1995era bitartean Cesid Espainiako zerbitzu sekretuetako buru izan zen eta etxean hil da 87 urterekin.

Urkulluk mikroakordioak hobetsi ditu Bake eta Bizikidetza Planean

EAEko lehendakariak aurkeztutako Bake eta Bizikidetza Planaren helburuen artean daude indarkeria behin betiko amaitzea, eragindako mina aitortzea eta “bestearen egiari lekua ematea”. Bake eta Bizikidetza Plana urrian onartu nahi du Urkulluk.
GAL

Luis Morcillo: "Nik hil nuen Santi Brouard"

Luis Morcillok aitortu du berak hil zuela Santi Brouard HBko kidea bost milioi pezetaren truke (30.000 euro). El Mundo egunkariari egin dizkio adierazpen horiek.

"Herrialde normal batean, 'Twist'-en agerpenak gertakaria behar zuen izan"

Normalak izateak kezkatzen gaitu normalki, baina ez al da zenbaiten normalitatea apur bat anormala? Harkaitz Canoren Twist gaztelaniaz argitaratu zen duela hilabete inguru eta Kataluniako El Periodico egunkariko Ricard Ruiz Garzon kritikariari arreta deitu dio Espainiako Estatuko medio handiek eskaini dioten arreta. Hobe esanda, eskaini ez dioten arreta.

Aizpurdi karrika, Perurenatarrak gogoan

Orio auzotik behera, Enperadorearen etorbidean ia amaieran, Hendaiako hilerrirako bidea dago. Zimitorioa herriaren nortasunaren lekuko paregabea da. Niretzat berezia da, hendaiar peto-petoa izan gabe, hemen jaio eta hiru hilabetez hil zen Haritz semea bertan baitago lurperatua. Otsailaren 20an jaio zen, eta urte bereko maiatzean hil. Bidantenia bidexka hartzekotan nintzela, duda-mudan, hilerrira joatea pentsatu dut.

Lekeitioko galarrena

Laurogehita lauko negu beltzenetan beltzena, azaroaren hogeian gorriz tindatu zena, kontsulta bat izan baitzen krimen baten eszena. Tiro hotsaren ondoren Bilbo handian barrena berunezko isiltasunaz bete zenean dena, Lekeitioko portuan hasi zen galarrena. Santi...

Kondenatutako hiltzaile ultra-eskuindarra, Espainiako segurtasun indarrentzat lanean

Emilio Hellin Moro, 1980an Yolanda Gonzalez (Espainiako) Langileen Alderdi Sozialistako militante deustuarra hiltzeagatik 43 urteko espetxe zigorra ezarri zioten ultra-eskuindarra, Estatuko Segurtasun Indarrentzako ari da lanean, El País-ek azaleratu duenez.

Edurne Brouarden ustez Amedok salaketa interes pertsonalengatik jarri du

Amedok ez du justizia bilatzen, eta bere onurarako soilik ari da Edurne Brouardek  Berriari eta EITBri esan dionaren arabera. Polizia ohi eta GALeko kideak Luis Morcillok HBko mahaikidearen erailketa bere gain hartzen omen duen froga aurkeztu du epaitegietan atzo jakin zenez.

Gipuzkoako Foru Aldundiak torturaren kontrako aldarrikapena egin du

Atzo Gipuzkoako Foru Aldundiak Donostiako jauregiko areto nagusian Espainiako indar polizialek herritarrei eragindako torturen salaketa instituzionalean lehen urratsa eman zuen. Martin Garitano ahaldun nagusia eta Oroimen Historikorako eta Giza Eskubideen zuzendari Marina Bidasoro buru zirela, ehun gonbidaturen aurrean egindako ekitaldiarekin nabarmendu nahi izan zuen Aldundiak lehen urrats hau, Euskal Herriko leku askotan Torturaren kontrako eguna ospatzen den otsailaren 13an.
Multimedia

2014-02-13  |  Guda zikina

GALek hildako 'Stein' eta 'Peru' gogoan Hendaian

1984ko otsailaren 8an GALek Angel Gurmindo "Stein" eta Bixente Perurena "Peru" euskal errefuxiatuak Hendaian hil zituen. Urteurrenarekin bat eginez omenaldi berezia antolatu zuten.

2014-01-10  |  Guda zikina

Herrialde berdea

Jon Andoni Aranguren Iharra tiroz hil zuen Guardia Zibilak, 1972an; Jabier Goitia Kabi, berriz, lehergailu batek eztanda eginda hil zen, 1991n. ETAko militanteak ziren biak, bi belaunalditakoak, eta Herrialde berdea lanak haien ibilbideak batu ditu, istorio bakar bat osatuz. [2011 - 64...

2013-08-08  |  Guda zikina

Popo 30. urteurrena Heletan

Jean-Louis Popo Larreren desagerketaren 30. urteurrenarekin bat Heletan egindako ekitaldia. Iparretarrak erakundeko militantea izan zen. 1983ko abuztuaren 7an Landetako Leon herrian Frantziako poliziarekin izandako tiroketa baten ostean desagertu zen eta inoiz ez da haren berri gehiago izan....

2012-06-28  |  Guda zikina

Bruno Fay

Euskal Herrian bizi den freelance kazetari hau Maisons Lafitte-n sortu zen 1971ko azaroaren 14an. Historian eta kazetaritzan lizentziatua, prentsa idatzirako (Science et vie, L'Express, Le Parisien, Sud-Ouest...) zein telebistarako (Arte, Canal+) egiten du lan. No Low Cost eta Complocratie...

2011-02-15  |  Guda zikina

Anuken egia

Xabier Kalparsoro Golmaio, Txato eta Anuk, (Zumaia, Gipuzkoa, 1966ko abenduaren 7a - Bilbo, Bizkaia, 1993ko irailaren 26a). Irailaren 23an udaltzainek atxilotu egin zuten Durangon. Indautxuko (Bilbo) polizia etxera eraman eta bertatik erietxera, koma egoeran, bertsio ofizialaren arabera...

2010-10-15  |  Guda zikina

Santi Brouard. Euskal Herria Osagai. Duintasuna omen

Santi Brouard, Bilboko bere pediatria kontsultan, GALek tiroz hil zueneko XXV. urteurrenean egindako dokumentala. HASI eta HBren sortzailearen bizitza eta ekinbide politikoari begirada sakona egiten zaio Arnaldo Otegi, Xabier Arzallus, Txomin Ziluaga edota Jean Louis Davant bezalako pertsonen...

2010-05-31  |  Guda zikina

Itsasoren alaba

Haizek bi urte bete baino lehen GAL taldeak haren aita hil zuen, Mikel Goikoetxea "Txapela" errefuxiatua. Aitaren oroitzapenik txikiena ez badu ere, 25 urte geroago neska galdezka hasiko da. Itsasoaren alaba memoria ariketa baten lekukotza da. Goikoetxea ezagutu zutenen testigantzak...

2009-02-16  |  Guda zikina

Ama-alabak eta itsasoa

1983an GALek Mikel Goikoetxea 'Txapela' hil zuenean Haize alabak bi urte zituen. 25 urte beranduago aitari buruzko dokumentala egin du. Ama eta alabarekin izan gara.
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys