Zinegile basko desenfokatuentzat memoria ariketa

Hemen euren filmentzat finantzaziorik ez zutelako Madrilera joan behar izan zuten. Eta orain, Euskadiko Filmategiak antolatutako mahai-inguruan, euskara eta nazionalismoa seinalatu dituzte zenbait zuzendarik. Baina, ba ote dute arrazoirik?

Murrizketek 3.500 lanpostu publiko baino gehiago suntsitu dituzte bi urtean Hego Euskal Herrian

Enplegu publikoaren jaitsiera berretsi dute Espainiako Ogasun Ministerioaren azken datuek: bi urtean Hego Euskal Herrian 3.500 lanpostu publiko baino gehiago galdu dira. Hezkuntzan izan da murrizketarik handiena, eta udal eta aldundietako postuak ere nabarmen jaitsi dira.

Ertzain bat, 31 euro orduko: Jaurlaritzaren prezio berria ikuskizun "arriskutsuetarako"

31 euro orduro ertzain bakoitzeko. Kopuru hori ordaindu beharko dute irabazi asmoa duten “arrisku handiko” ekitaldi publikoen antolatzaileek, Eusko Jaurlaritzaren Ikuskizun Publikoen Lege berriak jasotzen duenez.

Gipuzkoako AHT aurreikusi baino 247 milioi euro garestiagoa da jada

Euskal Y trenbidearen Gipuzkoako zatiak, Eusko Jaurlaritzaren esku dagoenak, 1.822 milioi euroko kostua izango du, aurreikusi baino 247 milioi –%15,6– handiagoa, Ingurumen eta Lurralde Antolaketako sailburu Ana Oregik jakinarazi duenez. Izapide guztiak legez egin direla nabarmendu du Oregik: "Ez gara irregulartasunez hitz egiten ari".

Euskararen erabileran eragiteko asmoz, Agenda Estrategikoa aurkeztu du Jaurlaritzak

Lehendabiziko aldiz Eusko Jaurlaritzak Euskararen Agenda Estrategikoa osatu du. Jaurlaritzak legealdi honetan hizkuntza politikan hezurmamitu eta eskuratu beharreko helburuak zehazten ditu dokumentu horrek.

"Apaindu" egiten al da lan istripuetan hildakoen datua EAEn?

EAEko lan istripuetan hildakoen estatistika ofizialak 30 hildako jasotzen ditu 2013. urtean. Osalanen txostenak, aldiz, 46. Sindikatuek datuen manipulazioa dagoela salatu dute.

Kalamu elkarteak erregularizatuko ditu Eusko Jaurlaritzak

Kalamu elkarteen definizioa eta ezaugarriak jasotzen dituen Menpekotasun Legearen aldaketan lanean ari da Eusko Jaurlaritza. Jon Darpon Osasun sailburuak aurreproiektua aurkeztu du eta urtea bukatu baino lehen aurrera eramango da.

Durangoko Azokak babes ekonomiko handiagoa eskatu du EAEko Legebiltzarrean

Finantzazio handiagoa eta egonkorragoa. Eskaera hori egin diote herri administrazioei Durangoko Azokako antolatzaileek EAEko Legebiltzarrean, azken urtean bezala, “estu eta larri” daudela ohartaraziz eta azokak euskal kulturgintzari egiten dion ekarpena gogora ekarriz.

AHTn justifikatu gabeko 9 milioiko kostuak salatu ditu EH Bilduk

Tolosa eta Hernialde lotzen dituen lanetan dauden kostuak azaltzeko exijitu dio EH Bilduk Eusko Jaurlaritzari. Corsan Corviam enpresa madrildarra ari da arduratzen lan horietaz, Bartzelonako obrengatik ikertzen ari diren enpresa bera.

LOMCEri helegitea jarriko dio Eusko Jaurlaritzak

Eusko Jaurlaritzak, Lehen Hezkuntzako oinarrizko curriculuma arautzen duten LOMCEko hainbat artikuluen indargabetzea eskatuko du.

Euskadi-Akitania euro-eskualdeko presidente izendatu dute Urkullu

Alain Rousset Akitakiako presidente ohiaren lekua hartuko du astelehenean Euskal Autonomi Erkidegoko lehendakari Iñigo Urkulluk. Euskadi-Akitania euro-eskualdeko presidente izendatuko dute.

Zorrak ordaindu ezinda Alokabideko 75 familia geratu dira etxerik gabe

Eusko Jaurlaritzaren Alokabidek 11.291 etxebizitza kudeatu ditu 2013an. 75 familia kanporatu ditu, ia denak zorrak ordaindu ez dituztelako. Zorrak zituzten 565 maizterrekin akordiora iritsi da Alokabide.

Zallako Udalak Jaurlaritzari eskatu dio Cesparen hondakindegia itxi dezala

Gipuzkoa Zero Zabor taldeak ezagutarazi du Bizkaiko Zallako udalaren erabakia: “Udalak Eusko Jaurlaritzari eskatu dio Cesparen hondakindegia ixteko“. Udalaren webgunean irakur daitekeenez, eskari hori egin du “hondakindegiaren jardueran atzemandako arau-hausteek ingurumenean eta pertsonen osasunean dituzten eraginak arintze aldera”.

Hizkuntz eskubideak urratzeagatik enpresa pribatuen aurkako salaketak %23 igo dira EAEn

Hizkuntz Easkubideak bermatzeko Eusko Jaurlaritzaren Elebide zerbitzuak orotara 304 kexa jaso zituen 2013. urtean. Datu nabarmenena enpresa pribatuen aurkako kexak %23an igo direla da urte batetik bestera.

Neurri zehatz gutxi EAEko Legebiltzarreko hizkuntza politikako eztabaidan

Euskarari buruzko hainbat ebazpen onartu dira EAEko Legebiltzarrean. Horiek bozkatu aurretik, hizkuntza politikari buruzko eztabaida monografikoa egin dute EH Bilduk eskatuta.

Aintzane Ezenarro eta Enrique Ullibarriarana izango dira Txema Urquijoren ordezkoak Jaurlaritzan

Eusko Jaurlaritzako Bake eta Bizikidetza saileko aholkulari zen Txema Urkijok utzitako kargua Aralarreko parlamentari ohi Aintzane Ezenarrok eta Enrique Ullibarriaranak hartuko dute.  

Irabazlea, memoria eta presoak

36ko gerran zer gertatu zen? Ba ote da memoriaren gutxieneko adostasuna Espainian? Eta Euskal Herrian? Zein ote da gerra zibil haren kontakizuna? Haren amaieratik 75 urtera, oro har, bi ikuspegi nagusi behintzat izan dira eta badira Espainian. Eta Trantsizioa zer eta nolakoa izan zen?...
GKE

EAEko GKEek salatu dute instituzioek laguntzak murriztu dituztela

EAEko Gobernuz Kanpoko Erakundeko koordinadorak 2014. urterako instituzioek zuzendutako aurrekontuak aztertu ditu. 2008an eman zituzten diru-laguntzen azpitik geratu dira administrazioa, Gasteizko Udala izan ezik.

Geroz eta udalerri gutxiago EAEko gune euskaldunenean

Gero eta udalerri gutxiago dago euskaldun gehien biltzen duen gune soziolingustikoan. Duela 30 urte EAEko 79 udalerri zeuden V. Mapa Soziolingustikoak laugarren gune bezala sailkatu duen zonaldean, orain baino 17 gehiago, UEMAk nabarmendu duenez.

Jaurlaritzak lehentasunezko bazkide izendatu du Israel

Eusko Jaurlaritzak Israel lehentasunezko bazkide izendatu duela irakurri dugu, Basque Country kanpainaren barnean.

San Mames Barriak diru publikoa jaso badu, guk zergatik ez?

“Realak egin duen fitxaketa onena”. Hala definitu du Realeko presidente Jokin Aperribayk, Anoeta estadioa birmoldatzeko proiektu berria.

Gazteen %70ek ongi dakite euskaraz EAEn; oro har etxeko erabilera jaitsi egin da

EAEko biztanleen %36,4k ongi daki euskaraz, duela 30 urte %22 zirenean. 20 urtetik beherakoen artean hazkundea nabarmen handiagoa da: %70ek daki gaur egun, eta %20ek duela 30 urte. Eusko Jaurlaritzak eman ditu datuen arabera, etxeko erabilerak –euskara gaztelania beste edo gehiago erabiltzen dutenen kopuruak– puntu bat behera egin du azken 20 urteotan: %21,8tik %20,8ra.

ETAren biktimen memoriala Gasteizen jartzea adostu dute Marotok eta Fernandez Diazek

Jorge Fernandez Diaz Espainiako Barne Ministroa eta Javier Maroto Gasteizko alkatea Madrilen elkartu ziren asteazkenean. ETAren biktimen memoriala Gasteizen egitea adostu dute.

Alderdikeria eta lan taldearekin konfiantza falta, Nogerasek dimititzeko arrazoiak

Itziar Nogerasek Donostia 2016ko zuzendari orokor kargua zergatik utzi duen azaldu du prentsaren aurrean ostegunean.

Donostia 2016 dardarka utzi duten bi egun

Donostia 2016ko bulego barruko eztabaidak eta politikarien aldetik Nogerasek sumatu duen konfiantza falta izan litezke dimisioaren eragileak. Azalpen zehatzagoak zuzendari ohiak berak emango ditu ostegunean.

Donostia 2016ko zuzendari postua utzi du Itziar Nogerasek

Itziar Nogerasek dimisioa aurkeztu du eta ez da Donostia 2016ko zuzendari orokorra izango hemendik aurrera. Asteazkenean baieztatu da kargua utziko duela.

Iņigo Gogoan plataformak 22.000 sinadura Aldekoa Ertzainburu izan ez dadin

Iñigo Gogoan plataformak 22.000 sinadura aurkeztu ditu astelehenean EAEko Legebiltzarrean. Horien bidez eskatu dute Jorge Aldekoa, Iñigo Cabacas hil zen egunean Bilboko komisaldegiko buruzagia eta gaur egun Ertzaintzako burua, kargutik kentzeko. Larunbatean manifestazioa antolatu dute Bilbon gertakarien bigarren urteurrena hurbiltzen ari dela-eta.

"Biktimei eragindako mina ez dela justua izan aitortzea oinarrizkoa da"

HB, Lurraldea, Elkarri, Lokarri eta Baketiken ibili ondoren, Jonan Fernandez (Tolosa 1962) Eusko Jaurlaritzako Bake eta Bizikidetzarako idazkaria da 2013ko hasieratik. Bakea, bitartekaritza lanak, bizikidetza eta giza eskubideen esparruetan egindako lanak gorputz sendoa ematen dio zereginari konfiantzatik ekiteko. Lanaren zailtasunen adierazgarri izan liteke: bere hitzei baikortasuna darie, baina aldarteak etsipen kutsu bat ere adierazten du.

Euskara udalen kontratazioetan kontuan har dadila defendatu du Jaurlaritzak

Espainiako Gobernuaren ordezkari Carlos Urquijok udalei eta Gipuzkoako Foru Aldundiari hainbat errekerimendu egin dizkie kontratazioetan hizkuntza irizpideak kontuan hartu dituztelako. Patxi Baztarrika Eusko Jaurlaritzako Hizkuntza Politikarako sailburuordeak atzera egin dezan eskatu dio.

Jonan Fernandezekin torturari buruz

Batzuetan ezinezkoa da dena paperean sartzea, gaia oso garrantzitsua izanagatik ere. Hori gertatu zait Jonan Fernandez Eusko Jaurlaritzako Bake eta Bizikidetza idazkariari joan den astean egindako elkarrizketarekin (Argiaren 2.409 zenbakian argitaratu da, aste honetan). Ondorengo pasarteak torturari buruz aritu ginen unea jasotzen du.
Multimedia

2013-06-14  |  Eusko Jaurlaritza

Ertzaintzak Donostiako AskeGunean izandako jarreraren salaketa Legebiltzarrean

Eusko Legebiltzarrean izan zen Lander Arbelaitz ARGIAko kazetaria Ertzaintzak Donostiako AskeGunean erabilitako bortizkeria salatzen. "Ertzaintzak ez du ez kazetari, ez inongo herritarrik horrela tratatzeko eskubiderik". EAJko Iñigo Iturratek ertzaintzaren jarrera...

2012-10-19  |  Eusko Jaurlaritza

Urkullu eta Mintegi aurrez aurre

Araba, Gipuzkoa eta Bizkaiko herritarren bozek aginduko dute datorren igandetik aurrera Eusko Jaurlaritza berriaren osaketa zein izango den. Inkesta guztien arabera EAJ eta EHBilduren hautagaiak dira lehendakaritzara heltzeko aukera duten bakarrak. Kanpaina honetan Laura Mintegi eta Iñigo...

2008-04-20  |  Eusko Jaurlaritza

Miren Azkaraterekin elkarrizketa

Eusko Jaurlaritzako bozeramaile eta Kultur sailburu Miren Azkaratek akordiorako duen irrika ekintzetan ager dezan gonbidatu du Espainiako presidente Zapatero. Kultur eremuan berriz, Egunkaria eta Praileaitz aferez nahiz Balenciaga museoaz mintzatu da.
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


AmetzagaiÃąa Argia Antza iametza Adur Luditoys