100.000 sinaduratik gora EAEn frackinga debeka dadin eskatzeko

30.000 hiritarren izenpea eskatzen zien legeak, baina aise gainditu dute langa. 103.589, hori izan da azkenean Fracking Ez plataformak Eusko Legebiltzarrera eraman duen sinadura kopurua. Bertan adierazi dutenez, "Legebiltzarrean ordezkaritza duten alderdi politikoei ulertarazi nahi diegu gure jendarteak, orobat, frackinga gaitzesten duela, eta horretarako sinadura kopurua esanguratsua behar zen. Gaur hona ekarri duguna hilabeteotan kalean sumatu dugunaren isla da. Argi dago frackinga bezalako gai garrantzitsuei buruz jendeak erabakitzeko gaitasuna eduki nahi duela".

Fracking-aren aurka Gorbeiara eta Urbiara mendi martxa egingo dute ostegunean

Mendi martxa antolatu du frackingaren aurkako mugimenduak uztailaren 31rako, azken bi urtetan egin bezala. Aurten Gorbeiara igotzeaz gain, lehenengoz Urbiara ere joango dira.

Erresuma Batua fracking-a erabiltzen hasiko da, baita parke naturaletan ere

Erresuma Batuko Gobernuak gasa lurpetik erauzteko fracking sistema onartu du, baita parke naturaletan eta babestutako beste zenbait eremutan ere. Talde ekologisten protestak ugari izan dira: landazabal ingelesaren %64 zulatu dezaketela salatu dute.

Frackingaren aurkako protestak nazioartean

Gasa lurpetik erauzteko fracking praktikaren aurkako protestak ugariak dira nazioartean. Batetik, Greenpeaceko 25 kide inguru Chevron petrolio-konpainiaren zulaketa-gunearen parean kateatu ziren hilaren 7an Pungestiko herrian (Errumania). Multinazionalak esplorazio-putzuak zulatzeko onarpena iazko urrian eskuratu zuen, Errumania osotik gasa erauzteko sistema horren aurkako protestak hedatu ziren arren.

Eusko Jaurlaritzak atea ireki die zulatzaileei Gasteizko Mendietan

Hautsak harrotu ditu Gasteizko Mendiak parke natural ez izendatzeko EAEko Ingurumen Sailak hartutako erabakiak. Horren ondorioz, Subillan haustura hidraulikoko lehen bi putzuak irekitzeko asmoak indarra har dezake berriz.

Frackinga debekatzen duen Kantabriako legea, bertan behera

Konstituzio Auzitegiak aintzat hartu du Espainiako Gobernuak jarritako helegitea, eta balio gabe utzi du Kantabrian haustura hidraulikoa erabiltzea galarazten duen legea. Oso litekeena da laster gauza bera gertatzea frackinga debekatzen duten Nafarroako legearekin, horren aurkako helegitea ere aurkeztua baitu Madrilek.

Eusko Jaurlaritza, frackingari oztopoak kentzen

Hego Euskal Herriko zati handi bat dago haustura hidrauliko bidez gasa ustiatu nahi duten enpresen jomugan. Araba eta Bizkaiaren kasuan, ia lurralde osoa.

Espainiako Gobernuari ez omen zaio gustatu frackingaz eskatu zuen txostena

Gaztelako Partido Castellanok (PCAS) salatu du Espainiako Ingurumen eta Industria ministerioek atzera bota dutela gobernuak Espainiako Geologia eta Meatzaritza Institutuari (EGMI) haustura hidraulikoaz eskatutako txosten bat. Emaitzak ez dira frackingarekiko behar bezain onbera, nonbait. PCASen arabera, ministeriootako arduradun politikoek txostenaren zenbait pasarte “leuntzeko” eskatu diete egileei. Urtarrilean prest zuen txostena EGMIk, baina harrezkeroztik "izoztuta" dago.

Gorka Urtaran: “EAJk frackingaren eztabaidan jarreraren bat hartu behar du”

Gasteizko EAJko bozeramaile Gorka Urtaran frackingaren kontra agertu da. Herritarrak kezkatzen dituen gaia dela adierazi du eta bere alderdiari jarrera argitzeko eskatu dio.

Aurpegi ezagunak frackingaren debekua eskatzeko

Sinadurak biltzeko epearen luzapena eskatuko zutela iragarri eta egun gutxira, Fracking Ez plataformak bideo bat kaleratu du, haustura hidraulikoa EAEn debekatzea xede duen Herri Ekimen Legegilea (HEL) sustatzeko.

Frackinga debekatzea, helburu zaila

Joan den martxotik abian dago haustura hidraulikoa EAE osoan debekatzeko Herri Ekimen Legegilearen (HEL) sinadura bilketa. Fracking Ez plataformako kideek maiatzaren 14an emandako prentsaurrekoan azaldu zutenez, kanpaina ongi doa baina lan nekeza da plataforma osatzen duten talde txikientzat. Horregatik, ekaina hasieran izenpeak batzeko epea bi hilabetez luzatzea eskatuko dute, legeak aurreikusten duen moduan.

Abiatu da EAEn frackinga debekatzea eskatzeko sinadura bilketa

Joan den abenduan aurkeztu zuten Gasteizen EAEko lurraldean haustura hidraulikoan debekatzeko xedea duen Herri Ekimen Legegilea (HEL). Prozedurak aurrera egin eta lege proposamenaren eztabaida Eusko Legebiltzarrera iritsi dadin, ekimenaren sustatzaileek 30.000 sinadura batu beharko dituzte datozen lau hilabeteetan.

Jolastu zaitezte frackingarekin baina asko zikindu barik, dio Europak

Oso zalantzazko onura batzuk lortzearren batere ustezkoak ez diren arriskuak onartzeko prest dago EB, azkenean dena ondo aterako den esperantzarekin –bai, sarkasmoa da–, jakin arren arbel-gasa kopuru handietan erauzten urteak daramatzatenek ez dutela oraindik taxuzko irtenbide bakarra...

Fracking-edabe tragoxka bat nahi?

Haustura hidraulikoak etengailu (edo disruptore) endokrino kopuru esanguratsuak aska ditzake inguruko uretara, Missouriko Unibertsitateko (AEB) zientzialariek egindako ikerketa batetik ondorioztatu daitekeenez.

Errumaniako ejertzitoak frackingaren kontrako kanpamentu bati egin dio eraso

Chevron transnazionalaren interesak babesteko asmoz, Pungesti herriko frackingaren kontrako kanpamentua bortxaz desegin dute errumariar militarrek.

EAEn frackinga debekatzeko herri ekimen legegilea aurkeztu dute berriz

Ia urtebete geroago, bigarrenez aurkeztu dituzte Eusko Legebiltzarrean haustura hidraulikoa EAEren lurralde osoan debekatzeko lege proiektua eta hari lotutako herri ekimena (HEL). Urtarrilaren 31n aurkeztutako eta bere garaian Legebiltzarrak atzera botatako proposamen bera aurkeztu dute gaurkoan, baina ekimenaren sustatzaileek nabarmendu dutenez, orduko hartan Fracking Ez Araba plataforma izan zen HELaren babesle bakarra, eta oraingo honetarako, aldiz, autonomi erkidegoan frackingaren aurka ari diren talde  guztiek egin dute bat. 

Frackinga eta industriaren hitz-jokoak

Ekologistak Martxanek haustura hidraulikoari buruz jarduteko daukan Fractura Hidráulica blogean aurkitu dugu David Manthos estatubatuarrak azaroaren 8an Ecowatch webgunean argitaratutako artikulua: Industry Word Games Mislead Americans on Fracking.

Frackingari ezetz esan dio Kuartangok

Gaur egin da, azkenik, haustura hidraulikoari buruzko herri galdeketa Kuartangon. Erroldatutako herritarren %75ek bozkatu du, eta jasotako botoen %98 inguru izan da teknika hori herrian erabiltzearen aurkakoa. Erroldatuta egon barik udalerria bizi direnentzat beste hautestontzi bat ipini dute, eta kasu horretan bozka guztiak izan dira frackingaren kontrakoak.

Frackinga Nafarroan: lege ahul baten jaiotza

Joan den astean, urriaren 10ean zehatzak izate aldera, Nafarroako Parlamentuak haustura hidraulikoa debekatzen duen legea onartu zuen, UPN eta PP ez beste alderdi guztien botoei esker.

EAEko Natura Babesteko Legeak ez du frackinga esplizituki debekatuko

Iragarrita zegoen. Gasteizko Legebiltzarrak Natura Babesteko Legean aldaketak ezartzea onartu du, baina haustura hidraulikoa espresuki aipatu gabe. Gogora dezagun nondik datorren hau guztiau: joan den otsailean, Legebiltzarrak aintzat hartu zuen Arabako Batzar Nagusien  lege-proposamen bat, Natura Babesteko Legearen 17. artikulua aldatzea xede zuena. Zehazki, proposamena onartuz gero espresuki debekatuko zen babestutako natur eremuetan haustura hidraulikoa erabiltzea.

Kataluniako Gobernuak ez du fracking-a baimenduko

Felip Puig Kataluniako Enpresa eta Lan kontseilariak adierazi du Generalitateak fracking teknikaren aurka egingo duela, aditu taldeak egindako ikerketaren ondorioetan oinarrituta.

Frackingaren mitoak hizpide Bruselako Parlamentuan

Berdeak taldeko zenbait diputatuk antolatuta, haustura hidraulikoari buruzko jardunaldia egingo dute gaur goizean Europako Legebiltzarrean, Bruselan.

Nafarroako Parlamentuak frackinga debekatzea onartu du

Nafarroako Parlamentuko Landa Garapen eta Ingurumen Batzordeak gasa ustiatzeko fracking teknika erabiltzea debekatzen duen lege proposamena onartu du. UPN abstenitu egin da eta PPk aurka bozkatu du.

Espainiako Gobernuak frackingari buruzko galdeketa ukatu izana salatzeko elkarretaratzea

Kuartangoko Udalak eta Fracking Ez plataformak deituta, elkarretaratzea egingo da gaur 18:00etan Gasteizen, Espainiako Gobernuaren Ordezkariratzen atarian. Herrian egitekoa zen frackingari buruzko herri-galdeketa Gobernuak atzera bota izana salatuko dute. Informazio gehiago, frackingaren...

Frackingaren aurkako mendi martxak ehunka lagun bildu ditu

Araba eta Bizkaiko Fracking Ez plataformek deituta, ehunka lagun igo dira Gorbeia mendira. "Epe ertainean funtsezkoa izango da mobilizaziorako joera hau, zulatzaileek lanean jarraitzen dutelako isilpean", adierazi dute antolatzaileek.

Zeru arrosa, fracking segurua

The sky is pink, frackingari buruzko film laburra, gaztelaniaz (bikoiztuta) eta frantsesez (azpitituluekin) ikusteko aukera duzue ondorengo bideo bietan.

Haustura hidraulikoaren emaitzak justifikatzen al du inbertsioa?

Haustura hidraulikoaren hondamena txostena aurkeztu zuen ostegunean Madrilen Ekologistak Martxan taldeak. Teknika horrek sor ditzakeen kutsadura arazoez eta bestelako zenbait kaltez oso aipamen xumea egiten da txostenean.

Frackingari ezetz esatea garesti ipini nahi dute Europak eta Kanadak

Ekonomia eta Merkataritza Hitzarmen Osoa (CETA) deritzona prestatzen ari dira Europar Batasuna eta Kanada. Akordio horrek zaildu egin dezake haustura hidraulikoari debekua ezartzea Europan.

Energi ereduari buruz eztabaidatuko dute bihartik aurrera Gasteizen

Bihartik hasita eta larunbatera arte Energia Jardunaldiak egingo dituzte Gasteizen. Hitzaldi, mahai-inguru eta dokumentalen bidez, gaur egungo energi ereduaz eztabaidatu eta etorkizunerako bestelako bideak proposatu nahi dituzte jardunaldietako antolatzaileek.

Sinesgarria da Kantabriak frackingari ezarritako debekua?

Kantabriako Legebiltzarrak aho batez onartu du haustura hidraulikoa debekatzen duen legedia. Albistea harrigarria da, “aho batez” horren barruan PP dagoelako, orobat teknika horren aldeko agertu dena.
INFORMAZIO OROKORRA

Haustura hidraulikoa (ingelesez hydraulic fracturing edo fracking izenez ezaguna) presio handiko fluido baten bidez harri-geruzak hausteko prozesua da. Oro har, petrolioa, gas naturala edo beste substantzia batzuk lurzorutik erauzteko sortutako prozesua da. Haustura-lan bakoitzean, putzu bat zulatzen da erreserbak dituzten harri-formazioetan. Presio handiko fluidoa injektatzeak zartadura berriak sortzen ditu harkaitzean, erregai fosilen erauzte-tasak handituz. Hausturen zabalera mantentzeko, habetzaile bat sartzen da fluidoan, hau da, hausturak ixtea galaraziko duen elementu bat: harea, zeramika-zatiak, edo beste zenbait partikula.

Haustura hidraulikoak kezka eragin du munduan, jardunbide horrek lurpeko eta lur gaineko urak kutsatu ahal dituenez ingurumenaren, osasunaren eta segurtasunaren gainean eragin potentzial handia duelako, eta zenbait herrialdetan bertan behera utzi da edo debekatu egin da.

Iturria: Wikipedia.

Multimedia

2013-06-07  |  Fracking-a

Gasaren lurraldea

Dokumentalak AEBetan fracking teknikaren errealitate gordina erakusten du. fracking zer den, ingurumenean dituen ondorioak, enpresen interesak, administrazioaren jokabidea... [2010 - 104 min] Zuzendaria: Josh Fox. Filmaren jatorrizko izena: Gasland Euskaratzea: Lima -...
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys