ARGIAren Egutegia euskal etxeetan hain zabaldua dagoen eta milaka herritarrentzako bere hizkuntza lantzeko lehen tresna izan den "tako" formako almanaka da.

Informazio zabala eskaintzen du egunero kentzen diren orritxoetan: aurreko aldean,eguzkiaren eta ilargia egoera, kristau santutegia eta euskal izendegia, efemerideak, eta abar.

Eguneko informazio erabilgarriaz gain (eguzkia, ilargia, efemerideak, santutegia, euskal izendegia), irakurgai atseginak ditu EGUTEGIA 2001ek, guztiak ARGIAko ekipoak prestatuak, kolaboratzaile kualifikatuenekin: osasuna (Jabier Agirre), sexuaren inguruko tabuak (Eli Pombo), teknologia (Joxerra Aizpurua), txisteak (Kike Amonarriz), euskal toreroak (Iñaki Azkune), zinema (Beñat Doxandabaratz), euskal diaspora (Joseba Etxarri), desagertzear dauden kulturak (Eli Pombo), euskal izenak (Mikel Hoyos), literatura (Enrike Letona), zenbakiak (Dani Martirena), dantza (Jon Maya), errezetak (Jokin Otamendi), animalia sakratuak (Eli Pombo), musika (Joxemi Saizar) eta historia (Erlantz Urtasun).

Ohiko saltokietan egon ohi da urtero salgai Egutegia eta baita Argiara bertara eskatuta.

Tel.: 943 37 15 45
e-posta: denda@argia.com
Faxa: 943 36 10 48