Bilbon hildako langilearen kasua azpikontratazioarekin lotu dute sindikatuek

Astelehenean Bilboko Arangoiti auzoan eraikitzen ari diren etxebizitzetan lan istripua izan da eta 49 urteko langile barakaldarra hil da dumper motako ibilgailu batek azpian harrapatuta. Heriotza salatzeko, asteartean elkarretaratzea deitu dute 11:00etan Deustuko San Pedro plazan ELA, LAB, STEE-EILAS, Hiru eta EHNE sindikatuek. CCOOk ordu bete beranduago egingo du protesta.

Gipuzkoako EHNE utzi dute hainbat nekazarik, bestelako eredu baten alde egiteko

"Gogorra da esatea, baina, niretzat, EHNEk gaur egun baserriari kalte handiagoa egiten dio mesede baino. XXI. mendeko baserriak XXI. mendeko sindikatua behar du", adierazi du zuzendaritza taldeko kide ohi Enrike Gisasolak, EHNE Gipuzkoa utzi eta egitura berria sortuko duten nekazarietako batek.

Ordezkari sindikalen babesa jaso du ekainaren 8ko giza kateak

123 enpresetako ordezkari sindikalak bildu dira gaur Bilbon Gure Esku Dago egitasmoari babesa emateko. Giza kateak izango duen kilometro bakoitzeko enpresa bat aukeratu dute. ELA, LAB, ESK, EHNE, Hiru eta Eilas sindikatuetako kideak dira.

Bertako produktuak sustatzeko akordioa egin dute lehen sektoreak eta Eusko Jaurlaritzak

Landa eta itsas eremuko eragileek eta Eusko Jaurlaritzak akordioa sinatu dute jendarteko kontsumo ohiturak aldatu eta lehen sektorea indartzeko helburuz. Nirea egitasmoaren aurkezpenean ez dute ekintza zehatzik azaldu; atxikimenduak eta konpromisoak lortu nahi dituzte.

Nekazaritza helburuak baztertu eta Nafarroako ubidea edateko urarentzat erabiltzen hasi da Gobernua

Nafarroako ubidearen bidez hegoaldeko lur ureztatuak gehitu nahi zituen Yolanda Barcina buru duen gobernuak. Ez dira ordea helburua lortzen ari, eta horren ordez atzo Mendinuetan 1.125 biztanlerengana edateko ura eramateko hartunea inauguratu zuten, Gara egunkariak ekarri duenez.

EHNEren manifestazioa, Nafarroako makroegituren aurka

Mobilizazioa deitu du Nafarroako EHNEk abenduaren 21ean. Nafarroako Gobernuaren murrizketak eta egitura handietan dirua “xahutzea” kritikatuko dute.

Mobilizazioak Hego Euskal Herrian
pentsio eta lan erreformen aurka

Espainiako Gobernuak azken urteetan hartutako murrizketen eta erreformen kontra hainbat eragilek mobilizazioak deitu dituzte gaurko eta biharko Gasteizen eta Iruñean.

Esne ekoizleak kezkatuta ekoizpen-kuoten desagerpena dela eta

Hego Euskal Herriko esne ekoizleek beltz ikusten dute etorkizuna 2015etik aurrera. Urte horretako apirilean desagertuko dira Europar Batasunean 1984tik indarrean dauden ekoizpen-kuotak, hau da, ekoizle eta estatu bakoitzak produzitu dezakeen gehienezko esne kopurua.

UPNren murrizketen kontra jende andana bildu da Iru˝ean

Nafarroako Politika Orokorraren Eztabaidako bigarren saioa egin bitartean, herritar mordo batek manifestazioa egin du gaur, 9:00etan, UPNren politika ekonomikoa eta murrizketak salatzeko.

Klima aldaketa jorratuko dute Baionako Alternatiba Egunean

Urriaren 6an egingo dute Alternatiba eguna Baionan. Bizi! Mugimendu altermundistak hainbat hitzaldi eta ekimen desberdin prestatu ditu. Klima aldaketaren eta beste hainbat gairen inguruko hausnarketa bultzatuko dute. Hitzaldiak euskaraz izango dira eta frantsesez direnetan itzultzaileak egongo dira Umeentzat ere tailer bereziak egongo dira.

Kapitalismoaren alternatibekin kontrabandoa egingo dute aste osoan Bilbon

Kapitalismoari alternatibak bilatzeko helburuz, aste osoko jardunaldiak antolatu dituzte Komite Internazionalistek. Gaurtik hasi eta igandera bitartean, Andaluzia, Katalunia eta Hego Amerikako esperientziak partekatuko dituzte hainbat adituk.

Ehunka enpresa batzorde batu dira maiatzaren 30eko grebara

Maiatzaren 30eko grebarako deialdia egin duten sindikatuek –ELA, LAB, ESK, STEE-EILAS, EHNE, HIRU, CGT eta CNT– adierazi dute ehunka enpresak egin dutela lanuztearen deialdiarekin bat.

Energi ereduari buruz eztabaidatuko dute bihartik aurrera Gasteizen

Bihartik hasita eta larunbatera arte Energia Jardunaldiak egingo dituzte Gasteizen. Hitzaldi, mahai-inguru eta dokumentalen bidez, gaur egungo energi ereduaz eztabaidatu eta etorkizunerako bestelako bideak proposatu nahi dituzte jardunaldietako antolatzaileek.

Greba orokorra deitu du gehiengo sindikalak Hego Euskal Herrian

Maiatzaren 30erako greba orokorra deitu du gehiengo sindikalak Hego Euskal Herrian. Grebarako deialdia egin duten sindikatuak ELA, LAB, ESK, STEE-EILAS, EHNE, HIRU, CGT-LKN eta CNT dira, beste 50 kolektiboz gain.

Eric Holt: "Elikadura Burujabetzak balio du independentziaren kontzeptuan sakontzeko"

Food First erakundeko zuzendari Eric Holt-Gimenez Euskal Herrian izan zen, EHNE Bizkaiak antolatutako Que coma todo el mundo jardunaldietan. Baserri Bizia aldizkarian elkarrizketa egin diote eta egin dituen adierazpen batzuk euskarara itzuli ditugu.

Euskal Herriko Elikadura Burujabetzaren aldeko Gizarte Aliantzak mobilizazioa deitu du urriaren 27an

“Elikadura, herritarron eskubidea” lemapean izango da mobilizazioa Bilbon, urriaren 27an. Donostiako arrantzaleen kofradian egin zuen deialdia atzo Euskal Herriko Elikadura Burujabetzaren aldeko Aliantzak. Urriaren 16an sortu zen bilgune hori, Munduko elikaduraren egunean. Hogeita hamar gizarte taldek baino gehiago dira partaideak, ELA, LAB, ESK,EHNE-Bizkaia sindikatuak besteak beste.

Esnearen sektoreak bizi duen egoera salatzeko, EHNEk merkatu gardena antolatu du ostiralean

Ostiralean, irailak 14, Bilboko Arriaga plazan Merkatu Gardena antolatu du EHNE sindikatuak. Ardi eta behin esnearen azpisektoreak bizi duen egoera salatzeko asmoa dute ekimen horren bitartez, zehazki elikagaien prezioak finkatzerakoan dauden injustiziak. Goizeko 11:30etatik aurrera, gazta erdi bat eta litro bi esne banatuko dituzte 10 euroan.

Elikadura burujabetza: Gure elikaduraren kontrola berreskuratuz

Nondik heldu da jaten duguna? Nork eta nola ekoizturik? Gero eta ugariagoak dira bertako nekazaritzan oinarrituta elikadura osasuntsua bermatzeko abiarazitako ekimenak. Horietako biren esperientzia jaso dugu eta elkarrizketa mamitsua egin diogu Mixel Berhokoirigoin Euskal Herriko Laborantza Ganbarako lehendakariari.

Behi esnearen sektoreak bizi duen egoera salatzeko mobilizazioa egingo da abuztuaren 31n Bilbon

EHNE-Bizkaiak (Euskal Herriko Nekazarien Elkartasuna) abuztuaren 31n Bilboko Kale Nagusian egingo du protesta behi esnea ekoizten dutenen egoera larria ezagutarazteko. Nekazariek oso prezio baxuan saltzen dute merkatuan eta pentsua inoiz baino gehiago ordaintzen ari dira zerealen merkatuak nozitzen duen espekulazioaren erruz.

Elikadura burujabetzaz mintzo da 'Gure lurra, gure etorkizuna' dokumentala

Bizilur eta EHNE Bizkaiak elkarlanean sortu dute Gure lurra, gure etorkizuna dokumentala. Euskal Herriko baserritarrekin eta nazioartean elikadura burujabetzaren alde lanean ari diren nekazari eta ekintzaileekin egindako elkarrizketak bildu ditu filmak. ARGIA.com-eko Dokumentalak gunean duzue ikusgai.

Berangoko udal plenoak Kukullaga baserriaren inguruko EHNE-Bizkaiaren mozioa aho batez onartu du

Berangoko (Bizkaia) udalbatza osatzen duten zinegotzi guztiek aho batez onartu dute EHNE Bizkaiak aurkeztutako mozioa. Mozioak jasotako puntuen artean dago "EHNEk eskatutako ikerketa publiko bat egiteko prozedura zabaltzeko eskatzea, besteak beste finantziera pribatuen jarduteko moduak ikertu eta ezagutzera eramateko asmoarekin; Ikerketari babesa eta sostengua emanez".
Multimedia

2007-11-04  |  EHNE

Nekazal erregaien iruzurraz

Ingalaterran jaioa, Madrilen basogintzari buruzko tesia egin eta Karrantzan (Bizkaia) bizi da aspaldian Helen Groome. EHNE baserritarren sindikatuan egiten du behar eta nekazaritza-erregaiez berarekin patxadaz hitz egiteko parada izan dugu.

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagai├▒a Argia Antza iametza Adur Luditoys