NEKAZARITZA ETA ELIKAGAIAK
Larrun pentsamendu aldizkariaren 40. alea da Argiaren azken zenbakiarekin batera banatzen dena. Mikel Asurmendi kazetariaren eskutik, azken egunotan hedabideetako eztabaidagai den aurkezten zaigu: nekazaritza eta elikagaiak. Behi eroen gaitzak asaldatua dauka gure elikagaigintza. Alta, entzefalopatia espongi-formearen gaitza ez da gauza berria. Gaitz honek mendeak daramatza geure artean. Lehen sektoreak etengabeko bilakaera eta birmoldaketa bizi izan zituen amaitu berri den mendearen erdialdean. Gaitzak gizarte eta kulturen egoeraren isla dira eta elikatzeko modua gure osasunaren ezaugarri behinena. II. Mundu Gerraren ostean ezarritako nekazaritza politika baten ondorioak ari gara jasotzen orain. Nekazaritza ekoizpen moduak aldatuz doazen neurrian gizartearen ohiturak ere aldatuz doaz. Ekoizpen berriek arras aldatu dituzte pertsonen elikatzeko moduak. Mahainguru honetan bilduriko gogoetek nekazaritza munduko arazoak hobekiago ulertzen lagun gaitzakete.

Nekazaritza eta elikagaiak gaitzat duen mahainguruan bost mahaikide bildu ziren. Batetik Aguxtin Errotabehere EITBko kazetaria. Ogibidez kazetaria bada ere -EITBko Baionako berriemailea-, bertatik bertara ezagutzen du Iparrraldeko laborantza mundua, nekazaritzan ikasia eta Hazparneko laborantza eskolan irakasle izana baita. Bigarrenik, Enrike Gisasola EHNEko kidea eta baserritarra izan zen eztabaikide. EHNEko Gipuzkoako Batzordeko kidea, Biologian lizentziatua da, baina baserritartzat du bere burua. Hirugarrenik Jean Pierre Goiti Laborantza Ganberako lehendakariordeaizan zen mahainguruan. Berarekin batera aritu zen ELBko kidea eta laboraria den Arņo Cachenaut ere. Arño dugu ELBren sortzaileetariko bat da. Eta, azkenik, Juan Manuel Intxaurrandieta Nafarroako ITGko teknikaria izan zen mahainguruan.

Dagoeneko ohikoa den moguan, lau eritzi artikulu ere jaso dira Larrunen azken alean. Mikel Arteaga Gipuzkoako ENBAko lehendakariak "behi eroei adarretatik heldu" behar direla dio. Pello Astiz Landiribar Albaitaritza S.A.ko Abaitari taldeko kideak, aldiz, "BSE hain hedagarri ekonomiaren globalizazioak egin duela" idatzi du bere artikuluan. Harakin eta Txarkuteroen EuskaL Federazioaren lehendakaria den Rafael de Franciscok "harategiak krisian dagoen sektorea" dela adierazten du. Eta laugarren artikulua Asier Albizu Nekazaritzako Elikagai Politika eta Industriarako zuzendariaren eskutik (Eusko Jaurlaritza) datorkigu "Krisia haragiaren sektorean" izenburupean.

* Behi eroen inguruan sarean dagoena:
- Pierre la Vie
- Eurosurveillance
- Inserm
- "Behi eroa: iragarritako krisia"
- The Official Mad Cow Disease Home Page
- Janarien Zientzia eta Teknologi Institutoa
- Mad Cow Info
- CAB International
- Creutzfeldt-Jakob Disease Surveillance Unit
- INRA
- OIE
- Sub BSE-L
- Fred Romano
- Argazkitan
- link txokoak

* Nekazaritza:
- "Ardatza", EHNEren agerkaria
- Bizigai, produktu ekologikoen kontsumitzaileen elkartea
- EHNE, Euskal Herriko Nekazarien Elkartasuna
- Eikenet, Nekazaritzako elikagaien Industrien Kalitaterako Elkartea
- ILL, Lekunberriko esnekari erakundea
- Nekanet, Eusko Jaurlaritzaren euskal nekazaritzari buruzko informazio zerbitzua
- Nekazari, artisau eta abeltzainen Bizkaiko feriak
- Nekazaritza, Eusko Jaurlaritzak sarean jarritako oinarrizko informazioa
- Nekazaritzako estatistikak, Eustat