La Caixak Berriozarren zeukan etxe huts bat erabili du Nafarroako Hipotekak Kaltetutakoen Plataformak (PAH gaztelaniazko sigletan) Iruñeko familia etxegabetu bati ostatu emateko.
Hipotekek Kaltetutakoen Plataformak (PAH gaztelaniaz) Bankiaren hamabi egoitza okupatu zituen atzo Kataluniako hainbat herri eta hiritan. Asmoa bankuari presioa egin eta negoziaketarako ordezkari bat bidaltzea zen. Hurrengo ostegunean, Bankiako goi kargu bat PAHrekin elkartuko da Bartzelonan.
Hitzarmena sinatu dute Gipuzkoako Foru Aldundiak eta Abokatuen Elkargoak, etxegabetze prozedurek kaltetutako pertsonei laguntza juridikoa doan eskaintzeko.
“Sistemak baimentzen dizkigun bide instituzional guztiak agortu ditugu, eta negoziazioek porrot egin dute.Beraz, desobedientzia zibila areagotuko dugu” adierazi du Ada Colau Hipotekak Kalteturiko Plataformako (PAH) bozeramaileak.
Amnesty Internationalek azpimarratu du zuzenbideak manifestazio baketsuak etxebizitza pribatuen aurrean onartzen dituela, eta ohar batean salatu dituzte Espainiako Gobernuko kideek Hipotekak Kaltetutako Plataformari (PAH gaztelaniaz) buruz esandakoak.
Etxebizitza eskubidea bermatuko duten hainbat neurri bilduko dituen lege proposamena eztabaidatu eta tramitera onartu du Nafarroako Parlamentuak. Oposizioko alderdi guztiek aurkeztu dute proposamena PPNk izan ezik: PSNk, Bilduk, Aralar-NaBaik, Ezkerrak eta Geroa Baik.
EAEko Hipotekak Kaltetutako Plataformak (PAH) eta Stop Etxegabetzeak erakundeak Andaluziako Juntak hartutako neurrien antzekoak aplikatzeko eskatu diote larunbatean legebiltzarrari. Neurri hauek, besteak beste, hutsik dauden etxeen desjabetzea ahalbidetuko lukete.
Atzo Madrilgo Kongresuan PPk bere botoei esker, beste inoren babesik gabe, hipoteka lege proiektu berria onartu zuen. PPk adierazi du hipoteka izan eta bazterketa sozialerako arriskuan daudenak babestuko dituela lege berriak.
Ondasun higiezinen gaineko zergan aldaketa onartu zuten iaz Gipuzkoako Batzar Nagusiek, ohiko bizileku ez den etxebizitzei %150 arteko errekargua ezartzea baimenduz hala egin nahi duten udalei. Aurten ikusiko dira lehen emaitzak eta Euskadi Irratiko Mezularia saioan eman ditu argibideak Itziar Miner Gipuzkoako Ogasun eta Finantza Politikako zuzendariak.
BBK-k, Kutxak eta Vital Kutxak murrizketa gogorrak ezarriko dituzte gizarte-ekintzan. Iaz Kutxabank eratu zenetik, lehen asanbladak egin dituzte. Bilbo eta Donostiako egoitzen kanpoaldean, gizarte kolektiboek, etxegabetzeen aurkako plataformak eta sindikatuek protestatu dute neurrien kontra.
Zauriturik ez, baina 70 bat kaltetu utzi ditu ostegun goizaldean Bermeoko alde zaharrean piztutako suteak. Lehentasuna etxea galdu dutenei laguntzea dela adierazi du herriko alkate Idurre Bidegurenek eta Udaletik, Bizkaiko Foru Aldunditik eta Eusko Jaurlaritzatik hainbat neurri jarri dituzte martxan, egoerari aurre egiteko.
PPk Herri Ekimen Legegilea (HEL) desitxuratu duela salatu du Hipotekak Kalteturiko Plataformak (PAH gaztelaniaz). Plataformaren ustez, ostiralean PPk Espainiako Parlamentuan aurkeztutako proposamenak ez ditu aintzan hartzen herri ekimenean adostutako puntuak. Horregatik, gizarte larrialdi egoera hau baretzeko, HELa guztiz bideratzeko eskatu dute komunikatu batean.
Gipuzkoako Stop Kaleratzeak taldeak atzo arratsaldean Jose Antonio Azpiroz PPko diputatuaren abokatu-bulego aurrean escrachea egiteko asmoa zabaldu zuen. Bi ordu lehenago Ertzaintzak debeku agiria igorri zion taldeari; Donostiako Amara auzoko bulego ondoan ezingo zuten protesta bilkura egin, 300 metrora geratu beharko zuten. Stop Kaleratzeak taldeak inguruko kaleetan egin zuen protestaldia. Lehen aldiz da protesta mota hau debekatzen dutela.
Bizkaiako Kaleratzeak Stop plataformak bere lehen ‘escrachea’ egingo du ostiral honetan PPk Bilbon duen egoitzaren aurrean. Eztabaidatzen ari den hipoteka-exekuzioen arautegi berriari buruz PPren jarrera salatu nahi dute. Antonio Basagoiti EAEko PPko buruak berak esan zuen kaleratzeen aurkako plataformek erabiltzen dituzten borroka teknikak “ETAren munduarenak bezalakoxeak” direla.
Escracheak presio soziala bideratu asmoz egiten diren seinalatze ekintzak dira. Azken astean Espainiako Estatuan Hipotekak Kaltetutakoen Plataformak (PAH gaztelaniazko sigletan) protesta mota hori erabiltzeari ekin diolako egin zaigu ezagun askori, Hego Euskal Herrikooi behintzat.
Etxegabetzeen Aurkako Plataformako (PAH) bozeramaile Ada Colauk heriotza mehatxuak salatu ditu, PPko zenbait kidek plataforma indarkeriarekin lotu zutenetik. Tartean Cristina Cifuentes Madrilgo Gobernuko ordezkaria dago. RNE irratiak egindako elkarrizketa batean esan du, beste hainbat gauzen artean, PAHk talde “filoetarrak” bermatzen dituela eta indarkeria erabiltzen duela. Colauk gertaturikoa auzitegietara eramatea pentsatzen ari dela esan du.
Espainiako Hipotekak Kaltetuen Plataformaren iritziz, Europako Batasunaren Justizia Auzitegiak emandako sententzia oso garrantzitsua da. Sententziaren arabera, Espainiako hipoteka legeak ez ditu kontsumitzaileak babesten, eta gehiegizko baldintzekin lotutako hipoteka izan arren, etxe kanporatzeak egin egiten dira. Beraz, lege horrek ez du betetzen Europako Batasuneko araudia.
Auzo elkarteek eta etxegabetzeen aurkako kolektiboek deituta, ehunka lagunek manifestazioa egin zuten atzo Bilbon. Goizean, Ibarrekolanda auzoko 50 urteko gizon batek bere buruaz beste egin zuen, ordezkari judizialak etxegabetze aginduarekin joan zitzaizkionean.
Etxetik kanporatzeko zorian zen Basauriko herritarraren heriotza, hala nola Espainiako Estatuan Mallorcako jubilatu parearena eta Alacanteko beste pertsonarena, ez dira suizidioak izan. Eta Euskal Herrian eta Espainiako Estatuan horien aurretik hil diren beste hainbatek eta hainbatek ez dute...
Etxetik kanporatzeko zorian zen Basauriko herritarraren heriotza, hala nola Espainiako Estatuan Mallorcako jubilatu parearena eta Alacanteko beste pertsonarena, ez dira suizidioak izan. Eta Euskal Herrian eta Espainiako Estatuan horien aurretik hil diren beste hainbatek eta hainbatek ez dute euren buruaz beste egin. Homizidioak izan dira, eta arduradunek izen-abizenak dituzte: politikariak batzuk, bankuetako eta aurrezki kutxetako presidenteak besteak.
Etxea hipotekaren truke kitatzeko Herri Ekimen Legegilea tramitera onartu du Espainiako Diputatuen Kongresuak, atzo PPk ezustean alde bozkatu ostean. Hainbat sindikatuk, Hipotekak Kalteturiko Plataformak (PAH) eta beste zenbait gizarte eragilek bultzaturiko ekimen honek 1,4 milioi sinadura biltzea lortu zuen etxegabetzeen aurka eztabaida bat hasteko asmoz.
Bizkaiko Kaleratzeak Stop plataformak jakinarazi du 56 urteko gizonezko batek bere buruaz beste egin zuela atzo arratsaldean Basaurin. Elkarteak gaineratu du joan den astean deitu egin ziela gizonak eta bilera egitekoak zirela, dagoeneko ura eta argindarra moztu ziotelako. Etxea ordaintzeko zituen arazoekin lotu du suizidioa plataformak.
Espainiako Kongresura helduko da etxea hipotekaren truke kitatzeko Herri Ekimen Legegilea. Hainbat formula erabiltzen dituzte Europako herrialdeetan ehunka mila pertsonari eragiten dion arazoa konpontzeko. Gehienetan bi aldeen arteko negoziazioa eta akordioa izaten dira soluzioa, Vilaweb guneak argitaratu duen Espainia, hipoteka ordaintzerik ez dutenentzat soluziorik txarrena artikuluaren arabera. Hona artikuluaren itzulpena.
Iñigo Lamarca EAEko Arartekoa ETB1eko Euskadi Galdezka saioan izan zen atzo. Besteak beste, etxegabetzeen aferari buruz galdetu zioten herritarrek eta Lamarcak adierazi zuen erakundeek gehiago egin dezaketela horiek geldiarazteko.
Asteazken Beroak ekimena berreskuratu dute Bilbon. Biharko, finantza erakundeen jardunari buruzko asanblada antolatu dute eta hilaren 16an, elkarretaratze-okupazioa egin nahi dute Kutxabankek Bilbon duen egoitza nagusi aurrean: bertan dirua duenak kontua ixtea da asmoa, etxegabetzeen gaian bankuak duen jarrera salatzeko.
Bostehun bat pertsona Bankiak Madrilen duen egoitzaren aurrean kanpaldian daude urriaren 22tik etxe kaleratzeeen aurka protesta egiteko.
2010 eta 2012 urteen artean, babes ofizialeko etxebizitzetan edo Bizigune programa publikoak kudeatutako etxe pribatuetan alokairuan zeuden 435 familia kaleratu ditu Eusko Jaurlaritzak. Kasurik gehienetan, ordaintzeari uztea izan da familia horiek etxegabetzeko arrazoia.
Krisi betean amaitu gabe geratu diren eraikuntzak, saldu ezinik prezio altuetan mantentzen dituzten pisuak, administrazioarenak diren etxe hutsak, erabiltzen ez diren kostaldeko bigarren apartamentuak… 255.000 etxebizitza huts baino gehiago daude Euskal Herrian, eta moduak badaude horri aurre egiteko, baina ez dira neurriak hartzen.
Bizkaiko Kaleratzeei Stop kolektiboko ordezkariek Kutxabanken zituzten kontuak itxi zituzten atzo eta berdina egiteko deialdia luzatu diete herritarrei. Jendea etxetik kaleratzeari utziko ziola agindu zuen bankuak, baina bere hitza ez duela bete eta etxegabetzeekin aurrera jarraitu duela salatu du kolektiboak.
Aurtengo urtarriletik irailera bitartean 2.193 etxegabetze bideratu dituzte epaitegiek Hego Euskal Herrian, 1.970 EAEn eta 223 Nafarroan. Bederatzi hilabete horiei dagozkien iazko datuekin alderatuta, kopuruak %23,9 egin du gora EAEn, eta %5,1 behera Nafarroan.
