Apiterapia
2010-02-03
Normandiako Manche departamentuan urtarrilean nekazari bat 10.000 euroko isunaz zigortu du auzitegiak auzoko erledun baten erleak pozoindu eta hiltzeagatik. AFP agentziak ezagutarazi du albistea, eta Univers Nature guneak ere bestelako xehetasunez argitaratu du. 2007ko maiatzean François Serrant-ek, nekazariz gain Petit-Celland herriko auzapeza ere badenak, loretan zeuzkan sagarrondoetan Bayer markako Sevin L85 pozoia zabaldu zuen behar baino dosi handiagoetan eta alboan Patrick Lefevre-k dauzkan erleen %40 hil ziren ordu gutxiren bueltan.
2010-01-12
Kimikarik gabeko erlezaintza iraunkorraz Eric Osterlund suediarrak idatzitako informazio interesgarrien (ikus artikuluaren 1., 2. eta 3. zatiak) haritik tiraka, beste erlezain garrantzia handiko batengana iritsi gara. Randy Oliver-ek ScientificBeekeeping.com gune aberatsa dauka sarean, bertan esplikatzen duelarik zehaztasun handiz eta argazkiz osatuta nola erabili azukre-hautsa Varroaren kontrako borrokan. Hartatik euskaratu dugu, laburtuta, "The Oliver 15-second sugar dust method" atala.
guztia irakurri2009-12-17
Haien lehen albistea Erland Nordenskiöld arkeologo eta antropologo suediarrak eman omen zuen 1929an (Eva Cranek The World History of Beekeeping and Honey Hunting erle-jakintzaren biblian kontatua da), Ameriketako indiarrez azterketa ugari egin zuenak. Hamar urte geroago, 1939an Jehan Albert Vellard antropologoak Gallimard-enean argitaratu zuen Guayaki-tarrak zabal sakon aztertzen zituen Une Civilisation du miel: les Indiens guayakis du Paraguay famatua.
guztia irakurri2009-12-08
Jose Migel Estonba Arruabarrenak (Irun, 1916 - Urkiola, 1982) "Izartxo" eleberria plazaratu zuen 1956an. Santi Onaindiak Euskal Literatura obraren VI. liburukian honela dio: "Izartxo (Zarautz, 1959, Kuliska Sorta, 33-34'gn. zenbakia, 177 orr.). Eleberri oni buruz «Zer» illerokoan daukazue lan eder bat, Bermeo'ko Josu Penades Bilbao'k osatua. Sasoia, bigarren gizaldia; tokia, Olearso, Kalagurri ta Aralar; norkiak, Izartxo, Erko, Basurdi ta Kisti; gaia, triku-siñiskerak, sorgin-kontuak, Izartxo ta Erko maitez minduak, Basurdi aurkalari. Erromantiku kutsuzko eleberri au gipuzkeraz dago. Irakurtzeko atsegingarria, euskera jatorrean". Hona ekarri dugu "Arkale-ko mendian" atala, antzinako ezti-harrapaketa deskribatzen duena.
2009-11-25
Erik Osterlund erlezain suediarrak erleak kimikarik gabe nola zaindu erakusten duen artikuluaren lehen zatian erlea berriro txikiagotzea proposatu du. Bigarren zatian aipatzen ditu erleari janari egokiak eman beharra eta pozoiak saiestea. Hirugarren eta azken atalean proposatzen du Varroarekin bizirauteko gai diren erleak haztea, kontatuz zein izan diren urteotan Osterlund berak egindako bidea.
2009-11-17
France Press (AFP) albiste agentziak bideoz ezagutarazi du Gazan apiterapiak daukan arrakasta. Yahooren zerbitzutik ikus daiteke "Blockade turns more Gazans to bee therapy" bideoa. Urte luzeotan Israelek ezarritako blokeoa dela medio, gazatarrek nekez lortzen dute inguruko kliniketara irteterik dauzkaten gaixotasunak artatzera. Hori dela eta, lehendik apiterapiara jotzen zuten herritarrez gain beste askok jotzen dute orain erlearen pozoiaren bila, oinazeak arintzeko itxaropenean.
guztia irakurri2009-11-09
Erik Osterlund erlezain suediarrak erleak kimikarik gabe nola zaindu erakusten duen artikuluaren lehen zatian erlea berriro txikiagotzea proposatu du. Bigarren zati honetan aipatzen ditu erleari janari egokiak eman beharra eta pozoiak saiestea.
guztia irakurri2009-11-08
Isabel Telleria erlezainaz eta honek Nafarroako Eltson martxan daukan "Ezkurdi" Erlezaintza Museoaz erreportajea argitaratu du ARGIAk. Horrekin batera, Interneteko bertsioan diaporama eskaintzen du.
guztia irakurri
© ARGIA.com
Lege Oharra
RSS sindikazioa 1.1