Piztu Ezazu Argia 970x90

Estereotipo #itxuroso-ak

- Ikusi zenuen zein ondo disimulatu zizkioten ipurdiak? - Zer, Mediaset-eko kate horietako batean bota zuten programa hartakoa? - Ez, ETB1-ekoa.

Zeinek mugitzen ditu komunikabideen hariak?

“Traficantes de la información” liburuak izen-abizenak jarri dizkio Espainiako Estatuan egunero kontsumitzen dugun informazio gehienaren atzean daudenei: BBVA, Repsol, Planeta taldea, La Caixa, Banco Santander, Telefonica edo Silvio Berlusconi bera ere. Telezaborraren aitzindariaren telebista eredua, EiTBn ere oso presente izan da. Hasiera hasieratik.

ETBk "Cuadrilla busca cita" saioa kenduko du, eduki sexistarengatik kritikak jaso ostean

ETBk erretiratu egingo du "Cuadrilla busca cita" saioa. Reality-showaren eduki sexista dela-eta polemika izan da aste honetan.

Oposizioko alderdiek ere "Cuadrilla busca cita" saioa erretiratzeko eskatu dute

EH Bildu, PP eta PSE alderdiek "Cuadrilla busca cita" saioa erretiratzeko eskatu diote EITBri, “berdintasunaren oinarriak urratzeagatik”. Igandean estreinatu zenetik ikusle askoren eta hainbat erakunderen kritikak jaso ditu eduki sexistak emititzeagatik.

"'Cuadrilla busca cita' lehen segundotik azkenera arte eduki sexistetan oinarrituta dago"

Hala dio Euskal Herriko Mugimendu Feministak argitaratu duen artikuluak (pdf). Kritika zorrotza egin dio ETB2 emititzen hasi berri den telebista saioari. Estereotipoak azpimarratzea eta heteroarau hertsiena sendotzea leporatzen diote.

ETB2ko saio berri baten eduki sexistak polemika sortu du sare sozialetan

#ETBnEdukiSexistarikEz traola azken 24 orduetako erabiliena izan da euskaraz Twitter sare sozialean. ETB2k igande gauean estreinatu zuen “Cuadrilla busca cita” telebista saioak eragin du protesta.

Kutxabanken pribatizazioaz eztabaidarik ez Radio Euskadin, hauteskundeetan "eragin" ez dezan

Kutxabanken pribatizazioari buruz Radio Euskadin prestatuta zuten eztabaidan parte ez hartzea erabaki du EAJk. Gaiak aurrez aurre jarri ditu alderdi jeltzalea batetik eta EH Bildu eta ELA sindikatua bestetik.
UPN

UPNk esan du ez diola utziko ETBri LTD bidez Nafarroan emititzen

Euskal Telebistak ez ditu nafarren interesak errespetatzen, eta legediaren aurka jokatzen du, UPNren esanetan. Horregatik, alderdiak adierazi du ez diola ETBri Lurreko Telebista Digitalaren (LTD) bidez emititzen utziko.

EiTBn irregulartasunak atzeman ditu Lan Ikuskaritzak

EiTBko zuzendaritzak zenbait langileri erredaktore posturako lan kontratu arrunta egin beharrean artista kontratua egin diela salatu du LABek, eta hala baieztatu du Lan Ikuskaritzak.

Pello Sarasolak ETBko zuzendaritza utzi du

Osasun arazoak argudiatuta, Pello Sarasolak Euskal Telebistako zuzendari izateari utzi dio. Maite  Iturbe EITBko zuzendaria izango da behin-behinean Sarasolaren postua hartuko duena.

Ordu erdiko hizkuntza dosi atsegina

Hilabeteak daramatza Kike Amonarrizek zuzendutako T ribuaren berbak telebista saioak prime timean. Bolo-bolo dabil saio erakargarria ari dela emititzen ETB1. Soziolinguistikaren ikuspegitik saioak egin duen ekarpena aztertu dugu.

ETB-1, euskararen aldeko apustuan berrikuntza gutxi

Fikzioaren gabezia da, beste behin ere, ETB-1en programazioari geratzen zaion hutsunerik handiena.

EiTBko langile guztiei ez zaie euskara maila altua eskatuko, lanpostuaren araberakoa baizik

EiTB irrati-telebista publikoaren euskara planak ez diela langile guztiei euskara "maila altua" eskatuko adierazi du Cristina Uriarte Eusko Jaurlaritzako Hizkuntza Politika sailburuak. Lanpostu bakoitzak profil bat izango du eta horren araberako maila eskatuko zaio langileari.

EiTBri presoen eskubideen aldeko manifestazioa zuzenean emateko eskatu dio EH Bilduk

EH Bilduk eskatu dio EiTBri hilaren 11ko presoen eskubideen aldeko mobilizazioarekin zuzeneko konexioak egiteko, ekitaldiak "interes informatibo handia" duela iritzita.

EITB Nafarroan ikusteko auzitegietara joko du EAk

UPNk ETB Nafarroara zabaltzea ekidin ostean, nafarrek hedabide publikoa ikusi ahal izateko bide judiziala hartuko du EAk. Katea digitalizatzea “gehiengoaren borondatea” dela dio.
EAJ

Ramon Labaien hil da, ezer baino lehen euskaltzalea zen politikaria

Ramon Labaien abenduaren 13 gauean hil zen 85 urte zituela. Politika eta kultura gizona izan zen, eta batik bat euskararen bultzatzaile amorratua.

EITB Nafarroara zabaltzea ekidin du momentuz UPNk

EITBk Lurreko Telebista Digitalean (LTD) emititzea eragotzi du Yolanda Barcinaren alderdiak. EAJk eta UPNk lantaldea osatu dute, kate publikoren digitalizazioaren afera  “konpontzeko”.

EITBk seinale digitala jarriko du Nafarroan, UPNk “ilegala” dela esan arren

Iruñerrian EITB lurreko telebista digitalaren (LTD) bidez sintoniza daiteke jada, kateak sarea digitalizatu ostean. UPNk dio kate publikoa LTDn sartzea “legez kanpoko okupazioa” dela.

Publizitatea eta gainera euskaraz?

Zaila bada berez inori Publizitatea eta Harreman Publikoetako Gradua ikasten ari zarela aitortzea, are gogorragoa da euskarazko ikaslea zarela esatea. Lehenengo aitorpenarekin, begirada mesfidatia; bigarrenarekin besoa zure bizkarraldera: “Animo”. Hargatik, interes bereziarekin jarraitu nuen atzo gauean Kike Amonarrizek aurkezten duen Tribuaren Berbak saioa. Euskara eta publizitatea zituen aztergai. Bertan ikusi eta entzundakotik abiatuta ideia batzuk ekarri ditut hona. Halere, tartea baduzu, saioa bera ikustea duzu onena.

EITBren gaztelaniazko kateetan euskara gehiago agertuko dela dio Iturbek

Maite Iturbe EITBko zuzendari nagusiak adierazi du “gero eta gehiago” agertuko dela euskara EITBren gaztelaniazko kateetan. Igandeko Berrian argitaratutako artikulu batean azaldu duenez, “modu oso natural batean” hasiko dira aldaketa egiten.

"Planteatuko al litzateke TVEn kazetariak espainiera ez jakitearen burugabekeria?"

Elixabete Garmendia kazetaria elkarrizketatu du Euskonews agerkariak. Kazetari sena nola piztu zitzaion eta nola trebatu zen garai hartan emakumezkoetan hain arrotza zen mundu edo ofizio horretan; orduko euskal hedabideen egoera, Iruñean burutu zituen ikasketen sasoia eta Zeruko Argian praktiketan hasi, lanean ibili eta zuzendari izan zeneko garaiak ekarri ditu gogora, besteak beste, Josemari Velez de Mendizabal Azkarragarekin izan duen solasaldian. Baina, batik bat, ETBko hizkuntza politikaz jardun da kazetari ormaiztegiarra.

Lan erreforma aplikatuz gero greba egingo dute EiTBko langileek

Hitzarmenaren aurreraeragina eskatzen du EiTBko enpresa-batzordeak: hots, orain arteko lan hitzarmena mantentzea eta ez, 2012ko lan erreformak eskaintzen duen aukera baliatuz, bestelako baldintzak ezartzea. Orain arteko hitzarmenak indarrean jarraitzen ez badu, greba egingo dutela eta "telebista beltzean" jarriko dutela adierazi dute langileek.

Gizon festa

Ez dut zalantzan jarriko Alkain, Galartza, Plazaola eta Euzkitzeren dohain anitza ETB1ko ikuslegoa irriz lehertarazteko orduan, beraien Kontrako eztarritik emankizunarekin. Duda izipirik ez dago. Txalotzekoa da. Gainera gustatzen zait, txantxak zenbaitetan lodixkak suertatu arren, gure...

ETBko ‘Iparraldearen Orena’ telebista saioa amaitu da

21 urtez Zuberoako, Lapurdiko eta Nafarroa Behereko egunerokoa erakutsi du Iparraldearen Orenak. Saioa bukatutzat eman du ETBk eta hemendik aurrera Euskal Herria Zuzenean saioan integratuko dituzte Ipar Euskal Herriko berriak.

EITBk bertan behera utzi du Nafarroan egiten den saio bakarra

EITBk Navarra Directo informazio saioa etetea moztea erabaki du; hamabost urtez Nafarroako telebistetan ikusi ahal izan den programa. Hamar langile kaleratuko dituzte.

Greban zeuden Eitb.com-eko langileak ez dituzte kaleratuko

M4F/Eitb.com-eko langileek amaitutzat eman dute hilabete iraun duen greba, zuzendaritzarekin akordio batera heldu ostean. 27 lagun kaleratzea aurreikusten zuen erregulazio espedienteak.

ETBren Nafarroako antenaren afera Europara eramateko prest da EA

Nafarroako Gobernuko Industria Ministerioak adierazi du EAri jarritako 45.000 euroko isuna ez duela atzera botako, eta Auzitegi Nazionalean bideratzen ari diren auzi judizialak aurrera jarraituko duela.

EITBrentzat lan egiten duen M4Fk langileen erdia kaleratuko du

EITBk azpikontratatutako Media for Future (MF4) enpresak langileen erdia kaleratzea eta gainontzekoei soldata %25 jaistea aurreikusten duen Enplegu Erregulazio Txostena aurkeztu du.

Radio Vitoriako kaleratzeen inguruko azalpenak emateko eskatu diote EiTBko zuzendariari

Radio Vitoriako langileek igorritako mezu batean salatu zuten EiTBk 10 langile kaleratzeko asmoa zuela. Asteazkenean, konpainiak komunikatu bat igorri du datu horiek okerrak direla esanez. PPk, PSEk eta Bilduk Maite Iturbe EiTBko zuzendariari parlamentuan agertzeko eskatu diote, egoera argitzeko.
Multimedia

2013-11-12  |  EITB

Aho bizarrik gabe: Maddalen Iriarte

Maddalen Iriarte telebistako aurkezlea eta kazetaria, 'Aho bizarrik gabe' ekimenaren baitan, Azpeitiako Sanagustin kulturgunean. Eider Alkorta irakasle eta politologoarekin solasean. Irudiak: Erlo Telebista
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys