ERC

ERC ez da Masekin fido eta gobernuan sartzeko prest dago kontsulta "blindatzeko"

Oriol Junqueras ERCko presidenteak eskaintza argia egin dio Artur Mas Kataluniako presidenteari, honek astelehenean kontsulta hauteskunde plebiszitarioekin ordezkatzeko keinua egin ostean: “Gobernuak galdeketa blindatzeko behar bagaitu, pozik sartuko gara” esan du.

Ezin da konbentzituago egon

Ez zegoela hilda, parrandan zegoela. Hilda? Ez, ez, kañak hartzen ari zen. Peret zenak kantatzen zuen. Irailaren 11n Diadako V erraldoiaren amaieran omendu dute abuztuan hil zen rumbaren erregea, Concert per la llibertaten jo zuen kanta baten bideoa proiektatuz. Peret joan da, baina independentismoa parrandan dabil, 1.800.000 lagun dantzara atera dituen festan.

Ipar Katalunian eskualde autonomoa sortzeko plataforma aurkeztu dute

Katalunia iparraldean eskualde autonomoa sortzeko plataforma herrikoia aurkeztu dute Perpinyan, Brice Lafontaine Unitat Catalaneko presidenteak bultzatuta. Frantziako Gobernuak prestatzen ari den lurralde erreformarekin, Ipar Katalunia Toulouse hiriburu izango duen “makroeskualdean” sartu daitekeela ohartarazi dute, ipar katalanak “erabakitzeko ahalmen gabe utziz”.

Politikariak eta herritarrak, ia denak Gallardonen aurka

Uztailaren 3an eta 4an, Bizitzeko Eskubidearen aldeko Nazioarteko Mintegian bildu dira hainbat parlamentari Madrilgo Diputatuen Kongresuan. Alboko aretotik, emakumeen elkarteek eta oposizioko alderdiek ezetz esan diete, ez dutela abortuaren lege erreforma onartuko.

Monarkia erreferendumetik pasa dadin fronte bateratuaren bila ari dira Espainian

Espainiako monarkiaren inguruan errreferendum bidez herritarrek erabaki ahal izateko aldarria bolo-bolo dabil, astelehenean Espainiako erregeak abdikatu zuenetik. Galdeketa egitearen eskaera oso zabaldua dago Espainiako Estatuan, baina nola gauzatu dago erabakitzeko.

Espainiako Kongresuak apirilaren 8an esango dio ezetz Kataluniaren erabakitzeko eskubideari

Espainiako Diputatuen Kongresuan apirilaren 8an egingo dute Kataluniaren erabakitzeko eskubideari buruzko eztabaida.
CUP

David Fernandez (CUP), ekonomia postkapitalistaren hiru esparruak

Datorren astean argitaratuko da ARGIAn David Fernandez Kataluniako CUP alderdiko bozeramailearen elkarrizketa. Paperak ezin izan zuen esandako guztia irentsi eta galdera pare bat elkarrizketa hartatik at geratu zitzaizkidan.

ERC ez da Europako hauteskundeetara
EH Bildurekin aurkeztuko

Europako hauteskundeetara begira koaliziorik ez du osatuko ERCk. Bakarrik aurkeztea erabaki du eta, aurrez CiUrekin gertatu bezala, EH Bildurekin ez dela joango agerian geratu da orain.

Erreferendumaren bidea: krisia katalan soberanismoan

Abenduaren 4an Kataluniako Legebiltzarrak bozkatu behar zuen zein bide erabili erreferenduma gauzatzeko, gero Espainiako Legebiltzarrari noiz eta nola egin eskatzeko. Desadostasuna eskaera Espainiako Kongresura iristeko bidean egon da: lege proposamena erabili (ICVk nahi bezala) edo ez legezko proposamena (ERCk nahi bezala)?

EH Bildu hainbat alderdirekin hitz egiten ari da Europako hauteskundeetara aurkezteko

Ara egunkariak aurreratu zuen orain egun batzuk ERC eta EH Bildu batera aurkez daitezkeela Europar Batasuneko hauteskundeetara. Koalizio abertzaleak jakinarazi du beste hainbat alderdirekin ere kontaktuan dagoela.

EH Bildu eta ERC
Europako hauteskundeetan
elkarrekin joateko bidean

EH Bildu eta Esquerra Republicana (ERC) 2014eko maiatzean egingo diren Europako hauteskundeetarako koalizioa egiteko bidean dira, Ara egunkari katalanaren arabera. Hilabete honetan bertan Bartzelonan eginen duten topaketan finkatuko litzateke ituna.

Katalunian gomazko pilotarik ez, baina munizio "sendoa" bai

Kataluniako mossoek gomazko pilotak erabiltzeari utziko diote, CIUk hala erabakita. Ramon Espadaler Barne sailburuak azaldu du pilotak “bezain sendoa” den munizioa erabiliko dutela aurrerantzean.

PP: "Espainia ez da desegingo, horren esperantzan zaudetenok ahantzi ideia hori"

PP, PSOE eta UPyD alderdiek ezezko borobila eman zioten Kongresuan herrien autodeterminazio eskubideari. Amaiur koalizioak, Kataluniako ERC-k eta Galiziako BNG-k eramandako erabakitzeko eskubidearekin lotutako legez besteko proposamena eztabaidagai izan zen atzo Madrilgo kongresuan.

Autodeterminazio eskubidea eztabaidagai Espainiako Kongresuan

Amaiur koalizioak, Kataluniako ERC-k eta Galiziako BNG-k autodeterminazio eskubidearen gaia eramango dute gaur Madrilgo Kongresura, legez besteko proposamen baten bidez. Erreferendumak antolatu ahal izatea bozkatuko dute diputatuek.

Kataluniako Gobernuak ez du fracking-a baimenduko

Felip Puig Kataluniako Enpresa eta Lan kontseilariak adierazi du Generalitateak fracking teknikaren aurka egingo duela, aditu taldeak egindako ikerketaren ondorioetan oinarrituta.

LAPAO eta LAPAPYP Auzitegi Konstituzionalera

Konstituzionaltasun ezagatik errekurtsoa jarriko diote Espainiako kongresuko 63 diputatuk Aragoiko hizkuntzen legeari Espainiako Auzitegi Konstituzionalean, VilaWebek adierazi duenez. Legeak babesik gabe uzten ditu katalana eta aragoiera.
ERC

ERC prest Europan ezker abertzalearekin aurkezteko

Kataluniako ERC alderdia ezker abertzalearekin koalizioa osatzeko aukera aztertzen ari da, izan EH Bildu, Sortu edo Amaiurrekin. CDC eta CUP alderdiekin bloke subiranista sortzeko ideiak aurrera egiten ez badu hartuko lukete bide hori, Europa Press agentziak dioenez.

ANCren abisua Katalunian: "Kontsulta ez egitea traizioa litzateke"

Biltzar Nazional Katalaneko (ANC) presidente Carme Forcadellek ziurtatu du kontsulta atzeratzea “traizio handia” litzatekeela. Honekin ANC-k abisua eman die Generalitateari eta, bide batez, CiU eta ERCko zuzendaritzei. Prozesu subiranista deskafeinatzeko PPk azken aldian hasi dituen hurbiltze mugimenduen tranpan ez daitezela erori eskatu die.

ERC Artur Masen gobernuan sartzeko prest galdeketarako data ezartzen bada

ERCko presidente Oriol Junquerasek azaldu du CIUren Gobernuan sartuko litzatekeela Artur Masek galdeketarako data ezarriz gero. Generalitateko presidenteak gonbidapena luzatu die ERCri eta PSCri Gobernuaren kide izan eta egonkortasuna emateko.

Legeetatik at, legea hautsi barik

Katalunian hasi da independentziaranzko oztopo lasterketa. Orain, gobernuak badu legitimitate instituzionala erreferenduma deitzeko eta ez nolanahiko gehiengoarekin: 85 adierazpenaren alde eta 41 aurka (gehi CUPeko bi abstentzio). CiUren eta ERCren akordioaren arabera, erreferenduma 2014an...

Kataluniako subiranotasunaren eta erabakitze eskubidearen aldeko adierazpena euskaraz

Atzo Kataluniako parlamentuak subiranotasun aldarrikapena onartu zuen, eta hala, subjektu burujabea dela adierazi zuen gehiengo zabal batekin. 85 bozka alde, 41 aurka eta 22 abstentzio. Vilaweb agerkari digitalak irakurleei testua beste hizkuntzetara itzultzeko laguntza eskatu zien eta hainbat izan dira egindako itzulpenak. Horien artean Andoni Urtasunek euskarara itzuli zuen testaua pixka bat zuzenduta ekarri dugu hona, Creative Commons lizentziei esker. Originala hemen ikus dezakezu Vilaweben bertan, eta hemen egindako beste itzulpenak.

Kataluniako Parlamentuak burujabetza adierazpen historikoa onartu du

Kataluniako parlamentuak burujabetza adierazpena onartu du, eta beraz, adierazi du erabakitzeko eskubidea duela. 85 boto alde, 41 aurka eta 2 abstentzio. CiUk, ERCk eta ICVk adierazpenari baiezkoa eman diote. CUPek "baiezko kritikoa" eman dio aldeko boto batekin eta bi abstentziorekin. PSCk azkenean ezezkoa bozkatu du, baina bost diputatuk ez bozkatzea erabaki dute. PPk eta Ciutadansek ere ezezkoa bozkatu dute.

Burujabetza adierazpena aurrera ateratzeko bidean dira Katalunian

Katalunian bi urte barru egin nahi duten kontsultarantz pausoak ematen jarraitzen dute erakundeetatik. Gaur goizean aurkeztu dute parlamentuan burujabetza adierazpena CiUk eta ERCk (ikus PDFan osorik). Bertan jasotzen da “Katalunia subjektu politiko eta juridiko subiranoa” dela. Joan den ostegunean prentsara filtratu zen burujabetza adierazpenaren zirriborroa, eta PSC, ICV eta CUPen kritikei jaramon eginez, estatu propioari buruzko aipamenak kendu dituzte, adostasuna lortzen laguntze aldera.

Ogasun propioa sortzeko lehen pausoak Katalunian

Kataluniako Generalitateak dekretua onartu zuen atzo Ekonomia saila birmoldatzeko. Sailaren barruan Ogasun Idazkaritza sortu du, Kataluniako Zerga Agentzia garatzeko helburuz. Francesc Homs sailburuaren esanetan, lanean ari dira 2014 urterako “dena prest” izateko.

Kataluniako independentziaren kontsulta bideratzen hasi dira CiU eta ERC

Katalunian independentziaren inguruko kontsulta egingo dute 2014an eta hartarako prestatzen hasi dira Convergencia y Unió (CiU) eta Esquerra Republicana (ERC). Gaia jorratzeko lehen aldiz bildu ziren atzo eta kide berrien, defizitaren eta subiranotasunaren inguruan hitz egin zuten. Hemendik aurrera astelehenero elkartuko direla jakinarazi dute.

CiU-k eta ERC-k akordioa itxi dute: Independentziari buruzko kontsulta 2014an egingo dute Katalunian

Kataluniako CiU eta ERC alderdiek gobernu akordioa erdietsi dute. Atzo itxi zuten hitzarmena Artur Mas presidenteak eta Oriol Junqueras ERCko buruak. Hainbat puntuk erabakitzeko eskubideari egiten dio erreferentzia. Bi alderdiek independentziari buruzko kontsulta 2014an egiteko konpromisoa agertu dute, data atzeratzeko aukera dagoen arren, biek ala biek egoki ikusten badute, bederen. Akordioa gaur itxiko dute guztiz bi aldeek, Parlamentuan egingo duten agerraldian. Junquerasek atzo zioenez, badira lotu gabeko gauza batzuk, "baina ziurrenik gaur itxiko dira horiek ere". ERCko burua pozik agertu zen, independentziari buruzko kontsulta egiteaz gain, "politika sozio-ekonomikoetan aldaketak emango direlako".
CiU

ERCk ez du CiUrekin gobernurik osatuko

ERCk ez du CiUrekin batera gobernurik osatuko, joan den igandeko hauteskundeen ostean bi alderdiek egin duten bileran argi geratu denez. Dena den, Oriol Junqueras ERCko buruak adierazi du gobernuaren "egonkortasuna" bermatzeko prest dagoela. Adierazpenak atera zabal diezaioke CiUk gutxiengoarekin gobernatzeari, ERCk parlamentuan laguntza eskainiz.
ERC

Gobernu plurala erreferenduma egiteko

Herriak hitz egin du eta garbi gainera: autodeterminazio erreferenduma egitea nahi du, baina ez du nahi prozesuak Convergència i Unióren gidaritza hutsarekin jarrai dezan aurrera. Gutxienez, CiU eta ERCren arteko koalizioa nahi du. Beraz, bi alderdi horiek (…) erronka erraldoia daukate aurrean. Exijitu behar zaie momentu historiko honen mailan egon daitezen eta posible egin dezaten independentziari buruzko bozketa. Gaur gaueko emaitzen arabera, bozketa hori irabazi egingo litzateke, baina abisu serioa jaso du, hain erraza ez dela izango erakusten duena.
ERC

Katalunian CiU irabazle asko jaitsi arren, eta ERC bigarren indarra

Gehiengo subiranista izango da Katalunian datorren legegintzaldian. CiUk erraz irabazi du, nahiz eta 12 eserleku galdu dituen eta ez duen gehiengo osorik lortu. 62 ordezkari izatetik 50era igaro da. ERC 10 ordezkarirekin bosgarren alderdia izatetik, bigarren indarra izatera igaro da 21ekin. Bloke subiranistak gehiengo osoa izango du ICVk 12 eta CUPek 3 legebiltzarkide eskuratuta. PSC hirugarren izan da nahiz eta ERCk baino boto gehiago atera. 20 ordezkari izango ditu. PP laugarren postuan geratu da 19rekin. Ciutadansek ordezkaritza hirukoiztu egin du eta 9 legebiltzarkide izango ditu.
ERC

CiU-ERC, ezinbestean

Artur Masek CiUren ohiko zalantzekin egin zion aurre irailaren 11ko manifestazioari. Azkenean, CiU egon zen eta Mas ez. Baina Masek ez zuen galdu nahi izan tren jendetsu hura eta baliatu nahi izan zuen bere indarra biderkatzeko. Helburu horrekin aurreratu zituen hauteskundeak eta sekulako danbatekoa jaso du. Gehiengo osoa helburu zuenak, 12 eserleku galdu ditu, politikaren mirari horietako bat gauzatuz: hauteskundeak aise irabazi, baina galtzaile handiena bilakatu.
Multimedia

2009-06-08  |  ERC

Europako hauteskundeak. Xabier Letonaren analisia

Europako hauteskundeek ez dute ezusteko handirik ekarri. Euskal Herrian, batek daki udazkenean zer gertatuko den.
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


AmetzagaiƱa Argia Antza iametza Adur Luditoys