François Hollande Frantziako presidentearen urtebeteko agintaldiaren harira, Ezkerreko Fronteak salatu du beste eredu sozio-ekonomiko bat helburu lukeen aldaketa zantzurik ez dagoela. Jean Luc Mélenchon Ezkerreko Alderdiko buruak austeritate politika kritikatu eta Seigarren Errepublika aldarrikatu du.
Sektore anitzeko 500 eragilek Euskal Lurralde Elkargoaren proiektua gauzatzeak duen garrantzia azpimarratu eta mezua Frantziako Gobernuari helarazi diote. Asteburuan egindako bilkuran, ekainaren 1ean Baionan egingo den manifestazioan parte hartzeko deia luzatu dute.
Frederique Espagnac Ipar Euskal Herriko senatari sozialistak preso gaixoen hurbilketaren inguruan itaundu du Christiane Taubira Frantziako Justizia ministroa.
Gero eta jende gehiago bat dator Frantzian, bertako zentral nuklearren amaierak mende honetako lehen erdian gertatu behar duela esatean.
Frantziako Estatuan gaur onartu dute sexu berekoen arteko ezkontza ahalbidetzen duen legea. Gai honen harira, erabakia ofiziala izan aurretik, Itxaro Borda idazlea elkarrizketatu zuten Euskal lrratietan asteartean.
Christine Lagarde Nazioarteko Diru Funtseko (NDF) idazkari nagusia deitu du deklaratzera Frantziako Justizia Auzitegiak maiatzaren amaierarako, ustelkeria salatuta.
Frantziako Gobernua Malin destinatutako soldaduak etxeratzen hasi da. François Hollande presidenteak esandakoa bete du, tropak apirilean herrialdea uzten hasiko zirela adierazi baitzuen. Ehun batek jada utzi du Mali, eta uztaila bitartean besteak etxeratuko dira. Hala ere, Frantziak mila soldadu inguru utziko ditu bertan, NBEko 11.200 kasko urdinekin eta 1.400 poliziarekin batera.
MIL, GARI eta Action Directe talde armatuen sortzaile, mende laurdeneko kartzelalditik ateratzen ari da Jann-Marc Rouillan (1952, Auch, Gaskoinia). 1970 eta 1980ko hamarkadetako Europako mugimendu ezkertiar iraultzaileen protagonista eta testigu pribilegiatu, hainbat liburutan ematen ditu orain bere oroitzapenak. Borroka egiteari ez diola puska batean utziko, alegia.
Giza eskubideen aldeko eta ezkerreko hainbat talde eta elkartek deituta, martxoaren 16an manifestazioa egingo dute Baionako presondegiaren muruen inguruetan, goizeko 11etan hasita. Frantziak azken 29 urteotan preso daukan Georges Ibrahim Abdallah militante libanotarraren askatzea eskatuko dute.
Three Mile Islanden (Harrisbourg, AEB) 1979an gertatutako istripu larria gaur Frantzian pasatuz gero, kudeatzeko modukoa litzateke. Aldiz, Fukushiman kiskali diren 4 erreaktoreetako bat gisa berean kontrolik gabe hondatuko balitz, Frantziak 430.000 milioiko galerak nozituko lituzke. Tamalez informazio hau oharkabean joan da.
Aste honetako ARGIAren Net Hurbil atalak lerroburu horiek daramatza: “Istripu atomiko larri batek Frantzia kiebran utziko luke”. Iturri fidagarrietan oinarritutako informazioa da, gure artean oharkabean pasatzen ari dena. Lehenbiziko aldiz Frantziako erakunde publiko batek eskaturik bi ekonomialarik zehaztu dituztelako erreaktore nuklear baten istripu handi batek sortuko lituzkeen kalteak.
Jon Anzaren familiaren abokatuak, Maritxu Paulus-Basurtok, fiskaltzak auzia amaitutzat jotzeko eskaera egingo duen filtrazioaren harira, Frantziako agintariek ETAko militantearen desagertzea eta heriotza argitu nahi ez dutela salatu du.
Azawadeko aire-erasoetan, gehienetan, zibilak hiltzen dira, nahiz eta jomuga matxinoak izan. Hori adierazi du Gonzalo Wancha RT komunikabideko berriemaileak. Gerraren beste ikuspuntu bat erakusten duten artikuluak gero eta gehiago topa daitezke sarean.
2008an sail bateratua bihurtu zenetik izan duen aldaketarik handiena egiten ari da Frantziako inteligentzia-aparatua Le Mondek argitaratu duenez. “Terrorismoaren aurkako” ildoa indartzea da birmoldaketaren helburua, nahiz eta seinalatutako bakarrak ezkerreko taldeak diren.
Frantziako armadako buruzagiek larunbatean iragarri zuten Azawadeko hiruburua, Gao, kontrolpean hartu dutela. Bamakoren ipar-ekialdera dago, 1.200 kilometrora. Igandean Sud Ouest egunkariak informatu zuenez, Baionako paratxutisten errejimentuak parte hartu du operazioan.
Zentral nuklearrak eraistea ez da ahuntzaren gauerdiko eztula, erradioaktibitateak eragiten duen amesgaiztoa ez baita planta ixtearekin batera amaitzen. Prozesu arrunt luzea eta ikaragarri garestia da atzetik datorrena, baina batik bat, ezezaguna, zientzialaririk jakintsuenak ere sasi-eskola egiten dutenen pare uzten dituena. Kontuan hartzeko baldintzak, krisi garaiotan aitzakia bila dabiltzanentzat.
Frantziako Ikasle Juduen Sindikatu batek salaketa jarri du Twitterren jasotzen diren komentario antisemita eta arrazistengatik. Frantziako Tribunalak dio txio horiek debekatu beharko dituela 15 eguneko epean. Era berean, poliziari lagundu beharko dio argitaratu dituzten jabeak identifikatzen.
Frantziak Malin egin duen interbentzio militarrak eskualde horretako uranio erreserbekin zerikusia duela dioen hipotesia indartzen ari da.
30 urteko gizon bat atxilotuta daukate Parisen hiru ekintzaile kurduak tiroz hil zituelakoan. Titular hori topatu dugu nazioarteko prentsan. Baina batean eta bestean gizon hau nor izan daitekeen aztertzen hasita, ezer garbirik ez da argitaratu. Frantziako AFP agentzia izan da albistea zabaldu duena, eta bertan diote kurdua dela, PKKko kide izan zela bi urtez, eraildako hiru emakumeetako baten gidaria zela eta bolbora arrastoak topatu diotela boltsan.
Frantziak Malin joan den ostiralean abiatu zuen interbentzio militarraren benetako kausa energia baliabideak segurtatzea da, Stéphane Lhomme Frantziako Nuklearraren Behatokiko zuzendariak Rue89 webgunean argitaratu duenez. Artikulua osorik euskaratu du Iñaki Etxelekuk. Jarraian irakur dezakezue.
Gobernu frantziarrak 2.500 militar izango ditu Malin datozen egunetan bertako gobernuarekin batera MNLA erakunde independentista tuarengen eta herrialdeare iparraldean matxinatu diren bestelako indar islamisten aurka egiteko.
Urtarrileko azken larunbatean, hilaren 26an, sexu bereko pertsonak ezkontzeko eskubidea izatearen aldeko manifestazioa egingo dute Baionan. 11:00etan izango da herriko etxearen aurrean.
Frantziako armadak Maliren kontrako erasoa hasi zuen joan den ostiralean. Interbentzio militarraren zergatia, Jean-Marc Ayrault lehen ministroaren esanetan, "mehatxu terrorista" geldiaraztea da. Baina, zein da erasoaren testuingurua?
Iazko azaroaren 24an France Bleu Breizh irratiak Patrick Le Lay TF1 telebista kateko zuzendari ohi bretoiari egindako elkarrizketa emititu zuen. Elkarrizketa hura osorik plazaratu du Bretons hilabetekariak, eta Kazeta.info webguneak pasarte batzuk euskaratu ditu. Frantziar nazioa "kontzeptu faltsua" dela eta "funzionatzen ez duen herrialdea" dela dio Le Layk.
Rojdin Fidan Dogan Kurdistango kongresu nazionaleko ordezkaria, Sakine Cansiz PKK alderdiaren sortzailea eta Leyla Soylemez militante kurdua hil zituzten herenegun gauean Parisen. Quim Arrufat Kataluniako CUP alderdiko diputatuari elkarrizketa egin diote Vilaweb atarian: lagun zuen Rojdin Fidanen hilketaz eta kurduen egoeraz hitz egin dute.
Hiru ekintzaile kurdu hilda topatu dituzte bart Parisko Institutu Kurduan, buruan tiro bana zutela. Hirurak emakumeak ziren, eta horietako bat Kurdistango Langileen Alderdiko (PKK) fundatzaileetako bat zela diote informazio iturri kurduek: Sakine Cansiz. Beste biak Fidan Doan Kurdistango Kongresu Nazionaleko ordezkaria eta Leyla Soylemez, gazte ekintzailea ziren.
Espainiako Auzitegi Nazionalaren autoak dioenez, Aurore Martinek bizilekua "Espainian" ezarri eta hilabete bakoitzeko lehen bost egunetan bizilekutik gertuen duen epaitegian aurkeztu beharko du bere burua. 15.000 euroko fidantza jarri dio epaileak.
François Fillonen aldeko UMPko diputatuek talde propioa sortuko dute Frantziako Asanblada Nazionalean. "Rassemblement-UMP" izango da taldearen izena eta Frantziako eskuina zatitu dezakeen urratsa izan liteke. UMP alderdiaren barruan azken asteetan tentsioa gora joan da,...
