Giza genomaren mapa: Mesfidantza edo itxaropena

Azken aldian etengabe entzun dugun gaia jorratzen du aste honetan sakon sakonetik Argiak: Giza Genoma. Gure zelula bakoitzari zer egin eta nola egin esaten diona, guraso eta seme alaben arteko antza finkatzen duena... Azken urteetan, Genomaren mapa bila jardun ostean, ekainaren 26an zirriborroa aurkeztu zuten munduko alde desberdinetan. Aurkikuntza bezala aurrerapenb handia den arren, aspektu asko dira honen inguruan aztertu beharrekoak eta Mikel Asurmendi, Iosu Etxaniz eta Susan Serranok egindako txotenak, argi uzten du hori. Medikuntzaren alorrean aurrerapen handiak ekar ditzake aurkikuntza honek, baina erabilera okerrak ere baditu bere arriskuak. Onurak eta arriskuak artikuluan argi azaltzen zaizkigu. Argiaren gai nagusian, aditu desberdinen iritziak biltzen dira. Asier Fullaondo EHUko Giza Genetikako irakasleak, Giza Genomak ekarriko dituen Garai Berriak aipatzen dizkigu. Zuzenbidearen aldetik ere, egokitzapena eskatuko du Giza Genomaren Maparen aurkikuntzak. Arlo horretan aditua den Carlos Maria Romeo Casabonak dioenez, "Oraingoz ez dago alarmarako batere arrazoirik". Bestelako adituen iritziak ere biltzen dira aste honetako gai nagusian: Xabier Aierdi, EHUko soziologia irakaslea diskriminazio sozialari buruz mintzo zaigu. Jabier Agirre Gipuzkoako sendagileen elkarteko kideak argi ditu ekarriko dituen onurak, hala ere garrantzia handiko arazo etiko ugari ere ekarriko dituela uste du. Genomaren inguruan Antonio Pardo, Nafarroako Unibertsitateko irakasle eta medikua eta Patxi Arrasate, Farmazilari euskaldunen elkarteko kidea ere mintzatu zaizkigu.

Giza Genoma Sarean
Zer esan handia eman du azkenaldian Giza Genomak eta horrek izan du bere islada Interneten. Giza Genoma proiektua aurrera eraman duen ekimen publikoak bere lekua du Interneten, National Human Genoma Research Institute, eta baita ekimen pribatuan lanean jardun duen Celera Genomics enpresak ere.

Proiektu honen inguruan ibili diren beste hainbat zentruk ere, badute beren gunea: Sanger Centre, Human Genome Sciences. Argiako artikuluan argi geratzen den bezala, legearen eta etikaren ikuspegitik, Giza Genomak zeresana emango du eta hainbat web gunek, Ethical, Legal, and Social Implications of Human Genetics Research, Genewatch UK, horren azterketan dihardute.

Genetikarekin harremanetan dauden beste web orrietarako loturak eskaintzen dituen gunea ere aurki dezakegu, informazioa zabaltze aldera.