Espainiako Estatuaren abokatuak helegitea jarri die Anoetako eta Lezoko udalei eguneroko jardueran euskarari lehentasuna emateagatik. Ustez, erdaldunak diskriminatzen dituelakoan. Egoera salatzeko EHEk elkarretaratzea egingo du 11:30ean Espainako Gobernuak Araba, Gipuzkoa eta Bizkairako Gasteizen duen ordezkaritzaren aurrean.
Madrilgo Sol plaza bete zuen maiatzaren 15eko mugimenduak bi urte bete ditu gaur. Haserretutako herritarrak hamaika modutan deskalifikatu izan dituzte. Eduardo Muriel kazetariak horien guztien errepasoa egin du La Marea agerkari digitalean.
Espainiako Auzitegi Konstituzionalak baliogabetu egin du Kataluniako Parlamentuak urtarrilaren 23an onartu zuen erabakitzeko eskubidearen aldeko adierazpena. Vicent Partal Vilaweb.cat agerkariko zuzendariak editoriala idatzi du auziaren inguruan: Contra la imposició, la desobediència.
Amaiurreko Iñaki Goioagak torturen inguruan egindako galderei erantzuteko, Torturaren Prebentziorako Batzordeari (ECPT) emandako argudio berak eskaini zituen atzo Senatuan Mariano Rajoy Espainiako presidenteak: “Espainian pertsona guztien eskubideak eta askatasunak bermatzen dira”.
Juan Manuel Sánchez Gordillo IUko parlamentari eta Marinaledako (Espainiar estatua) alkateak ez du deklaratu Andaluziako Justizia Auzitegi Gorena ikertzen ari den kausan. 2012ko udaran 18 egunez Las Turquillas finka militarra okupatu izana leporatzen dio Auzitegiak. Andaluziako Langileen Sindikatuak (SAT) finka maiatzaren 1ean berriz okupatuko duela iragarri du Gordillok.
Espainiako erregearen abdikazioa eta haren ondorengotza bideratzeko legea ari da prestatzen PSOE, Público egunkariak azaldu duenez. Urte hasieratik alderdiaren ildo politikoa definitzeko Konferentzia Politikoa egiten ari dira, eta monarkiari buruzko hainbat eztabaida mahaigaineratu dituzte.
EAEko Lehendakariak eta Espainiako presidenteak lehengo astean isilpeko bilera izan zutela jakinarazi du ABCk. Batez ere kontu ekonomikoak izan zituzten mintzagai, baina bakegintzaz ere aritu ziren.
Luis Morcillok aitortu du berak hil zuela Santi Brouard HBko kidea bost milioi pezetaren truke (30.000 euro). El Mundo egunkariari egin dizkio adierazpen horiek.
Eraikiko al zenuke hondakin nuklearren biltegi bat “arrisku geotekniko garrantzitsuak” dauden leku batean? Enresa enpresa publikoak hori egin nahi du Espainiako Villar de Cañas herrian.
Espainiako Gobernuak BEZa igotzeak arte eszenikoen sektorea itolarrian jarri du: Norka Chiapussok Artez aldizkarian idatzitako artikulu batek ematen du larritasunaren neurria. FAETEDAk (Espainiako Estatuko Antzerki eta Dantza Elkarteen Federazioa) zergaren inpaktua aztertzen duen txostena aurkeztu zuen martxoaren 21ean Chiapussok dioenez eta zenbakiak izutzekoak dira.
¡En Pie! Plantaformak deialdi berria egin du Madrilen dagoen Espainiako Kongresua inguratzeko. Bere webgunean argitaraturiko Asedia el congreso (Kongresua setiatu) manifestuan, Gorteak desegitea eta trantsizio prozesu berri bati ekitea eskatu du plataformak.
El Mundo egunkariak argitaraturiko albiste baten arabera, Donostiako epaitegiak Eskoriatzako Udalari agindu dio bandera espainola toki “ikusgarrian, lehentasunezkoan eta dagokion ohorean” jartzeko.
Gervasio Sánchez kazetariak hainbat iruzkin argitaratu zituen bere Twiterrean atzo, El Paísek hainbat soldadu espainiarrek preso irakiarrak torturatu zituztela erakusten duen bideoa argitaratu ostean. Kazetariak salatu zuenez, egunkariak lehenagotik zekien soldadu espainiarrek irakiarrak torturatzen zituztela, eta hamar urte hauetan ikerketa bat egiteko inongo ahaleginik egin ez duela.
Espainiako armadako kideek preso irakiarrak torturatu zituztela frogatu du El País egunkariak argitaraturiko bideo batek, AEBek herrialdea indarrez hartu zutenetik hamar urte betetzear daudenean. Gertakaria Irakeko Diwaniya basean izan zen, 2004 hasieran. Gervasio Sanchez kazetariak dio, gainera, El Paísek 2005etik zekiela soldadu espainiarrek tratu txarrak eman zituztela.
Expansión egunkariak albiste deigarria publikatu du egunotan: “Espainia Alemaniaren eredurantz doa: enpresen errentek, soldatena gainditu dute 30 urtean lehen aldiz”. Egunkariak erabili ohi duen hiztegi ekonomizista murtxikatuz, artikuluak egoera berriaren abantailak eta onurak azpimarratu ditu. Krisiak Espainiaren ekonomia norabide onean jarri omen du.
“Gobernuak ez du estatuko Segurtasun Indar eta Kidegoak EAEtik ateratzeko inongo intentziorik”, adierazi zuen atzo goizean Jorge Fernández Díaz Espainiako Barne Ministroak, Eusko Jaurlaritzak hala egiteko eskatu ostean. ETAren ekintza armatuaren amaiera dela eta, Espainiako segurtasun indarrak mantentzeak zentzurik ez duela esan du EAEko gobernuak.
Ser irrati kate espainiarrak zabaldutakoaren arabera, zortzi hilabetez Norvegian izan diren ETAko kideak kanporatu ditu herrialdeko Gobernuak, bake prozesuan aurrerapausorik eman ez dela-eta. Josu Urrutikoetxea, David Pla eta Iratxe Sorzabal dagoeneko Frantzian leudeke, informazio hauen arabera.
Otsailaren 6an Madrilen Espainiako Konstituzioari eta armadari buruzko konferentzia egin zuten. La Tribune egunkari frantziarrak dioenez, “erreserban dauden hainbat ofizialek hitza hartu zuten”, tartean Juan Antonio Chicharro generalak. “Kezka sentsazio orokorra adierazi zuen, beldurra, segurtasun eza eta nahasmena Espainiako armadan Kataluniaren balizko sezesioaren aurrean”.
Kataluniako Alderdi Sozialistako (PSC) idazkari nagusi Pere Navarrok Juan Carlos II.a erregearen abdikazioa eskatu zuen atzo Bartzelonako merkataritza-ganberak antolatutako biltzarrean. Adierazpenak partiduaren barnean iritzi ugari sorrarazi ditu: PSOEk adierazpena desegokitzat jo duen bitartean, Kataluniako Gazte Sozialistek (JSC) III. Errepublika aldarrikatu dute.
Espainiako Kongresura helduko da etxea hipotekaren truke kitatzeko Herri Ekimen Legegilea. Hainbat formula erabiltzen dituzte Europako herrialdeetan ehunka mila pertsonari eragiten dion arazoa konpontzeko. Gehienetan bi aldeen arteko negoziazioa eta akordioa izaten dira soluzioa, Vilaweb guneak argitaratu duen Espainia, hipoteka ordaintzerik ez dutenentzat soluziorik txarrena artikuluaren arabera. Hona artikuluaren itzulpena.
Gutxienez 54 herrialdek babestu zuten CIAk 2001eko irailaren 11ko erasoen ondoren abiatu zuen "bahiketa, atxiloketa eta tortura operazio globala", Open Society Justice Initiative (OSJI) erakundeak plazaratutako txostenaren arabera.
Eraikuntza enpresetako buruek eta beste hainbat enpresarik PPri emandako milaka eurotako dohaintzak, alderdiko buruzagi nagusien artean banatzen zituen Luis Barcenas diruzainak. Aznar, Rajoy, Rato, Alvarez Cascos, Cospedal, Arenas eta Acebes ageri dira El País-ek gaur argitaratutako zerrendan.
Espainiako Kongresuak Malira tropak bidaltzea erabaki zuen atzo egindako batzarrean, aldeko 302 boz, kontrako 18 eta bi abstentziorekin.
EAJren eta PPren arteko harremanak gero eta estuagoak dira. Bizkaiko Aldundian eta Gasteizko Udalean adostutako aurrekontuek bidea xamurragoa jarri diote Iñigo Urkullu lehendakariari Moncloarako bidaian. Baina oraindik badaude korapiloak askatzeko, zer gai sartu ditu maletan Urkulluk gaurko bilerara eramateko? Azken egunetan egindako adierazpenen arabera, hauek izan litezke horietako batzuk.
Terrorismoaren Biktimen Elkarteak (AVT gaztelaniazko sigletan) jakinarazi du Jaurlaritzarekin harremanak eten eta diru-laguntzarik ez diola eskatuko, ez duelako bat egiten Bake eta Elkarbizitza Saileko arduradun kargurako Jonan Fernandez izendatu izanarekin.
Jorge Trías Sagnier PPko diputatu ohiak azaldu du nola ordaintzen zitzaizkien alderdiko buruzagiei 10.000 euroraino iristen ziren gainsoldatak eskudirutan, gaur El Paísen argitaratu den artikulu batean.
22 milioi eurora arteko diru-mugimenduak aurkitu dituzte Suitzako banku batean, Luis Barcenas PPko senatari eta diruzain ohiaren izenean, hedabideek asteazkenean jakinarazi zutenez. Bera da, gainera, Dresdner Bank bankuko beste lau konturen onuradun nagusia. Azken orduetan jakin ahal izan dugu Mariano Rajoy Espainiako presidentearen izena ageri dela Dresdner bankuak egindako txostenetan, eta 20 urtetan PPk gainsoldatak ordaindu zizkiela diru beltzean alderdiko goi-karguetako batzuei.
Gobernu frantziarrak 2.500 militar izango ditu Malin datozen egunetan bertako gobernuarekin batera MNLA erakunde independentista tuarengen eta herrialdeare iparraldean matxinatu diren bestelako indar islamisten aurka egiteko.
Gazteentzako lan kontratu berria proposatu dute CEOE Espainiako enpresarien elkarteak eta enpresa txiki eta ertainak biltzen dituen CEPYMEk. Hilean 645,30 euro kobratuko lituzkete, hau da, Espainiako Estatuko gutxieneko soldata.
Administrazio lokalaren erreformarekin, Espainiako gobernuak 3.500 milioi euro aurreztu nahi ditu. Baina horretarako, mankomunitateak deuseztatu eta zinegotzi kopurua gutxitu nahi du.
